သတိပေးနှိုးဆော်ချက်များ အလေးထားလိုက်နာ
ယနေ့ ကာလတွင် ပြည်သူများ အလေးထး လိုက်နာနိုင်ရန် သတိပေး နှိုးဆော်ချက် များကို ရေဒီယို ၊ ရုပ်မြင်သံကြား ၊ သတင်းစာ တို့မှ အချိန်နှင့် တစ်ပြေးညီ ထုတ်ပြန် ပေးလျက် ရှိသည်။ သတိပေး နှိုးဆော်ချက် များသည် အများပြည်သူ များ၏ ကျန်းမာရေး ၊ စီးပွားရေး ၊ လူမှုရေး များအတွက် အန္တရာယ် မဖြစ်ပေါ်နိုင်ရန် ၊ ကြိုတင် ကာကွယ်မှု ပြင်ဆင်မှုတို့ ဆောင်ရွက်နိုင်ရန် ထုတ်ပြန် ပေးခြင်း ဖြစ်သည်။
ထို့ကြောင့် မိုးလေ၀သ နှင့် ဇလဗေဒ ညွှန်ကြားမှု ဦးစီးဌာန ၊ မီးသတ် ဦးစီးဌာန ၊ ကျန်းမာရေး ၀န်ကြီးဌာန ၊ လယ်ယာ စိုက်ပျိုးရေး နှင့် ဆည်မြောင်း ၀န်ကြီးဌာန ၊ ပို့ဆောင်ရေး ၀န်ကြီးဌာန စသည့် ၀န်ကြီးဌာနများ အနေဖြင့် အများပြည်သူများ နှင့် သက်ဆိုင်သော ကိစ္စရပ် များကို သတိပေး နှိုးဆော်ချက် များ ထုတ်ပြန် ပေးလျက် ရှိသည်။
ယခုကဲ့သို့ ရာသီဥတု ပူပြင်းသည့် ကာလတွင် အပူစွမ်းအားများ ၊ ပြင်းထန်တတ် ပေရာ ခရမ်းလွန် ရောင်ခြည် အန္တရာယ် သတိပေး နှိုးဆော်ချက်များ ထုတ်ပြန်ပေးလျက် ရှိသည်။ ခရမ်းလွန် ရောင်ခြည် ထိတွေ့မှုကြောင့် နေလောင်ခြင်း ၊ အသား အရောင် ညိုလာခြင်းတို့ ဖြစ်ပြီး ထိတွေ့မှု ကာလ ကြာလာသော အခါ မျက်စိ တိမ်စွဲခြင်း ၊ အရေပြားများ အိုမင်း ရင့်ရော်ခြင်း ၊ ခုခံအား ကျဆင်းခြင်း ၊ အရေပြား ကင်ဆာဖြစ်ခြင်း စသည့် ရောဂါများ ဖြစ်ပွား နိုင်သည်။ ထို့ကြောင့် ကျန်းမာရေး ၀န်ကြီးဌာနက သတိပေး နှိုးဆော်ချက် ထုတ်ပြန် ထားခြင်း ဖြစ်သည်။
ထို့အတူ မီးဘေး ကြိုတင် ကာကွယ်ရေး အတွက် မီးသတ် ဦးစီးဌာန ၏ သတိပေး နှိုးဆော်ချက် များကိုလည်း အလေး ဂရုပြု လိုက်နာကြရန် လိုအပ်ပေသည်။
မိုးလေ၀သ နှင့် ဇလဗေဒ ညွှန်ကြားမှု ဦးစီးဌာန ကလည်း သတင်း နှင့် ဆက်သွယ်ရေး နည်းပညာ ခေတ်၌ မိုးလေ၀သ ခန့်မှန်းချက်များ ခေတ်မီ ပြောင်းလဲ လာချက်ရှိရာ ရာသီဥတု ပြောင်းလဲမှု ၊ သဘာဝ ဘေးအန္တရာယ် ကာကွယ်ရေး များကို ခေတ်မီ မိုးလေ၀သ ခန့်မှန်းခြင်း နည်းစနစ် များကို အသုံးပြုကာ ထုတ်ပြန် ပေးလျက် ရှိသည်။
ထိုကဲ့သို့ ထူးခြားသော မိုးလေ၀သ သတင်းများ ၊ မုန်တိုင်း သတင်းများ ၊ မုန်တိုင်း သတိပေးချက် ၊ နေ့အပူချိန် ၊ ညအပူချိန် စသည်တို့ကို အချိန်နှင့် တစ်ပြေးညီ ထုတ်ပြန် ပေးမှုကြောင့် ပြည်သူများ အန္တရာယ် မဖြစ်ပေါ်စေရန် ကြိုတင် ပြင်ဆင် ထားသည့်သည် များကို ကြိုတင် ပြင်ဆင် နိုင်ပေသည်။
လယ်ယာ နှင့် ဆည်မြောင်း ၀န်ကြီးဌာန သည်လည်း လယ်ယာ စိုက်ပျိုးမှု များ၏ စီးပွားရေး လုပ်ငန်းများ မထိခိုက် စေရန်အတွက် လယ်ယာ နှင့် စပ်လျဉ်းသည့် သတိပေး နှိုးဆော်ချက် များကို ထုတ်ပြန် ပေးလျက် ရှိသည်။
သို့ဖြစ်ရာ ပြည်သူများ အနေဖြင့် သက်ဆိုင်ရာ ဌာနများမှ ထုတ်ပြန် ပေးလျက်ရှိသည့် သတိပေး နှိုးဆော်ချက် များကို အလေးထား လိုက်နာပြီး ကြိုတင် ဆောင်ရွက်ပါက ကျန်းမာရေး အတွက် လည်းကောင်း ၊ စီးပွားရေး အတွက် လည်းကောင်း ၊ လူမှုရေး အတွက် လည်းကောင်း အန္တရာယ် အသွယ်သွယ် တို့မှ ကင်းဝေးကြမည် ဖြစ်ပါကြောင်း အသိပေး ရေးသား လိုက်ရပေသည်။
( အယ်ဒီတာ့အာဘော် )
#Yadanarpondaily
.jpg)
No comments:
Post a Comment