ပုသိမ် ၊ ၂၇-၄-၂၀၁၆
ဧရာဝတီတိုင်း ဒေသကြီး ပုသိမ်မြို့နယ်ရှိ ငွေဆောင်စခန်းသို့ သွားရောက် အပန်းဖြေ ကြမည့် ဘက်စုံပညာ ထူးချွန်လူငယ် များတွင် ပုဂ္ဂလိက ကိုယ်ပိုင်ကျောင်း များမှ ကျောင်းသား၊ ကျောင်းသူများ ပါဝင်ခွင့် ရခဲ့ကြောင်း သိရသည်။
''ဒီနှစ် ရွေးချယ်ခံရတဲ့ ထဲမှာ ကိုယ်ပိုင်ကျောင်းက ကလေးတွေ ပါဝင်တာကို တွေ့ရပါတယ်။ တချို့ ကိုယ်ပိုင်ကျောင်း တွေဆိုရင် နှစ်ယောက် လောက် ပါတာကို တွေ့ရတယ်'' ဟု ဘက်စုံပညာ ထူးချွန်လူငယ် အဖွဲ့(၂)တွင် ကြီးကြပ်သော ဆရာ ဦးပြည့်ဟိန်းကျော် က ပြောသည်။
အဆိုပါ ရွေးချယ်ခံ ရသည့် ကိုယ်ပိုင်ကျောင်း များမှာ စာပန်းအိမ်၊ CAE ၊ ကောင်းစုစံ၊ ကဝိစည်သူ၊ ပါရမီနှင့် စံတော်ဝင် စသည့် ကျောင်းများမှ ဖြစ်ကြပြီး ရန်ကုန်၊ ပြင်ဦးလွင်၊ ပဲခူး၊ စစ်ကိုင်း၊ နေပြည်တော် စသောဒေသ တို့၌ အခြေစိုက်ကာ ဖွင့်လှစ် ထားသော ကျောင်းများလည်း ဖြစ်သည်။
ပညာရေး ဝန်ကြီးဌာနက ထူးချွန် ကျောင်းသား၊ ကျောင်းသူများကို ရွေးချယ်သည့် ဘက်စုံ ပညာထူးချွန် လူငယ်စီမံကိန်း တွင် အဆိုပါ ကိုယ်ပိုင်ကျောင်း များမှလည်း ရွေးချယ်ခံခဲ့ ရခြင်းဖြစ်သည်။
အဆိုပါ ပါဝင်ခွင့်ရသည့် ပုဂ္ဂလိက ကိုယ်ပိုင်ကျောင်း များမှ ကျောင်းသား၊ ကျောင်းသူ များမှာ စာပန်းအိမ် ကျောင်းမှ မယဉ်မင်းကျော်၊ CAE ကျောင်းမှ မောင်အောင် ကျော်ကျော် နှင့် မအိဇင်မျိုး၊ ကောင်းစုစံ ကျောင်းမှ မောင်ဝေယံ သန်းထိုက် နှင့် မအေးချမ်းဖြိုး၊ ကဝိစည်သူ ကျောင်းမှ မအိမွန်ခိုင်၊ ပါရမီကျောင်းမှ မဖြိုးသဉ္ဇာထက်၊ စံတော်ဝင် ကျောင်းမှ မမေသန့် စင်အောင် တို့ ဖြစ်ကြသည်။
ထက်ခိုင် (စမ်းချောင်း)
မြ၀တီနေ့စဉ် ၊ စာ(၆)
No comments:
Post a Comment