ထက်မြက်သူတို့၏ ထူးခြားသောအမူအကျင့်များ

ဘာသာပြန်ဆောင်းပါး ၃၁-၁-၂ဝ၁၈

လူရည်လည်တဲ့လူတွေ၊ ထက်မြက်တဲ့လူတွေမှာ သူများနဲ့မတူ၊ တစ်မူထူးခြားတဲ့ သဘောထားအမြင်တွေ၊ အယူအဆတွေရှိကြသလို နည်းနည်းထူးဆန်းပြီး နည်းနည်းလဲ ကြောင်တယ်လို့ ယူဆရတဲ့ အကြိုက်တွေ၊မကြိုက်တွေရှိတာကိုတွေ့ရပါတယ်။ သင်နဲ့ ဘယ်လောက် တိုက်ဆိုင်သလဲဆိုတာ လေ့လာကြည့်ပါ။

ရှုပ်ပွနေတဲ့ အလုပ်စားပွဲ။ 

လည်ဝယ်ထက်မြက်တဲ့ သူတွေဟာ အတွေ့အကြုံရှိပါတယ်။ အခြေအနေ အသစ်တွေနဲ့ လိုက်လျောညီထွေမှု ရှိအောင် နေတတ်ကြပါတယ်။ ရုပ်လုံးပေါ် မဟုတ်တဲ့ သဘောတရား အဆင့်မှာပဲရှိတဲ့ ထင်မြင်ယူဆချက်တွေကို နားလည်နိုင်ပါတယ်။ သူ့ပတ်ဝန်းကျင်ကို သူ့အသိပညာနဲ့နိုင်နင်း စွာကိုင်တွယ်နိုင်ပါတယ်။ အဲဒီလို အရည်အချင်းမျိုးတွေရှိဖို့ ထိုးထွင်းဥာဏ်၊ သင်ယူနိုင်စွမ်း၊ မှတ်ဥာဏ်၊ ဆင်ခြင်တုံတရား၊ ပြဿနာ ဖြေရှင်းနိုင်စွမ်းစတဲ့ အခြေခံ ကိုယ်စွမ်းကိုယ်စ တွေလိုပါတယ်။ အဲဒီလိုလူတွေရဲ့ အလုပ်စားပွဲဟာ သန့်ရှင်းသပ်ရပ်မနေဘဲ အမြဲရှုပ်ပွနေလေ့ ရှိပါတယ်။

ညဥ့်နက်သည်အထိ အလုပ်လုပ်ကြပါတယ်။ 

လူဆိုတာ ညအိပ်တဲ့အမျိုးပါ။ ပြီးတော့ ညဆိုတာ အမှောင်အမိုက်နဲ့ဆိုတော့ အန္တရာယ်များပါတယ်။ အန္တရာယ်ကိုအန်တုပြီး အိပ်ချိန်မှာမအိပ်ဘဲ အလုပ်လုပ်နေတာကိုက စွန့်စားရတဲ့ အရသာတစ်မျိုးဆိုတာ ကျောက်ခေတ်ကတည်းက ကမ္ဘာဦးလူသားတွေ ကျင့်သုံးခဲ့ကြတဲ့ အလေ့အကျင့်တစ်ခုပါ။လည်ဝယ် ထက်မြက်သူတွေလဲ စောစောအိပ်တယ် တော့မရှိပါဘူး။ တစ်ညလုံး ဂိမ်းကစား၊ ဘောပွဲကြည့်တာမျိုးလဲ မဟုတ်ပါဘူး။ မိုးချုပ်လေ၊ ကြည်လင် လန်းဆန်းလေ၊ အလုပ်ပိုလုပ်လေပါ။ ကျန်းမာရေးရှုထောင့်က နေတော့ မကောင်းဘူးပေါ့။

ဆဲရင်ပျစ်ပျစ်နှစ်နှစ်ဆဲကြပါတယ်။ 

ဒီအတိုင်းဆိုရင်တော့ ဆဲတယ်ဆိုတာ ဥာဏ်ရည်နိမ့်ကျတဲ့ သဘောပါ။ အခြေအနေ တစ်ခုကြောင့် ခံစားလိုက်ရတာကိုပုံဖော်ဖို့ စကားလုံးရွေးမရရင် လူတွေကဆဲလေ့ ရှိပါတယ်။ ပြင်းထန်တဲ့အသံနဲ့ ဆဲထုတ်ပစ်လိုက်ခြင်း အားဖြင့် ရင်ထဲကမကျေနပ်မှုတွေကို ဖွင့်ထုတ်ကြတာ ဖြစ်ပါတယ်။ လည်ဝယ်ထက်မြက်သူတွေကလဲ အလိုမကျရင် ဆဲပါတယ်။ ဆဲတာမှ ပျစ်ပျစ်နှစ်နှစ်ဆဲတာပါ။ လိင်စကားလုံးတွေကို ပဲသုံးတာမဟုတ်ဘဲ လူတစ်ဖက်သား သေးကျုံ့လွင့်ပြယ်သွားအောင် ထိထိရောက်ရောက် ဆဲတတ်ကြပါတယ်။ စိတ်ပညာရှင်များရဲ့ အလိုအရ စကားလုံးကြွယ်ဝစွာ နဲ့ဆဲတတ်ခြင်းဟာလဲ လည်ဝယ်ထက်မြက်သူတွေရဲ့ အရည်အချင်းတစ်ရပ်ပဲလို့ သိရပါတယ်။

ရေအေးနဲ့ ရေချိုးကြပါတယ်။ 

ရေအေးနဲ့ ရေချိုးတာဟာ စိတ်ဖိစီးမှုကို လျော့ကျစေပြီး ပင်ပန်းနွမ်းနယ်မှုကို သက်သာစေပါတယ်။ စိတ်ကိုကြည်လင်စေပြီး မှတ်ဥာဏ်ကိုတိုးတက် ကောင်းမွန်စေပါတယ်။ ဒီတော့ ဦးနှောက်ရဲ့ အရည်အသွေးလဲ တိုးတက် ကောင်းမွန်လာတာပေါ့။ လည်ဝယ်ထက်မြက်သူ တွေကျတော့ ခိုက်ခိုက်တုန်အောင် အေးနေတဲ့ဆောင်းတွင်း တွေမှာပါ ရေအေးနဲ့ချိုးဖို့ပဲ ရွေးချယ်ကြပါတယ်။ စွန့်စားရတာ၊ သူများမလုပ်ရဲတာ လုပ်ရတာကို ဝါသနာပါကြ သူတွေပေါ့။ အစာဝါးစားသံကို မခံနိုင်ကြဘူး၊ စိတ်ဆိုးကြပါတယ်။ သူတို့ဘေးနား တစ်ခုခုကို တကျွတ်ကျွတ်ဝါးတာ။ နေကြာစေ့ထိုင်စားတာ၊ ပီကေဝါးတာ အစရှိတာတွေကို မခံနိုင်ကြပါဘူး။ သိပ္ပံစမ်းသပ်မှုများအရ ဖန်တီးမှု စွမ်းရည် မြင့်မားသူတို့ဟာ အရာရာအားလုံးကို စူးစူးစိုက်စိုက်အာရုံ ထားကြလေတော့ အသံသေးသေးမွှားမွှား လေးတွေကြားရင်ကို မနေတတ်ဘဲ အာရုံက အပြည့်အဝ တုံ့ပြန်တဲ့အတွက် အဲဒီလိုတကျွတ်ကျွတ်၊ တဂျစ်ဂျစ်အသံ တွေကြားရင် လုံးဝမနေနိုင်ကြတာ ဖြစ်တယ်လို့ သိရပါတယ်။

သူတို့ တောင်ခြစ်မြောက်ခြစ် ရေးနေတတ်ကြပါတယ်။ 

လုပ်စရာကိစ္စတွေကို To-do List ချရေးတတ်ကြတယ်။ အစီအစဉ်တွေ ရေးဆွဲရင် စာရွက်ခဲတံနဲ့ ဟိုခြစ်ဒီခြစ်လုပ်ကြတယ်။ တကယ်တော့ ဘာမှအာရုံမစိုက်ဘဲ ခေါင်းထဲပေါ်လာတာကို ချချရေးတာဟာ မှတ်ဥာဏ်ကို တိုးတက် ကောင်းမွန်စေတဲ့ လေ့ကျင့်ခန်းတစ်ရပ် ဖြစ်ပါတယ်။ လူ့ဦးနှောက်ဟာ တစ်နေ့တာ ကျက်မှတ်ထားတာရဲ့ ၈ဝ ရာခိုင်နှုန်းကို ပြန်မေ့လျော့ သွားလေ့ရှိပါတယ်။ တောင်ခြစ်မြောက်ခြစ် သမားတွေကျတော့ ၂၉ ရာခိုင်နှုန်းအထိ မှတ်မိတာကို တွေ့ရပါတယ်။

သူတို့ကိုသူတို့ ဝေဖန်ပါတယ်။ 

အရည်အချင်းမရှိတဲ့ လူတွေက သူတို့ကိုသူတို့ ပြန်ဝေဖန်ဖို့လဲ အရည်အချင်းမရှိကြပါဘူး။ ကိုယ်လုပ်တာမှားတယ်၊ မှန်တယ်ဆိုတာ ကိုယ်တိုင်ဝေဖန် သုံးသပ်နိုင်သူတွေဟာ လည်ဝယ်ထက်မြက်သူများ ဖြစ်ကြပါတယ်။

သူတို့စိတ်ကူးယဉ်ကြပါတယ်။ အဆိုးကိုပဲတွေးနေမယ်၊ စိတ်မချမ်းသာစရာတွေကိုပဲ စဉ်းစားနေမယ်ဆိုရင် ဦးနှောက်ဟာ တုံးသည်ထက်တုံးသွား လေ့ရှိပါတယ်။ ပျော်စရာတွေ၊ ကြည်နူးစရာတွေကို စိတ်ကူးယဉ်ပေးခြင်းဖြင့် ဦးနှောက်ဟာ ပြန်လည်အားပြည့် လန်းဆန်း လာလေ့ရှိပါတယ်။

တစ်ယောက်ထဲ စကားပြောတတ်ကြပါတယ်။ ဒါဟာ ရူးသွပ်မှုလို့မမြင်ပါနဲ့။ စဉ်းစားတွေးတောနိုင်စွမ်း မြင့်မားတာ၊ မှတ်ဥာဏ်ကောင်းမွန်တာ၊ ထိုးထွင်းသိမြင်နိုင်အား ကောင်းတာတွေ ဖြစ်ပါတယ်လို့ လည်ဝယ်ထက်မြက်သူတွေရဲ့ ထူးထူးဆန်းဆန်း အမူအကျင့်တွေကို လေ့လာရေးသား တင်ပြလိုက်ရပါတယ်။

ရတနာပုံနေ့စဉ်သတင်းစာ စာ (၃၁)

#Yadanarpondaily