စဥ့်ကိုင် ၃-၉-၂ဝ၁၈
မန္တလေးတိုင်းဒေသကြီး စဥ့်ကိုင်မြို့နယ် အုန်းပင်ခြံကျေးရွာ မိုင်တိုင် အမှတ်-၄၁၁/၆တွင် ဟိုင်းလတ် ခရီးသည်တင်ယာဉ်တစ်စီး ယနေ့မွန်းလွဲ ၁ နာရီခန့်က တိမ်းမှောက်မှု ဖြစ်ပွားခဲ့ပြီး ခရီးသည် ၁၁ဦးဒဏ်ရာ ရရှိခဲ့ကြောင်း စဥ့်ကိုင်မြို့မ ရဲစခန်းမှ သိရသည်။
မြစ်သားမြို့နယ်နေသူ ယာဉ်မောင်း ကိုကျော်ထူး မောင်းနှင်လာသော ယာဉ်အမှတ် 5A/----- ဟိုင်းလတ်အဖြူရောင် ခရီးသည် တင်ယာဉ်သည် ခရီးသည်များ တင်ဆောင်၍ မန္တလေး-ရန်ကုန်ကားလမ်း ဟောင်းအတိုင်း မြောက်မှ တောင်သို့ မောင်းနှင်လာစဉ် စဥ့်ကိုင်မြို့နယ် အုန်းပင်ခြံကျေးရွာ ထိပ်အရောက် အရှိန်မထိန်းနိုင်ဘဲ သစ်ပင်ကို ဝင်တိုက်ခဲ့ရာ ယာဉ်မောင်းအပါအဝင် ခရီးသည် ၁၁ဦး ထိခိုက်ဒဏ်ရာ(မစိုးရိမ်ရ ) ရရှိခဲ့ကြောင်း သိရသည်။
အဆိုပါဖြစ်စဉ်နှင့် ပတ်သက်၍ ယာဉ်မဆင်မခြင် မောင်းနှင်သူ ကျော်ထူးကို ဥပဒေအရ အရေးယူပေးရန် ဒုတိယရဲအုပ် စုမြတ်မွန်က တရားလိုပြုလုပ် တိုင်တန်းသဖြင့် စဥ့်ကိုင်မြို့မရဲစခန်းက ယာဉ် (ပ)၅၁ /၂ဝ၁၈၊ ရာဇသတ်ကြီး ဥပဒေပုဒ်မ ၃၃၇/၃၃၈အရ အမှုဖွင့် အရေးယူဆောင်ရွက် ထားကြောင်း သတင်းရရှိသည်။
# မြဝတီနေ့စဉ်သတင်းစာ
.jpg)
No comments:
Post a Comment