သေနတ်ဒဏ်ရာကို ၁၅ စက္ကန့်အတွင်း သွေးတိတ်စေမည့် XStat ဆေးထိုးအပ်

XStat ဆေးထိုးအပ် နှင့် ပါဝင်သော ရေမြှုပ်များ

ရေမြှုပ်များ အလုပ်လုပ်ပုံ

ဒဏ်ရာပေါ်သို့ တိုက်ရိုက်ထိုးသွင်းရသော XStat ဆေးထိုးအပ်

ဝါရှင်တန် ၊ ၁၀-၂-၂၀၁၄

သေနတ်ဒဏ်ရာ များကို ၁၅ စက္ကန့် အတွင်း သွေးတိတ် စေမည့် အိတ်ဆောင် ဆေးထိုးအပ် XStat ကို အမေရိကန် ပြည်ထောင်စု အိုရီဂွန် ပြည်နယ် အခြေစိုက် Rev Medx ကုမ္ပဏီက ထုတ်လုပ် နိုင်ပြီ ဖြစ်ကြောင်း သိရသည်။

စစ်မြေပြင်တွင် စစ်သားတစ်ဦး သေနတ်ထိမှန် ဒဏ်ရာရ သွားလျှင် အဆိုပါ ဒဏ်ရာကို သွေးအမြန်ဆုံး တိတ်စေရန် ဆောင်ရွက် နိုင်ရေးမှာ အလွန် အရေးကြီးသည်။ သို့သော် စစ်ပွဲ အခြေအနေ၊ ဆေးမှူးနှင့် အလှမ်း ကွာဝေးမှု၊ ဒဏ်ရာရရှိ ထားသော နေရာတို့ အပေါ် မူတည်ပြီး ရံဖန်ရံခါ သေနတ် ဒဏ်ရာကို သွေးတိတ်အောင် ပြုလုပ်ရန် လွန်စွာမှပင် ခက်ခဲ ကြာမြင့် တတ်သည်။

XStat ဆေးထိုးအပ်တွင် လိုအပ်သော ဆေးဝါးများ ပါရှိသည့် ရေမြှုပ်ငယ်များ ပါဝင်သည်။ အဆိုပါ ရေမြှုပ်ငယ် များကို ဒဏ်ရာထဲ ထိုးသွင်းပေး လိုက်လျှင် ချက်ချင်း ပျံ့ထွက်လာ မည်ဖြစ်ပြီး သေနတ် ဒဏ်ရာကို ပိတ်ပေး လိုက်မည် ဖြစ်သည်။ တစ်ပါတည်း ပါရှိ်သော ဆေးဝါးများက နာကျင်မှုကို သက်သာ စေခြင်း၊ ပိုးသတ် ပေးခြင်း တို့ကိုပြုလုပ် ပေးမည်ဖြစ်ပြီး ဤဖြစ်စဉ် တစ်ခုလုံး အတွက် ၁၅ စက္ကန့်သာ ကြာမြင့်မည် ဖြစ်ကြောင်း သိရသည်။

XStat ကိုပေါ့ပါးသော ပိုလီ ကာဗွန်နိတ် ဓာတ်ပေါင်းဖြင့် ပြုလုပ်ထား ပြီး ၃ဝ မီလီမီတာ နှင့် ၁၂ မီလီမီတာ အရွယ် နှစ်မျိုး ထုတ်လုပ် ထားသည်။ ဒဏ်ရာရရှိလျှင် ဆေးရေမြှုပ် များကို ဒဏ်ရာနှင့် အနီးဆုံး သွေးကြော ထဲတွင် ထိုးသွင်း ပေးရမည် ဖြစ်သည်။ အခြေအနေ ပေး၍ ဒဏ်ရာကို ပြန်လည် ဆေးကြော ချိန်တွင် ရေမြှုပ်တစ်စ မှ ကျန်ရစ်ခဲ့ခြင်း မရှိလေအောင် အဆိုပါ ရေမြှပ်များကို အင်္ဂလိပ်အက္ခရာ X အမှတ်အသား များပြုလုပ် ပေးထားပြီး ဓာတ်မှန် ရိုက်ကူး ကြည့်ရှုလျှင် အလွယ်တကူ မြင်တွေ့ နိုင်မည် ဖြစ်ကြောင်း သိရသည်။

XStat ကို ထုတ်လုပ် သူများသည် ကားတာယာ ပေါက်လျင် ချက်ချင်း ဖာထေးပေး နိုင်သည့် ရော်ဘာဘီးဖာ ကိရိယာကို ကြည့်ရှုကာ လူ့ခန္ဓာကိုယ် တွင် ဖြစ်လာသော အပေါက်များကို လည်း ချက်ချင်း ဖာထေး ပေးနိုင်လျှင် ကောင်းမည်ဟု အကြံရလာပြီး ယခုကဲ့ သို့ စစ်မြေပြင် တိုက်ပွဲဝင်စဉ် ဒဏ်ရာ ရရှိသော စစ်သား မြောက်မြားစွာ တို့၏ အသက်ကို ကယ်တင် နိုင်မည့် ဆေးရေမြှုပ် ဆေးထိုးအပ် ကို တီထွင် ထုတ်လုပ်ရန် အကြံရရှိ ခဲ့ခြင်း ဖြစ်ကြောင်း သိရသည်။

XStat ဆေးထိုးအပ် များကို လိုသလောက် ထုတ်လုပ် နိုင်ရန် Rev Medx ကုမ္ပဏီကို အမေရိကန် အစိုးရက ကန်ဒေါ်လာ ၅ သန်း ထောက်ပံ့ ပေးထားပြီး များမကြာမီ စစ်မြေပြင် ဆေးမှူးများ၏ ဆေးအိတ်ထဲမှ ပတ်တီးလိပ်များ ကို အစားထိုး နေရာယူ သွားတော့မည် ဖြစ်ကြောင်း သိရှိရသည်။