ရန်ကုန် ၊ ၁-၉-၂၀၁၄
မြန်မာ နိုင်ငံသား ကျောက်မျက် လုပ်ငန်းရှင် များကို မြန်မာ ကျပ်ငွေဖြင့် ရောင်းချမည့် ကျောက်မျက်ရိုင်း နှင့် ကျောက်စိမ်း အသားကျောက် များပြပွဲကို အောက်တိုဘာလ တွင် ကျင်းပ ပြုလုပ် သွားမည် ဖြစ်ကြောင်း သက်ဆိုင်ရာ မှ သိရသည်။
ကျောက်မျက် ပြပွဲတွင် တင်ပြ ရောင်းချမည့် ကျောက်မျက်များ ကို စစ်ဆေးခြင်း၊ လက်ခံခြင်း၊ အခြေခံ ရောင်းဈေး ညှိနှိုင်း သတ်မှတ်ခြင်း များကို စက်တင်ဘာ ၂၇ ရက်မှ အောက်တိုဘာ ၇ ရက်အထိ ဌာနနှင့် လုပ်ငန်းရှင် တို့ ညှိနှိုင်း ဆောင်ရွက် သွားမည် ဖြစ်ပြီး ပြပွဲကို အောက်တိုဘာ ၁၄ ရက်မှ ၁၈ ရက် အထိ နေပြည်တော် မဏိရတနာ ကျောက်စိမ်း ခန်းမ၌ ကျင်းပ ပြုလုပ်မည် ဖြစ်ကြောင်း သိရသည်။
မြန်မာ နိုင်ငံသား ကျောက်မျက် လုပ်ငန်းရှင် များကို မြန်မာ ကျပ်ငွေ ဖြင့် ရောင်းချမည့် ယခု ပြပွဲသည် ၂ဝ၁၄ ခုနှစ် အတွင်း ဒုတိယ အကြိမ်မြောက် ပြုလုပ်သည့် ပြပွဲဖြစ်ပြီး ဇန်နဝါရီ ပထမပတ် က တစ်ကြိမ် ပြုလုပ်ခဲ့ပြီး ဖြစ်သည်။ ပြီးခဲ့သည့် ပြပွဲတွင် ပြည်တွင်း အဆင့်နိမ့် အသားကျောက် ၂၈ဝဝ ကျော်ကို ပြသ ရောင်းချ ခဲ့သည်။
ယခု အောက်တိုဘာ တွင် ပြုလုပ်မည့် ပြပွဲတွင်မူ လုပ်ငန်းရှင်များ လာရောက် တင်ပြသည့် ကျောက်မျက် အရေအတွက် အတိုင်း ရောင်းချမည် ဖြစ်ပြီး အရိုင်း အဆင့်သာ အများဆုံး လာရောက် ပြသ နိုင်ကြောင်း မြန်မာ့ ကျောက်မျက် ရတနာ ရောင်းဝယ်ရေး လုပ်ငန်းပြပွဲ ကျင်းပရေး ကော်မတီမှ တာဝန်ရှိသူ တစ်ဦးက ပြောပြသည်။
ယူရိုငွေဖြင့် ပြသ ရောင်းချ ခဲ့သည့် (၅၁) ကြိမ်မြောက် ကျောက်မျက် ရတနာ ပြပွဲကို ပြီးခဲ့သည့် ဇွန်လလယ်က ကျင်းပပြီးစီး ခဲ့ပြီး အတွဲပေါင်း ၇ဝဝဝ ကျော် ပြသ ရောင်းချခဲ့ရာ ပြည်ပ ကုန်သည် ဦးရေ ၅ဝဝဝ ကျော် ဝင်ရောက်ခဲ့ပြီး ကျောက်မျက် အရိုင်း အများစုကို တရုတ် ကုန်သည် အချို့က မြန်မာ ကုန်သည် အချို့ထက် ဈေးပိုပေး ဝယ်ယူ ကြကြောင်း သိရသည်။
အိအိအောင်
#Yadanarpondaily
No comments:
Post a Comment