အရိပ်အမိုး တစ်ခု၏ အောက်တွင်

အရိပ်အမိုး တစ်ခု၏ အောက်တွင်

မဒါလေး

တစ်မိုးအောက်တွင် အတူနေကြ သော်လည်း ဆန္ဒများ၊ ရည်ရွယ်ရာ လမ်းများ၊ ခံယူချက်များ၊ ဦးတည်ချက်များ မတူညီ ကြချေ။ သို့သော် မည်သည့် အကြောင်းကြောင့် ပင်ဖြစ်စေ ဤ အမိုးအောက်မှ ခွဲထွက်ရန် ဆိုသည်မှာလည်း မဖြစ်နိုင် သောအကြောင်း အများကြီး ရှိနေပြန် သေးသည်။

ရိုက်ချိုးခံရသည့် စိတ်များ၊ နာကျင် ညည်းညူ နေရသည့် နှလုံးသားများ၊ သွေးပွက်ပွက်ဆူ နေသော မျက်ဝန်းများ ထိုအရာ များသည် မတူညီမှု များထဲမှ ထွက်ခွာ သင့်သည့် အရာများ ဖြစ်သော်လည်း မည်သူ တစ်ဦး တစ်ယောက်မျှ ဖယ်ကြဉ်ရန် မကြိုးစား ခဲ့ကြချေ။ အားလုံးသည် အတ္တကိုယ်စီနှင့် ကိုယ်သန်ရာကို ဆုပ်ကိုင် ထားဆဲ။ မြဲမြံစွာ ဖက်တွယ် ထားဆဲ။ အရှုံးပေးသူ မည်သူမျှ မဖြစ်လို ကြချေ။ ဘဝတွင် အရှုံးပေး ရသည်လောက် ခံပြင်းစရာ မရှိဟု သူတို့ယူဆ ထားကြပုံ ရသည်။ အမှန်မှာ အရှုံးကို ကြံ့ကြံ့ခံ နိုင်ခြင်းကသာ အကောင်းမွန်ဆုံး ဆန်းစစ်မှု ဆိုသည်ကို သူတို့ မေ့ထား လိုက်ကြသည်။

''ဆုမာ'' သူမသည် မာနကို တံခွန်ထူ တလူလွှင့် ထားသည့် မိန်းကလေး တစ်ဦး ဖြစ်သည်။ အပြောချိုပြီး အပြုံးများ သလောက် မာန အလွန်ကြီးသည်။ ကိုယ်မှန်လျှင် မည်သူ့မျှ လူမထင်သည့် အနေအထား မျိုးဖြင့် ဆက်ဆံ တတ်သည်။ သို့သော် မိမိကိုယ်ကို ထက် သူများကို ဆရာလုပ်ကာ ကိုယ့်ကိုယ်ကိုယ် တာဝန်ယူနိုင်မှု အလွန် နည်းသည်။ သူတစ်ပါးက မိမိကို အပြစ်ပြောလျှင် နည်းနည်းမျှ ကြိုက်တတ်သော လူမျိုး မဟုတ်သော်လည်း သူတပါး အပြစ်ကိုမူ တစ်ခုမကျန် လိုက်ပြော တတ်သည်။

''ဖြိုးဖြိုး'' သူမသည် တည်တည်တံ့တံ့ နေတတ်ပြီး အပြုံးနည်းသည်။ မိမိနှင့် အဆင်ပြေ နိုင်သည်ဟု ထင်ရသူများ နှင့်သာ ပြောဆို ဆက်ဆံပြီး ကျန်လူများကို ပြောဆို ဆက်ဆံရန် ဝန်လေး တတ်သည်။ သူမ တတ်သိသည် များကို ဝေမျှပေး ရမည်ကို တွန့်တိုတတ် သော်လည်း သူများ မသိသော အရာများကို ဆရာလုပ် ရမည် ဆိုလျှင်မူ အထက်စီးမှ ပြောဆို တတ်သည်။ သူတစ်ပါး ကိုလည်း အသားလွတ် အမိန့်မပေး တတ်သကဲ့သို့ မိမိကို အမိန့်ပေး လျှင်လည်း မကြိုက်တတ်ပေ။ အခြား သူများ၏ အပြောအဆို လွတ်အောင်လည်း ပါးပါးနပ်နပ် နေတတ်သည်။ တိတ်တဆိတ် မာနကြီး တတ်သော မိန်းကလေးမျိုး ဖြစ်သည်။

''ခင်လေး'' သူမသည် ကလေးတစ်ဦး ကဲ့သို့ ပြုမူနေထိုင် တတ်ပြီး ရိုးသား ပွင့်လင်းသည်။ အနေအထိုင်လည်း မတတ် သကဲ့သို့ အပြော အဆိုလည်း မပါးနပ်ပေ။ စိတ်ထဲရှိလျှင် ရှိသလို ပြောတတ်ပြီး ပြောသင့်၊ မပြောသင့် ချင့်ချိန်မှု အားနည်းသည်။ စိတ်ကောက် လွယ်သကဲ့သို့ စိတ်ဆိုးပြေ မြန်သည်။ အစားအသောက် ခင်တွယ်ပြီး မိမိဝလျှင် အခြား သူများကို သတိရ တတ်သည်။ အစားအသောက် အတွက်ဆိုလျှင် အဆင်မပြေ လျှင်ပင် ချေးယူ စားသောက် တတ်သည့် သူမျိုးဖြစ်သည်။ အမှားကို ဝန်ခံတတ်ပြီး တောင်းပန်ရန်လည်း ဝန်မလေးသည့် မိန်းကလေးမျိုး ဖြစ်သည်။

''မိုးမိုး'' သူမသည် အမြဲပြုံး နေတတ်ကာ စကားချိုချိုလည်း ပြောတတ်သည့် မိန်းကလေးမျိုး ဖြစ်သည်။ အနေအေး သကဲ့သို့ အတွေးလည်း လွန်တတ်သည်။ တစ်စုံတစ်ခုကို တွေးရင်း ငေးရင်း နေရသည်ကို နှစ်ခြိုက်သူ ဖြစ်သည်။ ပြတ်သားသည့် စိတ် အနေအထား မြူတစ်မှုန် စာမျှမရှိသည့် သူမထံတွင် ဆုံးဖြတ်စရာ၊ ရွေးချယ် စရာများ တောင်လို ပုံနေတတ်သည်။ လူတိုင်း အပေါ်တွင် ကြင်ကြင်နာနာ ဆက်ဆံ တတ်ပြီး အနစ်နာ ခံတတ်သည့် သူမျိုးဖြစ်သည်။ အိမ်ရှင်မ တစ်ဦးကဲ့သို့ ချက်ပြုတ် ကျွေးမွေးရသည် ကို သဘောကျပြီး အခြားသူများ နှစ်သက်လျှင် ဝမ်းမြောက် တတ်သူ ဖြစ်သည်။ အခြားသူများ အတွက် ပြုံးပျော်ရ သလောက် မိမိကိုယ်တိုင် အတွက် စိတ်သောက များကို ရင်ဝယ်ပိုက် ထားတတ်သည့် မိန်းကလေးမျိုး ဖြစ်သည်။

ထိုမိန်းကလေးများ နေရာ တစ်ခုတည်း၊ အမိုးတစ်ခု အောက်ထဲတွင် အတူတကွ နေထိုင်ကြ သည်ကို မည်သို့သော သူက မအံ့သြဘဲ နေနိုင်မည်နည်း။ ဓလေ့စရိုက် ချင်းမတူ၊ အသွင်အပြင်ချင်း၊ စိတ်နေ စိတ်ထားချင်း ဘာတစ်ခုမျှ မတူသော သူတို့ လေးဦးတွင် နားလည်မှု ဟူသော အရာလေး တစ်ခုကသာ သူတို့ကို ပဲ့ကိုင်ပေးသော ဆရာတစ်ဆူ ဖြစ်ခဲ့သည် ဆိုလျှင် မည်သူက ယုံကြည် မည်နည်း။ တစ်မိုးအောက် ထဲတွင် တစ်ခါတစ်ရံ စကားမပြောဘဲ နေသည်မှ လွဲ၍ သူတို့လေးဦး စကားများ၊ ရန်ဖြစ်သည်မှာ တစ်ခါမျှပင် မရှိခဲ့ဖူးပါ။ လိုအပ်ချက် များသော သူကို လိုအပ်ချက် အနည်းငယ် လျော့သောသူက ဖေးကူပေးရင်း၊ တစ်ဦး အဆင်မပြေ သည်ကို တစ်ဦးက နားလည်မှုဖြင့် ဖြည့်စွမ်း ပေးရင်း တစ်ဦးနှင့်တစ်ဦး ကောင်းသည် ဆိုးသည်ကို မဝေဖန်ဘဲ သူတို့ အသိုက် အမြုံလေးကို ထိန်းကွပ်ထား လိုက်ကြသည်။ သူတို့၏ အတွင်း သဏ္ဌာန်တွင် တည်ရှိသော ပင်ကို စိတ်များကို သူတို့ အဆောက်အအုံ ၏ လှေကားရင်း တွင်ပင် ပုံချကာ နေ့စဉ် အသွားအပြန် သိမ်းထုပ်ရင်း သူတို့ အိမ်လေးကို နွေးထွေး စေသည်။ အများအမြင်တွင် တစ်ယောက်တစ်မျိုး စီ စရိုက်ချင်း ကွာခြားသော်လည်း သူတို့ အိမ်တွင်မူ သူတို့ တစ်ဦးချင်းစီ၏ မတူညီသော ခံစားချက် တစ်ခုစီဖြင့် အချင်းချင်း နှောင်ဖွဲ့ ထားကြသည်။

သူတို့သည် အဖေ၊ အမေ မတူကြပါ။ မောင်နှမ များလည်း မဟုတ်ကြ။ နေရာဒေသလည်း မတူညီကြပါ။ သို့သော် အပြန်အလှန် နားလည်မှု တစ်ခုဖြင့် တည်ဆောက် ထားသော သူတို့၏ ခင်မင်မှု အပေါ်တွင် မလိုအပ်သည် များကို လျစ်လျူရှုကာ ကျော်သွားခြင်းဖြင့် နွေးထွေးသော ထမင်းဝိုင်း တစ်ခု ဖြစ်စေသည်။ ဆရာလုပ်လို သူကို ဆရာ တင်ခြင်းဖြင့် နံနက်ခင်းစာသင်ဝိုင်းလေး တစ်ခု ဖြစ်စေသည်။ တစ်ယောက် အကြိုက် တစ်ယောက် သည်းခံရင်း အတူတူစား ဖြစ်သော အစား အသောက်များ၊ အတူတူ သွားဖြစ်သော နေရာများ၊ အတူတူ ဖတ်ဖြစ်သော စာအုပ်များ၊ အတူတူ ကြည့်ဖြစ်သော ရုပ်ရှင်များ ဤသို့ဖြင့် အရာအားလုံး တူသလိုလို ဖြစ်လာသော အခါ တစ်ဦး၏ အားနည်းချက် များက တစ်ဦးအပေါ် နာကျင်မှု လျော့ကျ သွားစေသည်။ ဤသို့ဖြင့် အပြန်အလှန် မှီခိုရင်း ဤအမိုးရိပ် တစ်ခုအောက်တွင် အသွင်မတူသော လူလေးဦး နေ့စဉ် တာဝန် ကိုယ်စီဖြင့် ကြိုးစားနေလျက် ရှိကြသည်။ သူတို့အတွက် သူတို့  တစ်ဦးချင်းစီ၏ ယုံကြည်ရာ အနာဂတ် ကိုယ်စီ ရှိနေကြသည်။ ဘေးမှ ဝေဖန်မှုများကို ဂရုမစိုက်အား၊ အလေးထားရန် အချိန်မရှိ အားလုံးသည် သူ့နေရာနှင့်သူ ကွက်တိကျရန် ကြိုးစားလျက် အနာဂတ်ကို ပုံဖော် နေကြသည်။ သူတို့ကို ဝေဖန်သူများသာ မောသွား လိမ့်မည်။ သူတို့ကမူ တောက်ပသည့် အနာဂတ်သို့ မမောမပန်းနိုင် ရှေ့ဆက် နေကြဦး မည်သာ ဖြစ်သည်။

ရတနာပုံနေ့စဉ် ၊ စာ(၁၃)

#Yadanarpondaily