၃၀-၁-၂၀၁၃
အမေရိကန် စစ်ဘက်သည် နိုင်ဂျာ နိုင်ငံတွင်
မောင်းသူမဲ့ လေယာဉ် အခြေစိုက် စခန်းသစ် တစ်ခု ထားရှိရန် စီစဉ်လျက် ရှိကြောင်း နှင့်
ထိုကဲ့သို့ စီစဉ်မှုသည် မာလီ နိုင်ငံရှိ အယ်လ်ကိုင်ဒါ စစ်သွေးကြွ များကို တိုက်ခိုက်
လျက်ရှိသော ပြင်သစ် စစ်ဘက်အား အကူအညီ ပေးရန်နှင့် အယ်လ်ကိုင်ဒါ စစ်သွေးကြွ များ၏ ကွန်ရက်ကို
ခြေရာခံ ထောက်လှမ်းရန် ကြိုးပမ်းခြင်း ဖြစ်ကြောင်း အမေရိကန် စစ်ဘက် မှ အဆင့်မြင့် တာဝန်ရှိသူ
များက Fox သတင်း ဌာနအား အတည်ပြု ပြောကြား ခဲ့သည်ဟု Newsnow သတင်း တစ်ပုဒ် အရ သိရသည်။
ထို့အပြင် အဆိုပါ စီစဉ်မှုသည် မာလီ နိုင်ငံတွင်
သူပုန် များကို တိုက်ခိုက် နေသော ပြင်သစ် တပ်ဖွဲ့ဝင်များအား ထောက်ပံ့ ကူညီမှုများ တိုးမြှင့်
ပေးအပ်လျက် ရှိစဉ် ပေါ်ထွက် လာခြင်း ဖြစ်သည်။ မာလီ နိုင်ငံတွင် အမေရိကန် နိုင်ငံ၏ မောင်းသူမဲ့
လေယာဉ် အခြေစိုက် စခန်း ထားရှိခြင်းဖြင့် ပြင်သစ် တပ်ဖွဲ့ဝင် များ၏ စောင့်ကြည့် ထောက်လှမ်းရေး
လုပ်ငန်းစဉ် အား အကူအညီ ပေးနိုင်မည် ဖြစ်သည်။ ၄င်း အစီအစဉ် သည် လက်ရှိတွင် စီစဉ်နေသည့်
အဆင့်တွင် သာ ရှိသေးကြောင်း နှင့် ပင်တဂွန် ၊ အိမ်ဖြူတော် (သို့မဟုတ်) နိုင်ဂျာ နိုင်ငံတို့
ဘက်မှ တရားဝင် အတည်ပြုခြင်း မရှိသေးကြောင်း သိရသည်။
သို့ရာတွင် နိုင်ဂျာနိုင်ငံ သည် အမေရိကန်
နိုင်ငံနှင့် ခိုင်မာသော မိတ်ဖက် ဆက်ဆံမှုများ ရှိပြီး စစ်ရေးဆိုင်ရာ နီးကပ်သော ဆက်ဆံရေး
များလည်း ရှိကြောင်း အမေရိကန် တာဝန်ရှိသူ များက အဆိုပါ သတင်းဌာန အား ပြောကြား ခဲ့သည်။
အမေရိကန် နှင့် နိုင်ဂျာ တို့သည် ဇန်န၀ါရီ ၂၈ ရက်နေ့တွင် နိုင်ဂျာ နိုင်ငံတွင် စစ်ရေး
ပူးပေါင်း ဆောင်ရွက်ရေး ဆိုင်ရာ အခြေခံ အုတ်မြစ် ဖြစ်လာမည့် တပ်ဖွဲ့ဝင် များဆိုင်ရာ
သဘောတူ ညီချက် တစ်ရပ်ကို လက်မှတ် ရေးထိုး ခဲ့ကြောင်းနှင့် အဆိုပါ သဘောတူညီ ချက်သည်
မောင်းသူမဲ့ လေယာဉ် အခြေစိုက် စခန်းသစ် ထားရှိရေး စီစဉ်နေမှု အတွက် အဓိက ကျသည့် ခြေလှမ်း
တစ်ရပ် ဖြစ်လာ နိုင်ကြောင်း သိရှိရသည်။
No comments:
Post a Comment