စဥ့်ထည်လုပ်ငန်း လုပ်ကိုင်သူများ အခြားလုပ်ငန်းများသို့ ပြောင်းလဲလုပ်ကိုင်သူများပြားလာ

-

ရွှေဘို  ဇန်နဝါရီ  ၂ 

-

စစ်ကိုင်းတိုင်းဒေသကြီး ရွှေဘိုခရိုင် ရွှေဘိုမြို့နယ်ရှိ ကျေးရွာများတွင် စဥ့်ထည်လုပ်ငန်း လုပ်ကိုင်သူနည်းပါးလာပြီး အခြား လုပ်ငန်းများသို့ ပြောင်းလဲလုပ်ကိုင်သူ များပြားလာကြောင်း  ဒေသခံပြည်သူများထံမှ သိရသည်။ အဆိုပါကျေးရွာများတွင် စဥ့်ထည်လုပ်ငန်းသည် မိရိုးဖလာလုပ်ငန်း တစ်ခုဖြစ်သော်လည်း ယခုအခါတွင်   ဈေးကွက်နည်းလာခြင်း၊ ကုန်ကြမ်းဝယ်ယူ ရရှိမှုခက်ခဲလာခြင်း၊ အခြားဝင်ငွေရလွယ်ကူသော လုပ်ငန်းများ ပေါများလာခြင်း တို့ကြောင့်  အခြား လုပ်ငန်းများသို့ ပြောင်းလဲလုပ်ကိုင်သူ များပြားလာခြင်းဖြစ်သည်။  

-

''စဥ့်ထည်လုပ်ငန်းက ဈေးကွက်ပျောက်လာတယ်။ တစ်နေ့လုပ်တစ်နေ့စားလုပ်ရတဲ့သူတွေဆို အဆင်မပြေတော့  အခြား အလုပ် အကိုင်တွေကို    ပြောင်းပြီးလုပ်ကြတယ်။ ကျွန်တော်တို့ဒေသမှာ သပိတ်ကျင်းငလျင်လှုပ်ပြီးတဲ့နောက်ပိုင်းမှာ စဥ့်ထည်လုပ်ငန်းကို လုပ်တဲ့သူတွေ သိသိသာသာကို နည်းသွားတယ်။ အဲဒီကြားထဲမှာ နည်းပညာ အခက်အခဲတွေ၊ အခြားအခက်အခဲတွေကလည်း ရှိနေသေးတော့ အခြားအလုပ်ပြောင်း သွားကြတာများတယ်'' ဟု နွယ်ငြိမ်းကျေးရွာမှ စဥ့်ထည်လုပ်ငန်း လုပ်ကိုင်သူ ဦးအောင်ဇော်ဦးက ပြောသည်။ 

-

စဥ့်ထည်လုပ်ငန်းကို  ရွှေဘိုမြို့နယ်ရှိ နွယ်ငြိမ်း၊ ရွှေခွန်၊ ရွှေတိုက်၊ မလားကျေးရွာတို့တွင် အများဆုံး လုပ်ကိုင်ကြပြီး ယခင်က ကျေးရွာလေးရွာရှိ အိမ်ထောင်စု ၃၅ဝဝ ခန့်တွင်  စဥ့်ထည်လုပ်ငန်းကို လုပ်ကိုင်ကြရာမှ ယခုအခါတွင် စဥ့်ထည် လုပ်ငန်းလုပ်ကိုင်သူ ၂၈ ဦးခန့်သာရှိပြီး အခြားလုပ်ငန်းများသို့ ပြောင်းလဲလုပ်ကိုင်သူများပြားလျက်ရှိကြောင်းသိရသည်။

-

#မြ၀တီနေ့စဉ်သတင်းစာ