ရန်ကုန် ၁၇-၅-၂၀၁၇
မြန်မာနိုင်ငံ သစ်မွှေးလုပ်ငန်း ရှင်များအသင်းက ပြည်တွင်းရှိ စီးပွားဖြစ်သစ်မွှေး စိုက်ပျိုးသူများအား သစ်မွှေးစိုက်ပျိုးထုတ်လုပ် ခြင်းဆိုင်ရာ လုပ်ငန်းများနှင့် ပတ်သက်သည့် နည်းပညာနှင့် ဈေးကွက်ဖွံ့ဖြိုးရေး လုပ်ငန်းများကို ကူညီပေးသွားမည် ဖြစ်ကြောင်း မြန်မာနိုင်ငံ သစ်မွှေးထုတ်လုပ်သူ များအသင်း ဥက္ကဋ္ဌ ဦးသောင်းညွန့်ထံမှ သိရသည်။
မြန်မာနိုင်ငံ သစ်မွှေးလုပ်ငန်းရှင်များ အသင်းက သစ်မွှေးစိုက်ပျိုး ထုတ်လုပ်ခြင်း နှင့်ပတ်သက်သည့် နည်းပညာ၊ ဈေးကွက် ဖွံ့ဖြိုးရေး ဆောင်ရွက်ရန်၊ သစ်မွှေးလုပ်ငန်းဆိုင်ရာ စက်မှုအဆင့်ရောက်ရှိ ရေးအတွက် ဆောင်ရွက်ရန်၊ အရည်အသွေး ပြည့်မီသည့် ထုတ်ကုန်သစ် အဖြစ်ထုတ်လုပ်၍ နိုင်ငံတကာ ဈေးကွက်သို့ ထိုးဖောက်နိုင်ပြီး နိုင်ငံခြားဝင်ငွေ ရလမ်းများ ဖော်ဆောင်ရန်၊ မြန်မာ့သစ်မွှေး မျိုးသုဉ်းပျောက်ကွယ် တော့မည့် အခြေအနေမှ ဖွံ့ဖြိုး တိုးတက်စေရန် စသည်တို့ကို လုပ်ဆောင် လျက်ရှိသည်။
သစ်မွှေး အရည်အသွေးနှင့် ပတ်သက်၍ ခွဲခြားရာတွင် ထွက်ရှိသည့် နိုင်ငံ၊ မွှေးကြိုင်သည့်ရနံ့၊ တာရှည်ခံနိုင်မှု၊ သစ်သား၏ ကျစ်လျစ်သိပ်သည်းမှု၊ ထုတ်လုပ်သည့် ကုန်ချောပစ္စည်း သန့်စင်မှု၊ အဆီ၊ အစေး ပါဝင်မှု၊ အသွေးအရောင်နှင့် အရွယ်အစား စသည်တို့အပေါ် မူတည်၍ တစ်နိုင်ငံနှင့် တစ်နိုင်ငံ သစ်မွှေးခွဲခြားမှု မတူညီကြောင်းနှင့် သစ်မွှေးအရည်အသွေး အကောင်းဆုံး ထွက်ရှိသည့် နိုင်ငံများမှာ ဘူလ်တန်၊ အိန္ဒိယ၊မြန်မာ၊ လာအို၊ ကမ္ဘောဒီးယား၊ ဗီယက်နမ်နှင့် အင်ဒိုနီးရှား နိုင်ငံတို့ဖြစ်သည်။
ထို့ပြင် သစ်မွှေးဆီကို အသည်းခြောက်ရောဂါ၊ အသည်းရောင်အသားဝါ၊ အသည်းကင်ဆာ၊ မှိုရောဂါအမျိုးမျိုး၊ ဟိုမုန်းအားဆေး၊ လေဖြတ်ရောဂါ၊ နှလုံးရောဂါ၊ သွေးကင်ဆာရောဂါနှင့် ခုခံအားကျဆင်းသည့် ရောဂါများကုသရာတွင် စမ်းသပ်သုံးစွဲ နေပြီဖြစ်ကြောင်း သိရသည်။
#Themyawadydaily
No comments:
Post a Comment