မြန်မာနိုင်ငံတွင် အချို့နေရာများ၌ စိတ်ပိုင်းဆိုင်ရာ အကြမ်းဖက်ခံရသော ကလေးငယ် ၁၀ ရာခိုင်နှုန်းခန့် ရှိနေ

Burmese children work in a Thai owned
shrimp processing plant sorting and grading
shrimp in Samut Sakhon, Thailand

မန္တလေး ၊ ၂၂-၅-၂၀၁၅

မြန်မာနိုင်ငံ အချို့နေရာ များ၌ ကလေးသူငယ် များအပေါ် ရုပ်ပိုင်းဆိုင်ရာ အရ သော်လည်းကောင်း ၊ စိတ်ပိုင်းဆိုင်ရာ အရ သော်လည်းကောင်း၊ အကြမ်းဖက်ခံ ရသော ကလေးသူငယ် များမှာ ၁ဝ ရာခိုင်နှုန်းခန့် ရှိနေကြောင်း ကလေးသူငယ် ကာကွယ် စောင့်ရှောက်ရေး ရဲတပ်ဖွဲ့စု (မန္တလေး) မှ တာဝန်ရှိသူ တစ်ဦးက ဆိုသည်။

အဓိက အားဖြင့် မိဘ အုပ်ထိန်းသူ များ၏ အသိပညာ ဗဟုသုတ နည်းပါးမှုကြောင့် ကလေးငယ် များမှာ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ထိခိုက်မှုများ ခံစား နေရကြောင်း သိရသည်။ အရွယ်မရောက် သေးသော ကလေးငယ် များသည် မိဘ၊ အုပ်ထိန်းသူ များအား အလုံးစုံ မှီခိုနေရပြီး မိမိကိုယ်ကို ကာကွယ် စောင့်ရှောက် နိုင်စွမ်းအား မရှိသေးဘဲ ယုံကြည်လွယ်သည့် အတွက် အကြမ်းဖက် လိုသူများ၏ အလွယ်တကူ စည်းရုံးသိမ်းသွင်း ခံရနိုင်ကြောင်း သုံးသပ်မှု များတွင် ဖော်ပြသည်။

''ကလေးသူငယ်များ အပေါ်မှာ ကာကွယ် စောင့်ရှောက်မှု နည်းလမ်းတွေ မသိတာ၊ ကလေးတွေကို လျစ်လျူရှု တာတွေက ကလေးတွေ အပေါ်မှာ အကြမ်းဖက် ခံရမှုဆိုတဲ့ အန္တရာယ်တွေ ကျရောက် စေနိုင်ပါတယ်'' ဟု ကလေးသူငယ် ကာကွယ် စောင့်ရှောက်ရေး ရဲတပ်ဖွဲ့စု (မန္တလေး)မှ အရာရှိတစ်ဦး က ပြောပြသည်။

မိဘများ၏ စီးပွားရေး အခက်အခဲ၊ ဉာဏ်ရည် အမြော်အမြင် နည်းပါးမှု၊ အနေနီးစပ်မှု၊ အသိပညာ နည်းပါးမှု တို့ကြောင့် လိုအပ်သော ဆိုဆုံးမမှုထက် ပိုမို၍ အပြင်းအထန် ရိုက်နှက်ခြင်း သည် ရုပ်ပိုင်းဆိုင်ရာ အကြမ်းဖက် ခံရမှုဖြစ်ပြီး ရိုင်းစိုင်း ကြမ်းတမ်းသော စကားများဖြင့် ပြောဆိုခြင်း သည်လည်း စိတ်ပိုင်းဆိုင်ရာ အကြမ်းဖက်ခြင်း ပင် ဖြစ်သည်။

အထူးသဖြင့် အရွယ်မရောက် သေးသော မိန်းကလေး ငယ်များသည် မကောင်းမှုနှင့် အသက်မွေး ဝမ်းကျောင်းပြု လုပ်ကိုင်နေသည့် နေရာများနှင့် အခြား လုပ်ငန်းများတွင် ရောက်ရှိ သွားပါက လူကုန်ကူးခြင်း ခံရနိုင်သည့် အပြင် ပြည့်တန်ဆာ လုပ်ငန်းသို့ ရောက်ရှိ သွားပါက လိင်ပိုင်းဆိုင်ရာ၊ ငွေကြေးပိုင်း ဆိုင်ရာ ခေါင်းပုံဖြတ် ခံရမည့် အပြင် ကူးစက်ရောဂါ အမျိုးမျိုး ရရှိခံစား ရပြီး ဝမ်းနည်းဖွယ် ဘဝဖြင့် အဆုံးသတ် သွားရသည့် အဖြစ်အပျက်များ ဖြစ်ပွား လာနိုင်သည်။

ပြည်တွင်း ရွှေ့ပြောင်း ကလေး အလုပ်သမား ဖြစ်စဉ်များကို သုတေသန ပြုချက်အရ ၇၇ ဒသမ ၃ ရာခိုင်နှုန်း သည် မိန်းကလေးများ ဖြစ်ကြောင်း နှင့် ဆိုးရွားလှသည့် အလုပ်ခွင်တွင် အလုပ်လုပ်ကိုင် နေရကြောင်း လေ့လာ သိရှိရသည်။

အချို့နိုင်ငံ များတွင် နာရီပေါင်း များစွာ အလုပ်လုပ်ကိုင် ရပြီး အကျဉ်းသား ကဲ့သို့ နေထိုင် ရသော်လည်း မိမိကိုယ်ကိုယ် လူကုန်ကူး ခံရသည်ဟု နားလည်နိုင်စွမ်း မရှိကြဟု သိရသည်။ ကလေးသူငယ် လူကုန်ကူးမှုနှင့် ငြိစွန်းမှု များတွင် ပြည်ပနိုင်ငံများ သာမက ပြည်တွင်း ၌လည်း ပုံစံကွဲပြား၍ ရှိနိုင်ကြောင်း သိရသည်။ (၁၇၂)

#Yadanarpondaily