မကွေး ၊ ၈-၃-၂၀၁၆
သောက်သုံးရေနှင့် စိုက်ပျိုးရေ ရှားပါးမှု အခက်အခဲများ ကြုံတွေ့ လာနိုင်သော အယ်လ်နီညို ရာသီ၌ သက်တမ်းရင့် (စပါး၊ နှမ်း၊ ပဲတီစိမ်း ) မျိုးများ နေရာတွင် သက်တမ်းတိုပြီး အထွက်နှုန်း ကောင်းသော မျိုးစေ့များ အစားထိုး စိုက်ပျိုးနိုင်ရေး စီမံ ဆောင်ရွက် လျက် ရှိကြောင်း မကွေးတိုင်း ဒေသကြီး စိုက်ပျိုးရေး ဦးစီးဌာနမှ သိရသည်။
''ပွင့်ဖြူမျိုးသန့်ခြံ ကနေ မျိုးစပါးတင်း ၄ဝဝဝ လောက် သိုလှောင် ထားပြီး ဖြစ်ပါတယ်။ မြို့နယ်တိုင်း မှာလည်းတင်း ၂ဝဝ၊ ၃ဝဝ ခန့်စီ အသင့်သိုလှောင် ထားပါတယ်။ ရတနာတိုးနဲ့ ဆင်းသုခ တို့လို သက်တမ်းတို စပါးမျိုးတွေ အပြင် ပဲတီစိမ်း၊ နှမ်းအတွက် ဆင်းရတနာ -၃ နဲ့ စမုန်နက်နှမ်း တွေလို သီးနှံမျိုးတွေကို အကျိုးဆောင် တောင်သူ နဲ့ပေါင်းပြီး မျိုးစေ့ထုတ် သိုလှောင် ထားတာပါ။ သက်တမ်းတို မျိုးတွေကို စိုက်ပျိုးရင် စိုက်ပျိုးရေ လိုအပ်ချက် ကိုလည်း လျှော့ချနိုင်မှာ ဖြစ်သလို အထွက်နှုန်း မကောင်းမှာ ကိုလည်း စိုးရိမ်စရာ မရှိပါဘူး''ဟု မကွေးတိုင်း ဒေသကြီး စိုက်ပျိုးရေး ဦးစီးဌာနမှ ညွှန်ကြားရေးမှူး ဦးခင်မောင်ဝင်း က ပြောသည်။
သီးနှံစိုက်ပျိုးသည့် အခါ ရေနည်းနည်းသာ လိုမည့် သက်လျင်သီးနှံ (သက်တမ်းတို ရတနာတိုး၊ ရက် ၉ဝ စပါး) ပျိုးထောင်ပြီး စိုက်ရန်၊ ရေဖျား (မြောင်းဖျား) ရေရရှိနိုင်မှု နည်းပါးသည့် နေရာများ တွင်လည်း သက်တမ်းတို (နွေနှမ်း၊ ပဲတီစိမ်း၊ နေကြာ) သီးနှံမျိုးများကို ရွေးချယ်စိုက်ရန် လိုအပ်ကြောင်း၊ ဌာနအနေဖြင့် တောင်သူ ပညာပေး စည်းရုံးခြင်းများ ဆောင်ရွက်လျက် ရှိပြီး အကျိုးဆောင် တောင်သူထံမှ ဝယ်ရင်းဈေး အတိုင်း မျိုးစေ့ပံ့ပိုးခြင်း နှင့် စိုက်ပျိုးရေး နည်းပညာ အကူအညီ ပေးခြင်းများ ဆောင်ရွက် သွားမည် ဖြစ်ကြောင်း ၄င်းက ဆက်လက် ပြောကြားသည်။
ယခင်က နွေစပါး တစ်ဧက အတွက် ရေ (၆ ဧကပေ) အသုံးပြု သော်လည်း အယ်လ်နီညို ဖြစ်စဉ်တွင် ရေခန်းခြောက် နိုင်သည့် အတွက် နွေစပါး တစ်ဧကအ တွက် စိုက်ပျိုးရေ (၈ ဧကပေ) အသုံးပြုနိုင်ရန် ဆည်မြောင်း ဦးစီးဌာနနှင့် ညှိနှိုင်း ဆောင်ရွက် သွားမည် ဖြစ်သည်။
''အယ်လ်နီညို ကြောင့် မြေအောက်ရေ Water Level တွေနိမ့်ကျပြီး ရေတွင်းများ ခန်းခြောက် နိုင်တဲ့အတွက် လျှပ်စစ် မြစ်ရေတင်နဲ့ ဆည်မြောင်း တွေကနေ စိုက်ပျိုးရေ လုံလောက်အောင် လွှတ်ပေးနိုင်မယ် ဆိုရင် Water Level နိမ့်ကျတာကို ကာကွယ်နိုင်ပြီး လူနဲ့တိရစ္ဆာ န် တွေအတွက် သောက်သုံးရေ လိုအပ်ချက် ကိုလည်း ဖြည့်ဆည်း ပေးပြီးသား ဖြစ်ပါလိမ့်မယ်။ သောက်သုံးရေ ရှားရင် နောက်ဆက်တွဲ က ကျန်းမာရေးနဲ့ လူမှုရေး ပြဿနာတွေ ဖြစ်လာ နိုင်ပါတယ်။ ဒါကြောင့် စိုက်ပျိုးရေ၊ ရေပေးစနစ် ကောင်းမွန်ဖို့ အတွက် တောင်သူတစ်ဦး နဲ့တစ်ဦးကြား ပူးပေါင်း ဆောင်ရွက်ဖို့ လိုအပ်ပါတယ် ' ဟု စိုက်ပျိုးရေး ကျွမ်းကျင်သူ တစ်ဦးက သုံးသပ် ပြောကြားသည်။
မြ၀တီနေ့စဉ် ၊ စာ(၂၃)
No comments:
Post a Comment