ရန်ကုန် ၊ ၂၀-၆-၂၀၁၆
အခွန် အမှတ်တံဆိပ် ကပ်သည့်စနစ် ကျင့်သုံးပြီး နောက်ပိုင်း စားသောက်ဆိုင် များမှ အခွန် ကောက်ခံရရှိ မှုသည် လေးဆခန့် ပိုမိုတိုးပွား လာကြောင်း ပြည်တွင်း အခွန်များ ဦးစီးဌာနမှ တာဝန်ရှိသူ တစ်ဦး၏ ပြောကြားချက် အရ သိရသည်။
စားသောက်ဆိုင် များတွင် အဆိုပါ အခွန် အမှတ်တံဆိပ်များ ကပ်ထားရန် ညွှန်ကြားချက်များ ထုတ်ပြန်ခဲ့ရာ ၂ဝ၁၅ ခုနှစ် မေလဆန်းမှ စ၍ အခွန် အမှတ်တံဆိပ် မကပ်သော စားသောက်ဆိုင် များကို စစ်ဆေး အရေးယူခြင်းများ ပြုလုပ်ခဲ့ကြောင်း၊ ကုန်သွယ်ခွန် ဥပဒေအရ အမှတ်တံဆိပ် ကပ်ရန် တစ်ကြိမ် ပျက်ကွက်ပါက ငွေကျပ်နှစ်သိန်း၊ နှစ်ကြိမ် ပျက်ကွက်ပါက ငွေကျပ်ငါးသိန်း၊ သုံးကြိမ် ပျက်ကွက်ပါက ငွေကျပ် ခုနစ်သိန်း နှင့် လေးကြိမ်နှင့် အထက် ပျက်ကွက်ပါက ငွေကျပ် ၁ဝ သိန်း ဒဏ်ငွေချမှတ်မည် ဖြစ်ကြောင်း၊ လက်ရှိတွင် စားသောက်ဆိုင် ပြေစာတွင် အခွန်တံဆိပ် မကပ်ခြင်းကြောင့် ဒဏ်ကြေးငွေကျပ် ၇၉ သိန်းကျော် ရရှိ ထားကြောင်း သိရသည်။
စားသောက်ဆိုင် များ၌ အခွန်တံဆိပ် ကပ်ပေးခြင်း မရှိဘဲ ကုန်သွယ်ခွန် တိမ်းရှောင်ခြင်းများ ဖြစ်ပွားဆဲ ရှိနေသောကြောင့် ပြုလုပ်လျက် ရှိကြောင်း၊ အခွန်တံဆိပ် ကပ်ခြင်းမရှိ၍ တိုင်ကြားမှုများ ရှိပါကလည်း ဒဏ်ကြေး၏ ၁ဝ ရာခိုင်နှုန်းအား ဆုကြေး အဖြစ် ပြန်လည် ပေးအပ်ကြောင်း၊ ရှောင်တခင် စစ်ဆေးခြင်း မျိုးဖြင့် လိုက်လံ စစ်ဆေးလျက် ရှိကြောင်း၊ စားသောက်ဆိုင်များ အနေဖြင့် သတ်မှတ်ထားသော စည်းကမ်းချက်များကို လိုက်နာကြ ရမည်ဖြစ်ကြောင်း၊ စစ်ဆေးရာ တွင် စားသုံးသူများ အသွင်ဆောင်ကာ စစ်ဆေးခြင်း ဖြစ်သည့်အတွက် တွေ့ရှိ လာပါက ကုန်သွယ် လုပ်ငန်းခွန် ဥပဒေအရ အရေးယူခြင်း ခံရမည် ဖြစ်ကြောင်း သိရသည်။ (စိုးမိုး)
မြ၀တီနေ့စဉ် ၊ စာ(၅)
No comments:
Post a Comment