မူးယစ်ဆေးဝါးများ သယ်ဆောင်လာသူ အမျိုးသား တစ်ဦးအား နောင်ချိုမြို့၌ ဖမ်းဆီးရမိ

-

နေပြည်တော်   နိုဝင်ဘာ  ၂၇

-

ရှမ်းပြည်နယ်(မြောက်ပိုင်း) နောင်ချိုမြို့ ရှိ အေးရှားဝေါလ်တိုးဂိတ်၌ တပ်မတော်သားများ၊ မြန်မာနိုင်ငံ ရဲတပ်ဖွဲ့ဝင်များနှင့်   ဌာနဆိုင်ရာ တာဝန်ရှိသူများ ပါဝင်သော ပူးပေါင်းအဖွဲ့က မော်တော်ယာဉ်များအား စစ်ဆေးစဉ် နိုဝင်ဘာ ၂၆ ရက် ည ၇ နာရီခန့်တွင် ကျောက်မဲမြို့ဘက်မှ နောင်ချိုမြို့ဘက်သို့ ကျော်ဝင်း (ဘ) ဦးကြာထွန်း မောင်းနှင်လာသည့် လိုင်စင်မဲ့ မော်တော်ဆိုင်ကယ်အား ရပ်တန့်စစ်ဆေးရာ ဆိုင်ကယ်တူးဘောက် အတွင်းမှ WY စာတန်းပါ စိတ်ကြွရူးသွပ်ဆေးပြား ၃၉၆ဝ ပြားနှင့် ဆပ်ပြာခွက်လေးခွက်ဖြင့်  ထည့်ထားသော ဘိန်းဖြူအမှုန့် ၄၄ ဂရမ်ခန့်(စုစုပေါင်းခန့်မှန်း တန်ဖိုးငွေကျပ် ၈၇ သိန်းကျော်) နှင့်အတူ  ဖမ်းဆီးရမိခဲ့သည်။

-

အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူအား နောင်ချိုမြို့နယ် ရဲစခန်းသို့ စနစ်တကျ လွှဲပြောင်းအပ်နှံခဲ့ကြောင်း သတင်းရရှိသည်။

-

(၁ဝဝ)

-

#မြ၀တီနေ့စဉ်သတင်းစာ