၃၀-၁-၂၀၁၃
ထိုင်းကြည်းတပ် ဦးစီးချုပ် ဗိုလ်ချုပ်ကြီး
ပရာယုဒ် ချန်ခိုချာ သည် မွတ်ဆလင် လူမျိုး အများစု နေထိုင်ပြီး မငြိမ်မသက် ဖြစ်လျက်
ရှိသည့် နိုင်ငံတောင်ပိုင်း ပြည်နယ် များတွင် လုံခြုံရေး တိုးမြှင့် ဆောင်ရွက် နေစဉ်
နာရာသီဝပ် ပြည်နယ် သို့ အလည်အပတ် ခရီး ရောက်ရှိခဲ့ပြီး ကျောင်းပေါင်း ၃၀၀ ကျော် ကို
ဇန်န၀ါရီ ၂၈ ရက်နေ့က ပြန်လည် ဖွင့်လှစ် ပေးခဲ့ပြီးနောက် ဆရာ - ဆရာမ များနှင့် ကျောင်းသား
- ကျောင်းသူ များ၏ စိတ်ဓာတ် ရေးရာကို မြှင့်တင် ပေးခဲ့ကြောင်း ဇန်န၀ါရီ ၂၉ ရက်နေ့
Newsnow သတင်း တစ်ပုဒ် အရ သိရသည်။
လုံခြုံရေး စီမံ ဆောင်ရွက်မှု များကို
တင်းတင်း ကျပ်ကျပ် လုပ်ဆောင်ရန် နှင့် အနာဂတ် ကာလတွင် နာရာသီဝပ် ပြည်နယ်၌ ငြိမ်းချမ်းမှု
ရှိစေရေး ဖော်ဆောင် သွားရန် ဗိုလ်ချုပ်ကြီး ပရာယုဒ် ချန်ခိုချာ က လုံခြုံရေး အဖွဲ့အစည်း
များအားလုံးကို ညွှန်ကြား ခဲ့သည်။ ထို့အပြင် အဆိုပါ တောင်ပိုင်းစွန်း ဒေသရှိ အကြမ်းဖက်မှု
များအား ကိုယ်တွယ် ဖြေရှင်း ရာတွင် အကူအညီ ပေးသည့် အနေဖြင့် သံသယ ရှိသော မည်သည့် လှုပ်ရှား
ဆောင်ရွက်မှု မျိုးကိုမဆို စောင့်ကြည့်၍ အာဏာပိုင် များထံသို့ အကြောင်းကြား ပေးရန် ဗိုလ်ချုပ်ကြီး
ပရာယုဒ် ချန်ခိုချာ က ပြည်သူများကို တိုက်တွန်း ပြောကြား ခဲ့သည်။ ဆရာ - ဆရာမ များ၏
ဘေးကင်း လုံခြုံရေး နှင့် ပတ်သက်၍ စိုးရိမ် ပူပန်နေစဉ် နာရာသီဝပ် ပြည်နယ်ရှိ ကျောင်းဆရာ
တစ်ဦး လွန်ခဲ့သော ရက်သတ္တပတ်က ကျောင်းသားများ ရှေ့၌ သေနတ်ဖြင့် ပစ်သတ်ခံ ရမှုကြောင့်
နာရာသီဝပ် ပြည်နယ် ဆရာများ အဖွဲ့က ပြည်နယ် တစ်ဝန်းရှိ ကျောင်းပေါင်း ၃၀၀ ကျော်ကို ပိတ်သိမ်း
ခဲ့ကြောင်း သိရှိရသည်။
No comments:
Post a Comment