-
နေပြည်တော် ဇန်နဝါရီ ၁၄
-
တပ်မတော်နယ်လှည့်အထူးကုဆေးအဖွဲ့သည် တပ်မတော်မြစ်တွင်းသွား ဆေးရုံရေယာဉ် (ရွှေပုဇွန်)နှင့် မြစ်ရေ ယာဉ် (စကု)တို့ ဖြင့် ဧရာဝတီတိုင်းဒေသကြီးအတွင်း ဧရာဝတီ မြစ်ကြောင်းတစ်လျှောက်ရှိ ကျေးရွာများမှ ဒေသခံ ပြည်သူများအား ဇန်နဝါရီ ၁ ရက်မှ စ၍ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးခဲ့ပြီး ယနေ့ နံနက်ပိုင်းတွင် ရန်ကုန်မြို့၊ အမှတ်(၄)ရေတပ်ဗောတံတားသို့ ပြန်လည်ရောက်ရှိလာရာ တပ်မတော်(ရေ)မှ အရာရှိ ကြီး များနှင့် အရာရှိ၊ စစ်သည်၊ မိသားစုများက ကြိုဆိုနှုတ်ဆက်ကြသည်။
-
ဧရာဝတီတိုင်း ဒေသကြီးအတွင်း ဧရာဝတီ မြစ်ကြောင်းတစ်လျှောက်ရှိ ကျေးရွာများမှ ဒေသခံပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးမှု အနေဖြင့် ဆေးကုသမှုဆိုင်ရာ ရောဂါ ၁၈၈၁ဦး၊ ခွဲစိတ်ရောဂါ ၈ဝ၉ ဦး၊ ကလေးရောဂါ ၈၄၄ ဦး၊ သားဖွား/မီးယပ်ရောဂါ ၅၁၃ ဦး၊ အရိုးရောဂါ ၁၃၉ဝ ဦး၊ နား/နှာခေါင်း/ လည်ချောင်းရောဂါ ၅၁၉ ဦး၊ မျက်စိရောဂါ ၁၈၁၁ ဦးနှင့် သွားရောဂါ ၁ဝဝ၅ ဦး၊ စုစုပေါင်း ဒေသခံ ပြည်သူ ၈၇၇၂ ဦးတို့ကို လိုအပ်သည့် ဆေးဝါးကုသမှုများဆောင်ရွက်ပေးနိုင်ခဲ့ပြီး ၎င်းတို့အနက် မျက်စိခွဲစိတ်လူနာ ၁၂၇ ဦး နှင့် အထွေထွေခွဲစိတ်လူနာ ၂၆၂ ဦးတို့ကို ဆေးရုံရေယာဉ်ပေါ်တွင် ခွဲစိတ်ကုသမှုများ ဆောင်ရွက်ပေးခဲ့သည်။
-
-
ထို့ပြင် ဓာတ်မှန်ရိုက် လူနာ ၂၃၁ဦး၊ ဓာတ်ခွဲစမ်းသပ် လူနာ ၄၈၅ဦး၊ ECG နှလုံး စမ်းသပ်လူနာ ၅၃၇ဦးနှင့် တယ်လီ ဗေးရှင်း ဓာတ်မှန်ရိုက်လူနာ ၃၃၅ ဦးတို့ကို ရောဂါ ရှာဖွေစမ်းသပ်ခြင်းများ ဆောင်ရွက်ပေးနိုင်ခဲ့ပြီး ဆေးရုံရေယာဉ် ပေါ်ရှိ သားဖွားခန်း၌ ကိုယ်ဝန်ဆောင် မိခင်တစ်ဦးအား အောင်မြင်စွာ ခွဲစိတ်မွေးဖွား ပေးနိုင်ခဲ့သည့် အပြင် ဆေးရုံ တက်ရောက်ကုသရန် လိုအပ်သော လူနာ ၂၃ ဦးတို့အား ရန်ကုန်မြို့ရှိ တပ်မတော် ဆေးရုံများသို့ တက်ရောက် ကုသနိုင်ရေး စီစဉ်ဆောင်ရွက်ပေးနိုင်ခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ
No comments:
Post a Comment