ရန်ကုန် ၊ ၂၅-၉-၂၀၁၃
မြန်မာနိုင်ငံ တွင် ပထမဆုံး ဖြစ်သည့်
ရဟတ်ယာဉ်ဖြင့် အရေးပေါ် လူနာ သယ်ဆောင်ခြင်း ( Air Ambulance ) စနစ်ကို ယခုနှစ် အတွင်း
စတင် ကျင့်သုံးမည် ဖြစ်ကြောင်း ၀ိတိုရိယ ဆေးရုံ၌ အခြေစိုက် ဖွင့်လှစ် ထားသော Leo
Medical Care မှ ဒေါက်တာ သီဟ က ပြောကြား ခဲ့ကြောင်း သိရသည်။
အဆိုပါ Air Ambulance လိုင်းတွင် လေယာဉ်
တစ်စင်း ၊ ရဟတ်ယာဉ် တစ်စင်း ထားရှိမည် ဖြစ်ပြီး အခင်း ဖြစ်ပွားရာ နေရာမှ လူနာများကို
ရဟတ်ယာဉ် ၊ လေယာဉ် တို့ဖြင့် လိုက်လံ ကောက်ယူခြင်း ၊ ဆေးရုံ တစ်ခုမှ တစ်ခုသို့ ရွှေ့ပြောင်းခြင်း
၊ ပြည်တွင်း မှတစ်ဆင့် ပြည်ပ ဆေးရုံများသို့ ပြောင်းရွှေ့ခြင်း များကို ဆောင်ရွက် ပေးမည်
ဖြစ်ပြီး ၊ လေယာဉ် ပေါ်တွင် အရေးပေါ် နှလုံးနှိုးဆွစက် ၊ ချွဲစုတ်စက် ၊ အောက်စီဂျင် စသည့်
ကိရိယာ များအပြင် ACLS , ITLS လက်မှတ်ရ ဆရာဝန် များနှင့် သူနာပြုများ ပါရှိမည် ဖြစ်သည်။
မြန်မာနိုင်ငံ မှ အိမ်ရှင် အဖြစ် ကျင်းပမည့် ဆီးဂိမ်း ပြိုင်ပွဲတွင် ယင်း Air
Ambulance ရဟတ်ယာဉ် တစ်စင်းကို ထားရှိ နိုင်ရေး သက်ဆိုင်ရာ တာဝန်ရှိ သူများနှင့် သီးခြား
ညှိနှိုင်းလျက် ရှိကြောင်းလည်း သိရှိရသည်။
No comments:
Post a Comment