ပေါက်မြိုင်တောရကျောင်းတိုက် ဦးစီးပဓာနနာယက အဘိဓဇမဟာရဋ္ဌဂုရု ဘဒ္ဒန္တဇနိန္ဒထံမှ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် နှင့် အခမ်းအနားတက်ရောက်လာ ကြသူများက ငါးပါးသီလခံယူ ဆောက်တည်ကြစဉ်။
ပေါက်မြိုင်တောရကျောင်းတိုက် ဦးစီးပဓာနနာယက အဘိဓဇမဟာရဋ္ဌဂုရု ဘဒ္ဒန္တဇနိန္ဒထံ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် လှူဖွယ်ပစ္စည်းများ ဆက်ကပ်လှူဒါန်းစဉ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် တပ်မတော်(ကြည်း၊ ရေ၊ လေ) မိသားစုများက လှူဒါန်းသည့် ဆွမ်းပဒေသာပင်အလှူငွေများကို လက်ခံရယူစဉ်။
ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီးစိုးဝင်း အလှူရှင်တစ်ဦးက လှူဒါန်းသည့် အလှူငွေများကို လက်ခံရယူစဉ်။
ဆရာတော်ထံ အလှူရှင်တစ်ဦးက လှူဖွယ်ပစ္စည်းများ ဆက်ကပ်လှူဒါန်းစဉ်။
နေပြည်တော် ၃-၉-၂ဝ၁၈
နေပြည်တော်၊ လယ်ဝေးမြို့နယ်ရှိ ပရိယတ္တိစာသင်တိုက်များ၊ သာသနာ့အနွယ်ဝင်သီလရှင်စာသင်တိုက်များနှင့် ဘိုးဘွားရိပ်သာ တစ်ခုသို့ တပ်မတော်(ကြည်း၊ ရေ၊လေ) မိသားစုများနှင့် စေတနာရှင်ပြည်သူများက ဆွမ်းဆန်တော်၊ ဆီ၊ ဆား၊ ပဲ၊ ဆေးနှင့်ငွေ ပဒေသာပင် အလှူငွေများလှူဒါန်းပွဲအခမ်းအနားကို ယနေ့မွန်းလွဲပိုင်းတွင် လယ်ဝေးမြို့ရှိ ပေါက်မြိုင်တောရကျောင်းတိုက်၌ ကျင်းပပြုလုပ်ရာ ပေါက်မြိုင်တောရကျောင်းတိုက် ဦးစီးပဓာနနာယက အဘိဓဇမဟာရဋ္ဌဂုရု ဘဒ္ဒန္တဇနိန္ဒနှင့် သံဃာတော်များ တက်ရောက်ချီးမြှင့်တော်မူကြသည်။
အခမ်းအနားသို့တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ပြည်ထောင်စုဝန်ကြီးများဖြစ်ကြသည့် ဒုတိယဗိုလ်ချုပ်ကြီး ကျော်ဆွေ၊ ဒုတိယဗိုလ်ချုပ်ကြီး စိန်ဝင်း၊ ဒုတိယဗိုလ်ချုပ်ကြီး ရဲအောင်၊ ညှိနှိုင်းကွပ်ကဲရေးမှူး(ကြည်း၊ ရေ၊လေ) ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီးတင်အောင်စန်း၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ နေပြည်တော်တိုင်းစစ်ဌာနချုပ် တိုင်းမှူး၊ နေပြည်တော်ကောင်စီဝင်များ၊ စေတနာရှင်အလှူရှင်များ၊ လူမှုရေးအသင်းအဖွဲ့များနှင့် ၀တ်အသင်းအဖွဲ့များတက်ရောက်ကြသည်။
ဦးစွာ တပ်မတော်ကာကွယ်ရေးဦးစီးချုပ်နှင့်အခမ်းအနားတက်ရောက်လာကြသူများသည် ပေါက်မြိုင်တောရကျောင်းတိုက် ဦးစီး ပဓာနနာယက ဆရာတော်ကြီးထံမှ ငါးပါးသီလခံယူဆောက်တည်ကြပြီး သံဃာတော်များ ရွတ်ပွား ချီးမြှင့်တော်မူကြသည့် မေတ္တသုတ်ပရိတ်တရားတော်များအားနာယူကြသည်။ ထို့နောက် တပ်မတော်ကာကွယ်ရေးဦးစီးချုပ်က ပေါက်မြိုင်တောရ ကျောင်းတိုက် ဦစီးပဓာနနာယက ဆရာတော်ကြီးထံ လှူဖွယ်ပစ္စည်းများဆက်ကပ် လှူဒါန်းသည်။
ယင်းနောက်ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) က တောင်သုံးလုံးဇေတ၀န်ကျောင်း တိုက်ဆရာတော် ဘဒ္ဒန္တဝေပုလ္လထံသို့လည်းကောင်း ပြည်ထောင်စုဝန်ကြီးများ၊ တပ်မတော်အရာရှိ ကြီးများနှင့်အလှူရှင်များက သံဃာတော် များနှင့် သီလရှင်ဆရာကြီးများအားလည်းကောင်း လှူဖွယ်ပစ္စည်းများအသီးသီးဆက်ကပ် လှူဒါန်းကြသည်။
ထို့နောက် တပ်မတော်(ကြည်း၊ရေ၊လေ)မိသားစုများမှလှူဒါန်းသော ဆွမ်းဆန်တော် ၃၈၁ အိတ်နှင့် ပဲ ၁၁၄၃ ပိဿာအား တပ်မတော်ကာကွယ်ရေးဦးစီးချုပ်ကလည်းကောင်း၊ မြန်မာ့စီးပွားရေးဦးပိုင်လီမိတက်မှလှူဒါန်းသည့် ဆီ ၁၁၄ ပိဿာ ၃၀ ကျပ်သားနှင့် ဆား ၃၁၅ ပိဿာအား ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ကလည်းကောင်း၊ အလှူရှင်များကဆွမ်းဆန်တော်၊ ဆီ၊ ဆား၊ ပဲ၊ ဆေးများအား လည်းကောင်း ပေါက်မြိုင်တောရကျောင်းတိုက်ဦးစီးပဓာန နာယက ဆရာတော်ကြီးထံ အသီးသီးဆက်ကပ်လှူဒါန်းကြသည်။
၎င်းနောက် ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦးက တပ်မတော်(ကြည်း၊ရေ၊လေ) မိသားစုများမှ လှူဒါန်းသည့် ဆွမ်းပဒေသာပင်အလှူငွေများအား လည်းကောင်း၊ အလှူရှင်များကလှူဒါန်းသည့် ဆွမ်းပဒေသာပင် အလှူငွေများ အားလည်း ကောင်းအသီးသီးလှူဒါန်းကြရာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ကလက်ခံ ရယူသည်။ ယင်းနောက်အလှူရှင်များက အလှူငွေများ အသီးသီးပေးအပ် လှူဒါန်းကြရာ ဒုတိယတပ်မတော် ကာကွယ်ရေး ဦးစီးချုပ် ကာကွယ်ရေးဦးစီးချုပ်(ကြည်း) နှင့် တပ်မတော်အရာရှိကြီးများက အသီးသီးလက်ခံရယူကြသည်။
ထို့နောက် တပ်မတော် (ကြည်း၊ရေ၊လေ) မိသားစုများနှင့်အလှူရှင်များက ဆွမ်းဆန်တော်၊ ဆီ၊ ဆား၊ ပဲ၊ ဆေးနှင့်ငွေပဒေသာပင် အလှူငွေများပေးအပ်လှူဒါန်းရခြင်း၏ ရည်ရွယ်ချက်နှင့်ပတ်သက်ပြီး တာဝန်ရှိသူတစ်ဦးက လျှောက်ထားတင်ပြသည်။ ယင်းနောက် တပ်မတော်ကာကွယ်ရေးဦးစီးချုပ်နှင့် အခမ်းအနားတက်ရောက် လာကြသူများက ပေါက်မြိုင်တောရကျောင်းတိုက် ဦးစီးပဓာနနာယက ဆရာတော်ကြီးထံမှ အနုမောဒနာတရား နာယူ၍လှူဒါန်းမှု အစုစုအတွက်ရေစက်သွန်းချ အမျှပေးဝေကြသည်။
တပ်မတော်(ကြည်း၊ရေ၊လေ) မိသားစုများနှင့်စေတနာရှင်ပြည်သူများစုပေါင်း၍ နေပြည်တော်ကောင်စီနယ်မြေအတွင်းရှိ ပျဉ်းမနားမြို့နယ်၊ တပ်ကုန်းမြို့နယ်နှင့် လယ်ဝေးမြို့နယ်များအတွင်းရှိ ပရိယတ္တိစာသင်တိုက်များ၊ သာသနာ့အနွယ်ဝင် သီလရှင် စာသင်တိုက်များနှင့်ဘိုးဘွားရိပ်သာများသို့ ၂၀၀၆ ခုနှစ်မှစတင်၍ နှစ်စဉ်လှူဒါန်းလျက်ရှိပြီး ယနေ့ကျင်းပ ပြုလုပ်သည့် အခမ်းအနားတွင် လှူဒါန်းမှုအစုစုမှာ ၁၄၁၇၇၀၀၀ ကျပ်၊ ဆန် ၄၆၆ အိတ်၊ ဆီ ၁၁၄ ပိဿာ ၃၀ ကျပ်သား၊ ပဲ ၁၁၄၃ ပိဿာ၊ ဆား ၁၄၅၈ ပိဿာ၊ ငရုပ်သီးမှုန့် ၂၁၀၀ ထုပ်၊ နနွင်းမှုန့် ၇၀၀ ထုတ်၊ မဆလာ ၇၀၀ ထုပ်၊ ငါးပိထောင်း ၁၀၀၀ ဘူး၊ ဆေးမျိုးစုံ ၇၂၈၀ ဘူးနှင့် လှူဖွယ်ပစ္စည်းများအား လှူဒါန်း ခဲ့ကြောင်း သတင်းရရှိသည်။
# မြဝတီနေ့စဉ်သတင်းစာ
No comments:
Post a Comment