ခံတွင်းကပြောတဲ့ သင့်ရဲ့ ကျန်းမာရေး

ခံတွင်းကပြောတဲ့ သင့်ရဲ့ ကျန်းမာရေး

( ဒေါက်တာ မိုးဝေမြင့် )

သင့်ခံတွင်းက သင့်ခန္ဓာကိုယ်ရဲ့ တံခါးမကြီးပါ။ အစားအသောက်နဲ့ ခန္ဓာကိုယ်အတွက် လိုအပ်တဲ့ ဆေးဝါးအများစုကို ပါးစပ်ထဲက တစ်ဆင့် ခန္ဓာကိုယ်ထဲကို ရောင်အောင် သွတ်သွင်း ပေးရတာပါ။ ခန္ဓာကိုယ်ထဲကို ၀င်ရောက်မယ့် အရာမှန်သမျှ ခံတွင်းကို အရင်ဖြတ်သန်း ရပါတယ်။ အစာခြေစနစ်ရဲ့ ပထမဆုံး အဆင့်ဖြစ်ပြီး အစာတွေ အများဆုံးကြွင်းကျန် ခိုကပ်တဲ့နေရာ ဆိုရင်လည်း မမှားပါဘူး။ ဗက်တီးရီးယား များစွာ ခိုကပ်နိုင်ပြီး ခန္ဓာကိုယ်ရဲ့ ချို့ယွင်းချက် အတော်များများ ဟာလည်း ခံတွင်းထဲမှာ လက္ခဏာ တစ်ရပ်အနေနဲ့ လာရောက် ဖြစ်ပေါ်လေ့ ရှိပါတယ်။ ထို့အတူ ခံတွင်းထဲက ဗက်တီးရီးယား တွေကြောင့်လည်း ခန္ဓာကိုယ်ထဲမှာ ရောဂါအချို့ကို ဖြစ်စေပါတယ်။ အပြန်အလှန် ဆက်နွှယ် နေကြသလို နှစ်ခုစလုံးကိုလည်း တစ်ချိန်တည်း ကုသမှရောဂါက ပိုမိုပျောက်ကင်းလေ့ ရှိပါတယ်။

ဆီးချိုရောဂါက ခံတွင်း ကျန်းမာရေး အပေါ်မှာ လွှမ်းမိုးမှု အရှိဆုံးရောဂါ ပါ။ ဆီးချိုရောဂါ ဖြစ်နေသူတွေက သာမန် လူတွေထက်ပိုပြီး ရေစီးကမ်းပြို ရောဂါ ဖြစ်နိုင်ပါတယ်။ ခန္ဓာကိုယ်ထဲမှာ ရှိတဲ့ သကြားဓာတ်ကို ချေဖျက်ပေးတဲ့ အင်ဆူလင် (Insulin) ဓာတ်ထုတ်လုပ်မှု လျော့နည်းခြင်း၊ မထွက်ခြင်း တွေက ဆီးချိုရောဂါ ကို ဖြစ်စေပါတယ်။ သွေးထဲမှာ သကြားဓာတ် များလာခြင်းက ဗက်တီးရီးယား တွေ၊ ရောဂါပိုးမွှား တွေ ပေါက်ဖွား လာစေတဲ့ အဓိက အချက်ပါပဲ။ ခံတွင်းထဲမှာလည်း ဗက်တီးရီးယား တွေက ဆိုးရွားစွာ ဒုက္ခပေးပြီး သွားဖုံးတွေရောင်၊ ကြာလာရင် ရေစီးကမ်းပြို ရောဂါပါ ဖြစ်လာ ပါတော့တယ်။

နှလုံးရောဂါ နဲ့လည်း ဆက်စပ်မှု ရှိပါတယ်။ ဘယ်လို ဆက်စပ်တာလဲ ဆိုတာကိုတော့ အတိအကျ မပြောနိုင် ပေမယ့် နှလုံးရောဂါ ဖြစ်နေသူတွေရဲ့ ၉ ရာခိုင်နှုန်း ကျော်ကတော့ ရေစီးကမ်းပြို ရောဂါ ဖြစ်နေတာကို တွေ့ရ ပါတယ်။ နှလုံးရောဂါနဲ့ ရေစီးကမ်း ပြိုရောဂါ နှစ်ခုစလုံးက ဆေးလိပ် သောက်ခြင်း၊ ကျန်းမာရေး အတွက် မသင့်လျော်တဲ့ အစားအစာတွေ စားခြင်းကြောင့် ဖြစ်ရတာပါ။ သီအိုရီ အချို့အရ ဆိုရင်တော့ ခံတွင်းထဲမှာ သွားဖုံး ရောင်ရမ်းခြင်း က သွေးပြန်ကြော တွေကိုပါ ရောင်ရမ်းစေပြီး နှလုံးနဲ့ ခန္ဓာကိုယ် အစိတ်အပိုင်းတွေ ကြားက သွေးကြောတွေပါ ရောင်ရမ်း စေပါတယ်။ သွေးကြော ရောင်ရမ်းခြင်း က သွေးဖိအားကို မြင့်စေပြီး သွေးတိုးခြင်းကို ဖြစ်စေပါတယ်။ သွေးကြော အတွင်းပိုင်းတွေ ကျဉ်းလာတော့ အဆီခဲလေးတွေက သွေးကြောထဲမှာ ပိတ်ဆို့ဖို့ အခွင့်အလမ်း များလာပြီး နှလုံး ရုတ်တရက် ထဖောက်တာ၊ နှလုံးသွေးကြော ကျဉ်းတာနဲ့ လေဖြတ်ခြင်း တွေပါ ဖြစ်ကုန်ပါတယ်။

အတိအကျ အချက်အလက်တွေ မရှိပေမယ့် ကလေး လမစေ့ဘဲ မွေးတာ၊ ပေါင်ချိန် မပြည့်တာတွေ က နှလုံးရောဂါ၊ အဆုတ်ရောဂါ နဲ့ အခြား အခြေအနေ ပေါင်းများစွာနဲ့ ဆက်စပ်မှုရှိနေသလို၊ ကိုယ်ဝန်ဆောင် မိခင်ရဲ့ ခံတွင်း ကျန်းမာရေး နဲ့လည်း ပတ်သက်မှု ရှိနိုင်တယ်လို့ လေ့လာချက် တွေမှာ ဖော်ပြ ထားပါတယ်။ ဒါကြောင့် ကိုယ်ဝန်ဆောင်တွေ အနေနဲ့ တတ်နိုင်သမျှ ဆိုးကျိုး နည်းအောင် သွားဆရာဝန် နဲ့ ပုံမှန်ပြသပေး စေလိုပါတယ်။

ရေစီးကမ်းပြို ရောဂါနဲ့ အရိုးပွရောဂါ ဆက်စပ်မှုရှိလား ဆိုတာကိုတော့ လေ့လာနေဆဲ ပါပဲ။ ဒီရောဂါ နှစ်မျိုးလုံးမှာ တူညီတဲ့အချက်က အရိုးတွေ ပျက်စီးသွားတာ ပါပဲ။ အငြင်းပွားစရာ ကတော့ အရိုးပွရောဂါ က ရှည်လျားတဲ့ လက်ရိုး၊ ခြေရိုးတွေ မှာသာ ဖြစ်ပွားပြီး ရေစီးကမ်းပြို ကတော့ မေးရိုးမှာသာ ဖြစ်ပွားတာပါ။ နောက်တစ်ချက်က အရိုးပွရောဂါ ကို အမျိုးသမီး တွေမှာ ပိုတွေ့ရလေ့ရှိပြီး အမျိုးသား တွေမှာ အဖြစ်နည်း ပါတယ်။ ရေစီးကမ်းပြို ကတော့ အမျိုးသားတွေမှာ ပိုအဖြစ်များ ပါတယ်။ ဒါပေမယ့်လည်း အရိုးပွရောဂါ ဖြစ်နေတဲ့ အမျိုးသမီး အများစုက အခြား အမျိုးသမီး တွေထက် ရေစီးကမ်းပြို ရောဂါ ပိုဖြစ်လေ့ ရှိတာကိုလည်း တွေ့ရှိထားတော့ စဉ်းစားစရာ ဖြစ်ကုန်ပါတယ်။ ဒါကြောင့် လေ့လာနေသူ တွေဟာ ရေစီးကမ်းပြို ရောဂါကြောင့် ခန္ဓာကိုယ်ရဲ့ အခြားနေရာက အရိုးတွေ ထိခိုက်စေနိုင်လား ဆိုတာကို အသည်းအသန် စူးစမ်း နေကြပါတယ်။

ဆေးလိပ် သောက်ခြင်းက ခံတွင်းမှာ သာမက ခန္ဓာကိုယ် တစ်ခုလုံးကိုပါ ဒုက္ခပေးပါတယ်။ ဆေးလိပ် သောက်သူတွေက ပြင်းထန်တဲ့ သွားဖုံးရောဂါ ဖြစ်ဖို့ သာမန် လူတွေထက် ၃ ဆ ပိုများပါတယ်။ ဆေးလိပ်မှာ ပါတဲ့ နီကိုတင်း (Nicotine) က သွေးကြောကျဉ်း စေတဲ့အတွက် ခံတွင်းထဲမှာ အနာကျက် နှေးစေနိုင် ပါတယ်။

လေးဖက်နာရောဂါ ဖြစ်နေတဲ့ သူတွေမှာ ခံတွင်း ကျန်းမာရေးကို ဂရုစိုက်ပေးရင် နာတဲ့ဝေဒနာ သက်သာစေ ပါတယ်။ သွားဖုံးရောဂါ ကြောင့် နမိုးနီးယား နဲ့ အဆုတ်ရောဂါ အချို့ ပိုဆိုးစေတယ် လို့လည်း ဆိုထား ပါသေးတယ်။ ခံတွင်းထဲမှာရှိတဲ့ ဆိုးရွားတဲ့ ဗက်တီးရီးယားတွေ အသက်ရှူ လမ်းကြောင်း သွေးကြောထဲက တစ်ဆင့် အဆုတ်ထဲကို ရောက်သွားလို့ပါ။

အချုပ်အားဖြင့် ပြောရရင်တော့ ခံတွင်းနဲ့ ခန္ဓာကိုယ်က ပူးတွဲတည်ရှိ နေတာပါ။ ခန္ဓာကိုယ်က ခံတွင်းကို ထိခိုက်မှု ရှိစေရင် ခံတွင်းကလည်း တန်ပြန်မှု ရှိစေမှာပါပဲ။ ဒါကြောင့် ခံတွင်း ကျန်းမာခြင်းက အရေးကြီး ပါတယ်။ ခံတွင်း ကျန်းမာဖို့ အတွက် လုပ်သင့်တဲ့ အရာတွေဖြစ်တဲ့ သွားတိုက်ခြင်း၊ သွားဆရာဝန်နဲ့ ပုံမှန် စစ်ဆေးခြင်းတွေ လုပ်ပေးရပါ လိမ့်မယ်။ အထက်ဖော်ပြပါ အခြေအနေကို ဂရုမစိုက် ဘူးပဲထား၊ သွားဖုံးရောဂါ ကြောင့်သင့်ရဲ့ သွားတွေ ဆုံးရှုံးလိုက် ရတယ် ဆိုပါစို့။ သင့်မှာ ၀ါးစရာ သွားမရှိတော့ တဲ့အတွက် အစာကောင်းကောင်း မစားနိုင်တော့ဘဲ အာဟာရ ဆုံးရှုံးပြီး ကျန်းမာရေး ထိခိုက်လာမှာပါ။ ဒါကြောင့် “အသက်ရှည်ရှည် နေရဖို့၊ သွားတွေကို ဂရုစိုက်စို့” လို့ပဲ ပြောချင်ပါတယ်။

Health Digest Journal ( Vol-13, No-22, 24-2-2016 )

#Themyawadydaily

http://www.drmyanmar.com/news/%E1%80%86%E1%80%9B%E1%80%AC%E1%81%80%E1%80%94%E1%80%B9%E1%82%80%E1%80%80%E1%80%AE%E1%80%B8%E1%80%99%E1%80%BA%E1%80%AC%E1%80%B8-%E1%81%8F-%E1%80%B1%E1%80%86%E1%80%AC%E1%80%84%E1%80%B9%E1%80%B8%E1%80%95%E1%80%AB%E1%80%B8%E1%80%99%E1%80%BA%E1%80%AC%E1%80%B8/%E1%80%81%E1%80%B6%E1%80%90%E1%80%BC%E1%80%84%E1%80%B9%E1%80%B8%E1%80%80%E1%80%B1%E1%80%BB%E1%80%95%E1%80%AC%E1%80%90%E1%80%B2%E1%80%B7-%E1%80%9E%E1%80%84%E1%80%B9%E1%80%B7%E1%80%9B%E1%80%B2%E1%82%95%E1%80%80%E1%80%BA%E1%80%94%E1%80%B9%E1%80%B8%E1%80%99%E1%80%AC%E1%80%B1%E1%80%9B%E1%80%B8