ဘားအံ ၂-၈-၂ဝ၁၈
ကရင်ပြည်နယ် ဘားအံမြို့နယ် သံလွင်တံတား (ဘားအံ)အနီး တရုတ်လှကျွန်းထိပ်၌ တည်ထားကိုးကွယ်သော စေတီတစ်ဆူမှာ သံလွင်မြစ်ရေ တိုက်စားခြင်းကြောင့် သံလွင်မြစ်အတွင်းသို့ ဇူလိုင် ၃၁ ရက် ညနေ ၆နာရီခန့်က ပြိုကျသွားကြောင်း သိရသည်။
အဆိုပါ တရုတ်လှကျွန်း စေတီတော်အား ဘားအံမြို့နယ် ကော့ကျိုက်ကျေးရွာအုပ်စု တရုတ်လှ ကျေးရွာနေ ဦးသန်းရှိန်(ခ) ဦးသန်းတင်က မိခင်ဖြစ်သူအား ရည်စူး၍ တရုတ်လှကျွန်းထိပ်၌ လွန်ခဲ့သော ၃၅နှစ်က တည်ထား ကိုးကွယ်ခဲ့ခြင်း ဖြစ်သည်။
အဆိုပါ ရွှေသင်္ကန်းကပ် အရံစေတီကိုးဆူပါ ဥာဏ်တော် ၁၅ တောင်မြင့် တရုတ်လှကျွန်း စေတီတော်သည် မိုးသည်းထန်းစွာရွာသွန်း၍ သံလွင်မြစ်ရေ ကြီးမြင့်တက်လာပြီး ရေစီးသန်မှုကြောင့် မြစ်ရေတိုက်စားကာဇူလိုင် ၃၁ရက် ညနေ ၆နာရီခန့်တွင် သံလွင်မြစ်အတွင်းသို့ ဘုရားရင်ပြင် တစ်ခုလုံးပြိုကျသွားခြင်း ဖြစ်ကြောင်း သိရသည်။
#Themyawadydaily
.jpg)
No comments:
Post a Comment