တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ထိုင်းဘုရင့်တပ်မတော်ရေတပ်ဦးစီးချုပ် Admiral Naris Phatoomsuwan အား လက်ခံတွေ့ဆုံစဉ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ထိုင်းဘုရင့်တပ်မတော် ရေတပ်ဦးစီးချုပ် Admiral Naris Phatoomsuwan တို့အခမ်းအနား တက်ရောက်လာကြသူများနှင့် အတူစုပေါင်း ဓာတ်ပုံရိုက်စဉ်။
နေပြည်တော် ၉-၁-၂ဝ၁၈
တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ကာကွယ်ရေးဦးစီးချုပ် (ရေ) ဗိုလ်ချုပ်ကြီးတင်အောင်စန်း၏ ဖိတ်ကြားချက်အရ မြန်မာနိုင်ငံတွင် ချစ်ကြည်ရေးခရီး ရောက်ရှိနေသော ထိုင်းဘုရင့် တပ်မတော်ရေတပ်ဦးစီးချုပ် Admiral Naris Phatoomsuwan အား ယနေ့ညနေပိုင်းတွင် နေပြည်တော်ရှိ ဇေယျာသီရိဗိမာန် ဧည့်ခန်းမဆောင်၌ လက်ခံတွေ့ဆုံသည်။
အဆိုပါတွေ့ဆုံပွဲသို့ တပ်မတော်ကာကွယ်ရေး ဦးစီးချုပ်နှင့်အတူ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး တင်အောင်စန်း၊ ကာကွယ်ရေးဦးစီးချုပ်ရုံး (ကြည်း) မှ ဒုတိယ ဗိုလ်ချုပ်ကြီး စိုးထွဋ်နှင့် ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ တက်ရောက်ကြပြီး ထိုင်းဘုရင့်တပ်မတော် ရေတပ်ဦးစီးချုပ်နှင့်အတူ ထိုင်းဘုရင့် တပ်မတော်ရေတပ်မှ အရာရှိကြီးများနှင့် မြန်မာနိုင်ငံဆိုင်ရာ ထိုင်းဘုရင့်ရေတပ်စစ်သံမှူး Captain Puchong Praditteera တို့တက်ရောက် ကြသည်။
ထိုသို့တွေ့ဆုံစဉ် ဦးစွာတပ်မတော်ကာကွယ်ရေး ဦးစီးချုပ်က မြန်မာ-ထိုင်းနှစ်နိုင်ငံ သည် အိမ်နီးချင်းကောင်း နိုင်ငံများဖြစ်ပြီး ပင်လယ်ပြင်ရေပိုင်နက်များ ထိစပ်မှုရှိသည့်အတွက် နှစ်နိုင်ငံပူးပေါင်းဆောင်ရွက်မှု အခန်းကဏ္ဍသည် လွန်စွာအရေးပါကြောင်း ပြောကြားပြီး ရေတပ်အချင်းချင်း ပူးပေါင်းဆောင်ရွက်မှု မြှင့်တင်ရေးအတွက် နှစ်နိုင်ငံ အဆင့်လိုက်ချစ်ကြည်ရေး ခရီးစဉ်များနှင့် သင်္ဘောများအပြန်အလှန် လည်ပတ်ရေး၊ နှစ်နိုင်ငံရေပိုင်နက် အတွင်း လုံခြုံရေးဆိုင်ရာများ ပူးပေါင်းဆောင်ရွက်ရေး၊ အားကစားအဖွဲ့များနှင့် ယဉ်ကျေးမှုအဖွဲ့များ အပြန်အလှန်စေလွှတ်၍ နှစ်နိုင်ငံတပ်မတော် နှစ်ရပ်အကြားချစ်ကြည်ရင်းနှီးမှု မြှင့်တင်ရေး၊ သင်တန်းသားများ အပြန်အလှန်စေလွှတ် ရေးကိစ္စရပ်များအား အပြန်အလှန်ဆွေးနွေး ခဲ့ကြသည်။
တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်နှင့် ထိုင်းဘုရင့်တပ်မတော် ရေတပ်ဦးစီးချုပ်တို့သည့် အမှတ်တရလက်ဆောင် ပစ္စည်းများအပြန်အလှန် ပေးအပ်ခဲ့ကြပြီး စုပေါင်းဓာတ်ပုံရိုက်ခဲ့ကြကြောင်း သတင်းရရှိသည်။
#Themyawadydaily
.jpg)
No comments:
Post a Comment