ရွှေကျင် ၂၇-၈-၂ဝ၁၈
ပဲခူးတိုင်းဒေသကြီး ရွှေကျင်မြို့နယ် ဘောကထာ ကျေးရွာအုပ်စု ဘောကထာ ကျေးရွှာတွင် ယနေ့နံနက် ၄ နာရီ မိနစ်၃ဝက လေပြင်းတိုက်ခတ်မှုကြောင့် နေအိမ်ပေါ်သို့ သစ်ပင်လဲကျကာ လူသုံးဦးသေဆုံးပြီး သုံးဦးဒဏ်ရာရကာ ဝက်နှစ်ကောင် သေဆုံးသွားကြောင်း မြို့နယ် အထွေထွေအုပ်ချုပ်ရေး ဦးစီးဌာနမှ သိရသည်။
အဆိုပါလေပြင်း တိုက်ခတ်မှုကြောင့် ဘောကထာကျေးရွာရှိ အမြစ်တစ်ခြမ်း ဆွေးနေသည့် လုံးပတ် ၁၈ပေ၊ အမြင့် ၈၅ပေခန့်ရှိ ညောင်ပင်လဲကျမှုကြောင့် ဦသန့်ဇင်၏ နေအိမ် လေးပင်ပတ်လည် သက်ငယ်မိုး၊ ပျဉ်ခင်း၊ ထရံကာနေအိမ်မှာ သစ်ပင်ပိ၍ ပျက်စီးခဲ့ပြီး နေအိမ်အတွင်းရှိ မိသားစုခုနစ်ဦး နေထိုင်လျက်ရှိရာ ဦးသန့်ဇင်နှင့် ဇနီးဖြစ်သူ ဒေါ်လှဌေး၊သမီး မမြတ်သဇင်နှင့် ဝက်နှစ်ကောင်မှာ သစ်ပင်ပိ၍ နေရာတွင် သေဆုံးသွားပြီး သားမောင်ကောင်း မြတ်စံ၊မောင်ပိုင်ဇင်အောင်၊ မောင်ပိုင်ဇင်စိုးတို့တွင် သစ်ပင်ပိ၍ (စိုးရိမ်ရ) ဒဏ်ရာများ ရရှိသောကြောင့် ရွှေကျင်မြို့ ခုတင် ၁ဝဝ ဆေးရုံမှ ပဲခူးပြည်သူ့ ဆေးရုံကြီးသို့ ပို့ဆောင်ခဲ့ကြောင်း မြို့နယ်အထွေထွေ အုပ်ချုပ်ရေး ဦးစီးဌာနမှ သိရသည်။
အဆိုပါ မိသားစုထဲမှ မောင်ပိုင်ဇင်ဦးတွင် တစ်စုံတစ်ရာ ထိခိုက်ဒဏ်ရာရရှိမှု မရှိကြောင်းနှင့် သစ်ပင်လဲကျမှုကြောင့် ပျက်စီး ဆုံးရှုံးမှုတန်ဖိုး စုစုပေါင်း ငွေကျပ် ၆၂ဝဝဝဝခန့် ပျက်စီးဆုံးရှုံးခဲ့ကြောင်း အဆိုပါဦးစီးဌာနမှ သိရသည်။
#Themyawadydaily
.jpg)
No comments:
Post a Comment