၃-၆-၂၀၁၃
ရာမညသူ တစ်ဦးဖြစ်ပြီး မွန်ပြည်နယ် ရဲ့ အလှမယ် တစ်ဦးလည်း ဖြစ်တဲ့ နှင်းပွင့်ကိုကို နဲ့ ပရိသတ်ကို မိတ်ဆက် ပေးလိုက် ပါတယ်။ လက်ရှိမှာ မော်လမြိုင် ကနေ ရန်ကုန် မော်ဒယ်လ် လောက ၊ သရုပ်ဆောင် လောကထဲ ခြေချလာ ခဲ့တဲ့ မော်ဒယ်လ် သရုပ်ဆောင် နှင်းပွင့်ကိုကို နဲ့ ခဏတာ တွေ့ဆုံ ဖြစ်ပါတယ်။
( လတ်တလော လှုပ်ရှားမှု )
ဒီရက်ပိုင်း ညီမ မြ၀တီ ရုပ်/သံ ရဲ့ အစီအစဉ်သစ် Quiz Box အစီအစဉ်လေး ရိုက်ထား ပါတယ် ၊ ပြီးတော့ ကားရုက် ပြောထားတာ ရှိတယ်။ မသေချာ သေးပါဘူး ၊ မြန်မာ ၀တ်စုံနဲ့ ပတ်သက်ပြီး ဖက်ရှင် ကတ်တလောက် နဲ့ ဒီဇိုင်နာ ကဏ္ဍလေး တွေကလည်း အများကြီး ရိုက်ဖြစ်ပါတယ် ၊ ဟိုရက်ပိုင်းက ရှိုးပြိုင်ပွဲ တစ်ခု ၀င်ဖြစ်ရင်းနဲ့ ပင်ပန်းပြီး ဖျားသွားလို့ ခဏ အနားယူ နေရတယ် ၊ ခုတော့ သက်သာ သွားပါပြီ ၊ ဒီလထဲမှာ ဗီစီဒီ လေးတွေ ရိုက်ဖို့ ရှိပါတယ်။
( ဖြစ်ချင်တာက .. )
တစ်နေ့မှာ ထိပ်တန်း စာရင်းဝင် မဟုတ်ရင်တောင် ပရိသတ် တွေက မြင်လိုက်တာနဲ့ ဒါ .. နှင်းပွင့်ကိုကို ဆိုတာလေး သိနေတယ် ဆိုရင် ကျေနပ် ပါတယ် ၊ ညီမက အရမ်းတော့ လောဘ မကြီး ပါဘူးနော် ။
( နားလည် လက်ခံထားတဲ့ အနုပညာ ဆိုတာက .. )
ညီမ လေ့လာရ သလောက်တော့ အနုပညာ ဆိုတဲ့ ခေါင်းစဉ်အောက်မှာ လှုပ်ရှားမှုက အမျိုးမျိုး ရှိကြတယ် ၊ အများ သိကြတဲ့ ဂီတ ၊ ရုပ်ရှင် ၊ စာပေ ပေါ့နော် ၊ အဲ့ဒီထဲမှာမှ ညီမက ရုပ်ရှင် ကို ပိုပြီးတော့ ၀ါသနာ ပါတယ် ၊ ရုပ်ရှင် ဆိုတာရဲ့ နောက်မှာ အလွန် နက်နဲ သိမ်မွေ့တဲ့ သရုပ်ဆောင်မှု ပညာတွေ ရှိတယ် ၊ ခက်ခဲ လွန်းတယ် ၊ ၀ီရိယ ရှိရတယ် ၊ ဒါ့ကြောင့် လွယ်လွယ်နဲ့ ရယူ ဆုပ်ကိုင် ပိုင်နိုင်ဖို့ မလွယ်ဘူးလို့ မြင်ပါတယ်။
စန္ဒာအောင် (မြစ်ဆုံ)
.jpg)
No comments:
Post a Comment