ရန်ကုန် ၁၁-၅-၂ဝ၁၈
ဧရာဝတီမြစ်ရိုး တစ်လျှောက် ကမ်းပြိုကာကွယ်ရေး လုပ်ငန်းများ ဆောင်ရွက်ရာတွင် သံခြင်းအခြေပြု ကျောက်စီတမံ၊ ကွန်ကရစ်တိုင် အခြေပြု ကျောက်စီတမံ၊ မျောကရစ် ကမ်းထိန်းလုပ်ငန်းနှင့် မျောကျောက် ဖြစ်ရေလွှဲ ရေကာတို့ဖြင့် အဓိက လုပ်ဆောင်နေကြောင်း ပို့ဆောင်ရေးနှင့် ဆက်သွယ်ရေး ဝန်ကြီးဌာန၊ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန သတင်းများအရ သိရသည်။
မြန်မာနိုင်ငံသည် ရာသီဥတု ဖောက်ပြန်မှုနှင့် သဘာဝဘေး အန္တရာယ်အများဆုံး ကျရောက် ခံစားနေရသည့် နိုင်ငံများတွင် ပါဝင်သည်။ ၂ဝ၁၄ ခုနှစ်ကထုတ်ပြန် ခဲ့သည့် အာရှဖွံ့ဖြိုးရေးဘဏ်၏ ထုတ်ပြန်မှုတစ်ခုတွင် မြန်မာနိုင်ငံသည် သဘာဝဘေးကြောင့် တစ်နှစ်လျှင် အမေရိကန်ဒေါ်လာ ၇ဝ၇ သန်းဆုံးရှုံး နေရသည်ဟု ဖော်ပြခဲ့သည်။ ထို့ကြောင့် မြန်မာနိုင်ငံသည် ရာသီဥတုဖောက်ပြန်မှုနှင့် သဘာဝဘေးအန္တရာယ် ဖြစ်စဉ်ဖြစ်ရပ်များ ကြောင့် မြန်မာနိုင်ငံ အသားတင်ရငွေ၏ ၂ ဒသမ ၅၅ ရာခိုင်နှုန်း ဆုံးရှုံးနေခဲ့ရသည်။
အဆိုပါရာသီဥတု ဖောက်ပြန်မှုနှင့် သဘာဝဘေး အန္တရာယ်များကြောင့် မြန်မာနိုင်ငံ၏ မှီခိုအားထားရဆုံးသော ဧရာဝတီမြစ်ကြီးတွင် ရေလမ်းကြောင်း ပြောင်းလဲ၍ ရေဦးထိုးခြင်းကြောင့် ကမ်းပြိုခြင်းများ ဖြစ်ပေါ်လာခဲ့သည်။ ရေတိုက်စားမှုကြောင့် ဖြစ်ပေါ်လာခဲ့သည့် ကမ်းပြိုကာကွယ်ရေး လုပ်ငန်းများ ဆောင်ရွက်ရာတွင် သံခြင်းအခြေပြု ကျောက်စီတမံ၊ ကွန်ကရစ်တိုင် အခြေပြုကျောက်စီတမံ၊ မျောကရစ် ကမ်းထိန်းလုပ်ငန်း နှင့်မျောကျောက်ဖြစ် ရေလွှဲရေကာတို့ဖြင့် အဓိကလုပ်ဆောင်နေခြင်း ဖြစ်ပြီးအများစုမှာ သံခြင်းအခြေပြု ကျောက်စီတမံများဖြင့် လုပ်ဆောင်နေခြင်း ဖြစ်ကြောင်း သိရသည်။
လက်ရှိတွင် ဧရာဝတီမြစ်ရိုး တစ်လျှောက်တွင် ခံစားနေရသည့် မြစ်ရေတိုက်စားမှုနှင့် ကမ်းပြိုဖြစ်စဉ် များအတွက် ကမ်းပြိုကာကွယ်ရေး လုပ်ငန်းများကို ဆောင်ရွက်လျက်ရှိသည်။ ထိုသို့ဆောင်ရွက်နေသော ဧရာဝတီမြစ် ကမ်းပြိုကာကွယ်ရေး လုပ်ငန်းများအနက် မန္တလေးတိုင်း ဒေသကြီးအတွင်း ဧရာဝတီမြစ်ရိုး တစ်လျှောက်ရှိ ရေတိုက်စားမှုဒဏ် အများဆုံးခံစားရသည့် ကျေးရွာများကို ၂ဝ၁၈ခုနှစ် ဇန်နဝါရီလမှစတင်၍ ကမ်းပြိုကာကွယ်ရေးလုပ်ငန်းများ ဆောင်ရွက်လျက်ရှိကြောင်း သိရသည်။
#Themyawadydaily
.jpg)
No comments:
Post a Comment