ရန်ကုန် ၊ ၅-၉-၂၀၁၃
နိုင်ငံခြားသား ခရီးသွားများ သီးသန့်
စီးနိုင်မည့် ဟံသာဝတီ သင်္ဘောလိုင်း အသစ်ကို စက်တင်ဘာ ၁၆ ရက်မှ စတင်၍ မန္တလေး - ပုဂံ ခရီးစဉ်အား
ပြေးဆွဲ သွားမည် ဖြစ်ကြောင်း ပြည်တွင်း ပို့ဆောင်ရေး ဝန်ကြီးဌာန ဧရာဝတီ ဌာနခွဲ မန္တလေး
မှ အကြီးတန်း စာရေး ဦးခင်မောင်ဝင်း က ပြောကြား ခဲ့ကြောင်း သိရသည်။
'' အခုလို နိုင်ငံခြားသာ သီးသန့်လိုင်း
ပြေးဆွဲရတဲ့ အဓိက ရည်ရွယ်ချက် က နိုင်ငံခြားသား တွေ သက်တောင့် သက်သာ စီးနင်းနိုင်ဖို့
အတွက်ပါ ၊ တစ်ခြား သင်္ဘောတွေလို လူအများကြီး နဲ့ မစီးရပါဘူး ၊ ဘေးတစ်ဖက် တစ်ချက် ရှုခင်းတွေ
ကိုလည်း ကြည့်ရှု ခံစားနိုင် ပါတယ် ၊ တစ်ခြား သင်္ဘောတွေလို ဈေးနှုန်းမြင့်မှာ မဟုတ်ဘဲ
ဈေးသက်သာစွာ နဲ့ စီးနိုင်မှာ ဖြစ်ပါတယ် ၊ ဟံသာဝတီ ရေလိုင်းသင်္ဘော က အခုမှစပြီး ပြေးဆွဲတဲ့
ပထမဆုံး အကြိမ် နိုင်ငံခြားသား သီးသန့် ပြေးဆွဲတဲ့ သင်္ဘော ဖြစ်ပါတယ် ... " ဟု ဦးခင်မောင်ဝင်းက
ဆက်လက် ပြောကြား ခဲ့သည်။
အဆိုပါ ဟံသာဝတီ ရေယာဉ်ကို တစ်ပတ်လျှင်
၎ ကြိမ် ပြေးဆွဲမည် ဖြစ်ပြီး မန္တလေး ဆိပ်ကမ်းမှ တနင်္လာနေ့ နှင့် သောကြာနေ့ တွင် နံနက်
၆ နာရီ ထွက်ခွာ၍ ပုဂံ ဆိပ်ကမ်းမှ အင်္ဂါနေ့ နှင့် စနေနေ့ တို့တွင် နံနက် ၆ နာရီ ထွက်ခွာမည်
ဖြစ်ကြောင်း ၊ ဟံသာဝတီ ရေယာဉ်တွင် နိုင်ငံခြားသား ဧည့်သည် ၁၀၀ ဦးခန့် စီးနိုင်ကြောင်း
၎င်းက ရှင်းပြသည်။
အဆိုပါ ဟံသာဝတီ ရေယာဉ် မောင်းနှင်ချိန်
မှာ ၁၂ နာရီ ၀န်းကျင်ခန့် ကြာမည် ဖြစ်ပြီး လမ်းခရီး တစ်လျှောက်တွင် ဆိပ်ကမ်း ၄ ခုတွင်သာ
ဆိုက်ကပ်မည် ဖြစ်ကြောင်း နှင့် ရေယာဉ် စီးနင်းခမှာ တစ်ဦးလျှင် အမေရိကန် ဒေါ်လာ ၃၀ သတ်မှတ်
ထားကြောင်း သိရှိရသည်။
.jpg)
No comments:
Post a Comment