ငွေတာရီမဂ္ဂဇင်း လစဉ်ဓာတ်ပုံပြိုင်ပွဲ (စံပြအလှမယ်)

ငွေတာရီမဂ္ဂဇင်း လစဉ်ဓာတ်ပုံပြိုင်ပွဲ (စံပြအလှမယ်)

Model = Lydia Moe

ပထမ - သန္တာစိုး (ခ) စိုးမြန်မာ

စံပြအလှမယ် ( Model ) ပထမဆု ရယူသူမှာ အသင်း၏ နာမည်ရ အောင်မြင်လျက် ရှိသူ အမျိုးသမီး ဓာတ်ပုံ ပညာရှင် သန္တာစိုး (ခ) စိုးမြန်မာ ဖြစ်သည်။ မည်းမှောင် နေသော နောက်ခံရှေ့ တွင် မတ်တတ်ရပ် ကိုယ်ဟန်ပြသူ စံပြမယ် အား ရိုက်ယူ ထားသည်။ နောက်ခံ အမည်းတွင် စံပြမယ်အား ကွက်၍ အလင်းကျနေပုံ မှာလည်း များစွာ အနုပညာ ဆန်လျက်ရှိပြီး စံပြမယ် ၏ ဒူးဆစ် အောက်ခြေ နှင့် ပုံ၏ ရှေ့ပိုင်းအား သာမန်ထက် ပိုမည်းစေရန် အလင်းရင့်ရင့် ပေးထားသည် မှာလည်း ပုံကို အခြားသူများထက် ပိုမို ထူးခြားလျက် ရှိစေသည်။ စံပြမယ်၏ မျက်နှာ နှင့် လက်မောင်း ပေါ်သို့ ဘေးတိုက် အလင်းပေး ပုံမှာလည်း ထိရောက်လှပြီး ပုံကို စိတ်ဝင်စားဖွယ် ဖြစ်စေ ပါသည်။ ယခုလ အတွက် ပေးပို့ ယှဉ်ပြိုင်သော ပုံပေါင်း ၇၆ ပုံထဲတွင် တစ်ပုံတည်းသော ထူးခြား ရဲရင့် ဆန်းသစ်မှု ကြောင့် အကဲဖြတ် အားလုံး အကြိုက်ညီကာ ပထမဆု ရွေးချယ်ခြင်း ဖြစ်သည်။ စံပြမယ် ၏ မတ်တတ်ရပ် ကိုယ်နေဟန်ထား မှာလည်း အကောင်းဆုံး ပင် ဖြစ်သည်။ ရှေးယခင်က ဆိုလျှင် အမှောင်ခန်း ဓာတ်ပုံကူး ပညာဟု ဆိုရမည် ဖြစ်သော ယခုခေတ် PHOTOSHOP အတတ်ပညာအား ပိုင်နိုင်စွာ အသုံးပြု ကူးချဲ့ ထားသော စံပြ အလှမယ် ဓာတ်ပုံ တစ်ပုံ ဖြစ်ပါသည်။

ဒုတိယ - သွယ်သွယ်ထွန်း

မြန်မာနိုင်ငံ ဓာတ်ပုံအသင်း ၏ လစဉ်ဓာတ်ပုံ ပြိုင်ပွဲတိုင်း လိုလို ဆုကြီးများ ရယူလျက် ရှိသူ လူငယ် လူသစ် အမျိုးသမီး ဓာတ်ပုံ ပညာရှင် မသွယ်သွယ်ထွန်း ၏ ဒုတိယဆုရ ဓာတ်ပုံ ဖြစ်သည်။ စံပြမယ်အား ဘေးတစောင်း မကျတကျ အနေဖြင့် သုံးချိုးနှစ်ချိုး ရိုက်ကူး ထားသည်။ စံပြမယ်၏ တင်အလှအား သိမ်မွေ့စွာ ပြသနိုင်ပြီး ခေါင်းငဲ့ လက်နေဟန်ထား တို့လည်း လှပညီညွတ်စွာ ထားသို ရိုက်ကူး နိုင်ပါသည်။ အဝေးရိုက် မှန်ဘီလူး ( Long Tele Lens ) အား အသုံးပြု ရိုက်ကူး ထားသော်လည်း စံပြမယ်အား ပြတ်သားစွာ ရိုက်ယူနိုင်သည်။ မျက်နှာ နှင့် ကိုယ်လုံးပေါ်သို့ ပေးထားသော အလင်းမှာ အနည်းငယ် ဖျော့သော်လည်း လှပညီညွတ် ပြေပြစ် သည်။ စံပြမယ်၏ နောက်ကျောရှိ နောက်ခံ ဖက်ဖူးစိမ်း အား ယခုထက် ပိုမို ရင့်ရင့် ကူးနိုင်ပါက ပြီးပြည့်စုံသော ပုံ ဖြစ်စေ ပါမည်။ ပုံ၏ ထောင့်များအား အလင်းရင့်ရင့် ပေးထားခြင်း မှာလည်း အောင်မြင် သေသပ် ပါသည်။ စံပြမယ် ၏ ပြုံးအလှအား အကောင်းဆုံး အနေအထားဖြင့် ရိုက်ယူ ပြသထားသည်။ ဓာတ်ပုံ ဆေးသား အနေဖြင့် ယခု အနေထက် အပြာရောင် ကို အနည်းငယ် ဖျောက်၍ ကူးနိုင် ပါသေးသည်။

တတိယ - မျိုးဇေယျဦး

မကြာသေးမီ ကာလများက လူသစ်တန်း ပြိုင်ပွဲမှ အကြီးတန်း သို့ တက်ရောက် ယှဉ်ပြိုင် ရသော်လည်း ဆုကြီးများ မကြာခဏ ရယူလျက် ရှိသူ မျိုးဇေယျဦး ၏ ဆုရပုံ ဖြစ်သည်။ စံပြ အလှမယ် ၏ ယခု ကိုယ်နေဟန် အတိုင်း ခပ်ဆင်ဆင် ပုံပေါင်းများစွာ အနက်မှ ယခု ကိုယ်လုံးပေါ် ထိုင်လျက် ပုံသည် အကောင်းဆုံး ၊ အချိုးကျဆုံးပင် ဖြစ်သည်။ ယှဉ်ပြိုင် ရိုက်ကူးသူ အသင်းသားများ ကြားထဲမှ တိုးဝှေ့ကာ ရိုက်ကူး ရသည့်အပြင် အဝေးရိုက် မှန်ဘီလူး အား အသုံးပြု ထားသော်လည်း စံပြမယ်အား အလုံးစုံ ပြတ်သားမှု အားကောင်းစွာ ရိုက်ယူ တင်ပြ နိုင်သည်။ စံပြမယ် ၏ ထိုင်လျက် အနေသည် လည်းကောင်း ၊ လှပသော ပေါင်တံ နှင့် ခြေထောက် ရပ်တည်မှု သည် လည်းကောင်း ၊ လက် အနေသည် လည်းကောင်း ၊ ပြေပြစ်လှပ ကောင်းမွန် လှပါသည်။ေ၀၀ါးသော နောက်ခံဖြင့် စံပြမယ်မှာ ကြွတက် ပေါ်လွင်လျက် ရှိသည်။ ကူးချဲ့ ဖြတ်တောက်ပုံလည်း ဆိုဖွယ်မရှိ ကောင်းမွန် လှပသည်။ ဓာတ်ပုံ ဆေးသား မှာလည်း စိုပြည် တောက်ပ မှန်ကန် ပါသည်။

ညောင်ဦးဖိုးချို ( Hon: MPS, FMPS, PMPS )

မြန်မာနိုင်ငံ ဓာတ်ပုံအသင်း

#Themyawadydaily