ဖွဲ့စည်းပုံ အခြေခံဥပဒေ (၂ဝဝ၈ ခုနှစ်) ပြင်ဆင်ရေးအတွက် ကော်မတီတစ်ရပ် ဖွဲ့စည်းရန် အရေးကြီးအဆို တင်သွင်းခြင်းသည် ဥပဒေ၊ နည်းဥပဒေ လုပ်ထုံးလုပ်နည်း လွဲမှား နေခြင်းကြောင့် ကန့်ကွက်ခဲ့ခြင်းဖြစ်

-

နေပြည်တော်  ဇန်နဝါရီ  ၂၉ 

-

ယနေ့ကျင်းပသည့် ပြည်ထောင်စုလွှတ်တော် ဒုတိယပုံမှန် အစည်းအဝေး တတိယနေ့တွင် ပြည်ထောင်စုလွှတ်တော် နာယက ဦးတီခွန်မြတ်က အရေးကြီး အဆိုတစ်ရပ်  တင်သွင်းထားကြောင်းလွှတ်တော်အစည်းအဝေး ခေတ္တ နားပြီး ပြန်လည်ကျင်းပချိန်၌  ကြားဖြတ် ကြေညာခဲ့သည်။

-

ယင်းအဆိုမှာ မကွေးတိုင်းဒေသကြီး မဲဆန္ဒနယ်အမှတ်(၄)မှ ပြည်ထောင်စု လွှတ်တော် ကိုယ်စားလှယ် ဦးအောင်ကြည်ညွန့်က ပြည်ထောင်စုသမ္မတ မြန်မာနိုင်ငံ ဖွဲ့စည်းပုံ အခြေခံဥပဒေ (၂ဝဝ၈ ခုနှစ်) ပြင်ဆင်ရေး လုပ်ငန်း များကို ဆောလျင်စွာ ဆောင်ရွက်နိုင်ရေး အတွက် ဖွဲ့စည်းပုံ အခြေခံဥပဒေ ပြင်ဆင်ရေး ပူးပေါင်းကော်မတီ တစ်ရပ်ကိုသင့်လျော်သည့် ပြည်ထောင်စုလွှတ်တော်ကိုယ်စားလှယ်များဖြင့် ဖွဲ့စည်းရန် ပြည်ထောင်စုလွှတ်တော်သို့ တိုက်တွန်းကြောင်း အဆိုဖြစ်သည်ဟု နာယက ကပြောသည်။

-

ယင်းအပေါ် တပ်မတော်သား လွှတ်တော်ကိုယ်စားလှယ် ဗိုလ်မှူးချုပ် မောင်မောင်က ဖွဲ့စည်းပုံ ပြင်ဆင်ရေးအတွက် ယခုလို ကော်မတီတစ်ရပ် ဖွဲ့စည်းရန် တင်သွင်းခြင်းသည် ဥပဒေ၊ နည်းဥပဒေလုပ်ထုံးလုပ်နည်း လွဲမှားနေခြင်းကြောင့် ကန့်ကွက်ခဲ့ခြင်း ဖြစ်ကြောင်း ပြောကြားသည်။ ''ကော်မတီဖွဲ့တဲ့အတွက် လုပ်ထုံးလုပ်နည်းတွေ မညီလို့  ကန့်ကွက်ရတာပါ။ အဲဒါကြောင့် လုပ်ထုံးလုပ်နည်းနဲ့လုပ်စေချင်လို့ ထောက်ပြတာဖြစ်ပါတယ်။ ပုဒ်မနံပါတ်တွေနဲ့ ပတ်သက်လို့ကတော့ လက်ရှိ သီးခြား ပြောစရာမရှိပါဘူး။ ပြင်ဆင်ချက် တင်ပြလာတော့မှသာ ဝိုင်းဝန်း ဆွေးနွေးသွားမှာဖြစ်ပါတယ်''ဟု ၎င်းကပြောသည်။

-

ထို့ပြင် ''အခု ကန့်ကွက်နေတယ်ဆိုတာဟာ အဆိုတင်တာကို ကန့်ကွက်တာ မဟုတ်ဘူး။ လုပ်ထုံးလုပ်နည်းနဲ့ မညီဘဲနဲ့ ဥပဒေမူကြမ်း  တင်ရမယ့်ကိစ္စကို မတင်ဘဲနဲ့ ကော်မတီစဖွဲ့လို့ လုပ်ထုံးလုပ်နည်းနဲ့လွဲနေတာကို ပြောတာဖြစ်ပါတယ်။ တပ်မတော်ဘက်က ဖွဲ့စည်းပုံ အခြေခံဥပဒေ ပြင်ဆင်ရေးအတွက် ကန့်ကွက်ဖို့ မရှိပါဘူး။  ပြင်ဖို့အတွက် ကျွန်တော်တို့အနေနဲ့ လက်ခံပါတယ်။ လုပ်ထုံးလုပ်နည်းနဲ့အညီ လုပ်ဖို့ပဲ တင်ပြတာ၊ တောင်းဆို တာဖြစ်ပါတယ်'' ဟု မီဒီယာများအား ဖြေကြားခဲ့သည်။

-

အဆိုပါ အရေးကြီးအဆိုကို  လွှတ်တော်အစည်းအဝေး၏  ပုံမှန်အစီအစဉ်များ အပြီးတွင် တင်သွင်းရာ တပ်မတော်သားလွှတ်တော်ကိုယ်စားလှယ်များကကန့်ကွက်ခဲ့သဖြင့် မဲခွဲဆုံးဖြတ်ရာ ထောက်ခံဆန္ဒမဲများသောကြောင့် အဆိုကို လွှတ်တော်တွင် လက်ခံ ဆွေးနွေးမည်ဖြစ်ကြောင်း လွှတ်တော်နာယက က ကြေညာသည်။

-

လွှတ်တော်အစည်းအဝေး အပြီးတွင် ကန့်ကွက်ခဲ့သည့် အကြောင်းနှင့် စပ်လျဉ်း၍ ဗိုလ်မှူးချုပ်မောင်မောင်က  မီဒီယာများကို ဖြေကြားခဲ့ရာတွင် ''ကျွန်တော်တို့က ဥပဒေအတိုင်း လုပ်ပါလို့ပြောတာပါ။ ဥပဒေကို ကျော်လွန်ပြီး လုပ်နေပြီးတော့  အဆိုကို  မဲခွဲဆုံးဖြတ်ကာ အဆိုအတည်ဖြစ်ကြောင်း လုပ်သွားတာ၊ မဲခွဲဆုံးဖြတ်ရမယ့် ကိစ္စမဟုတ်ပါဘူးလို့ ပြောတာပါ။ ပြောရဲ့သားနဲ့ ဆက်လုပ်တဲ့အတွက်လုံးဝ သဘောမတူတဲ့အတွက် မတ်တတ်ရပ် ကန့်ကွက်ခဲ့ခြင်း ဖြစ်ပါတယ်'' ဟု ပြောသည်။

-

#မြ၀တီနေ့စဉ်သတင်းစာ