တီးတိန်မြို့ထွက် ရွှေဖီရွက်သစ်လက်ဖက်ခြောက်များ ကလေးမြို့ဈေးကွက်သို့ ပိဿာချိန် ထောင်ချီတင်ပို့ရောင်းချနေရ

-

တီးတိန် ဒီဇင်ဘာ ၂၆ 

-

ချင်းပြည်နယ် တီးတိန်မြို့နယ်အတွင်း စိုက်ပျိုးသည့် လက်ဖက်ခင်းမှ လဖက်ခြောက်များ နိုင်ဝင်ဘာလဆန်းပိုင်းက စတင်၍ လှိုင်လှိုင်ထွက်ရှိနေပြီး ကလေးမြို့မဈေးကွက်သို့ ရွှေဖီ-ရွက်သစ်လဖက်ခြောက်ပိဿာချိန် ထောင်ချီတင်ပို့ရောင်းချနေပြီ ဖြစ်ကြောင်း သိရသည်။ 

-

ချင်းတောင်လက်ဖက်ခြောက်ကို တီးတိန်မြို့နယ် မွာလ်ဇန်၊ ထန်စန်၊ တွီးဗျားလ်၊ ဒေါလ်လွင်၊ ဆွောင်းဒေါ့ ကျေးရွာတို့၌ လက်ဖက်ပင် စိုက်ပျိုးမှုများပြားပြီး နှစ်စဉ်ကလေးဒေသသို့ လက် ဖက်ခြောက်ပိဿာချိန် ထောင်ချီတင်ပို့ ရောင်းချမှုရှိရာ ကလေးမြို့နယ် ရှားဖို၊ ကျောက်ပြုတ်၊ တင်သား၊ ကံပုလဲ၊ ကျောင်းတိုက်၊ ဆည်တော်ဦး ကျေးရွာနှင့် ကလေးဈေးကွက်မှတစ်ဆင့် ပခုက္ကူ၊ မုံရွာနှင့် ဂန့်ဂေါနယ် နှမ်းခါး၊ မွေ့လယ်ကျေးရွာတို့သို့ တင်ပို့ရောင်းချကြကာ ယခုရက် ပိုင်း ချင်းတောင်ထွက် ရွှေဖီ-ရွက်သစ်လက်ဖက်ခြောက် တစ်ပိဿာလျှင် ၅၅ဝဝ ကျပ်၊ လက် ဖက် အဖန်လှော်ခြောက် ၁ဝဝဝဝ ကျပ၊် လက်ဖက်အချို ၆ဝဝဝ ကျပ် ပေါက်ဈေးရှိသည်။ 

-

''တီးတိန်မြို့နယ်ထဲမှာ အရင်ကလက်ဖက် စိုက်ခင်း ဧကသောင်းချီ ရှိခဲ့ပါတယ်။ ဒါပေမဲ့ အခက် အခဲ အမျိုးမျိုးတွေကြောင့် အခုတော့ ဧကထောင်ချီလောက်ပဲ ရှိပါတော့တယ်။ ဖလမ်း၊ ဟားခါး၊ မင်းတပ် ဒေသတွေမှာလည်း လက်ဖက် စိုက်မျိုးထုတ်လုပ်မှု ရှိတော့ရှိတယ်။ လက် ဖက်အချိုအခြောက် လုပ်ငန်းနဲ့ လက်ဖက်စို လုပ်ငန်းကတော့ နည်းပညာ လိုအပ်ချက်အရ ထုတ်လုပ်ရောင်းချမှု နည်းပါးပါသေးတယ်။ လက်ဖက်ကို မတ် ၁ဝ ရက်နဲ့ ဧပြီ၁ဝ ရက်အတွင်း ခူးရင် အကောင်းဆုံးဖြစ်ပါတယ်''ဟု ဆွောင်းဒေါ့ကျေးရွာ လက်ဖက် စိုက်ခင်းပိုင်ရှင်က ပြောသည်။ 

-

ချင်းပြည်နယ်ကို လက်ဖက်ပြည်နယ်ဟု စီမံကိန်းတစ်ရပ်အဖြစ် တွန်းအားပေး အကောင် အထည်ဖော် ဆောင်ရွက်ခဲ့သော်လည်း နည်းပညာပိုင်းဆိုင်ရာ အလိုအပ်ချက်များ၊ လက်ဖက် ခြံပြုပြင်ရေးနှင့်ထွက်ရှိလာသည့် လက်ဖက်ရောင်းချရေး အခက်အခဲများ၊ ငွေပင်ငွေရင်း လိုအပ်ချက်များနှင့် ဈေးကွက် လိုအပ်ချက်များကြောင့် လက်ဖက်စိုက် တောင်သူတို့မှာ အခက်အခဲမျိုးစုံ ကြုံတွေ့ခဲ့ပြီး တီးတိန်မြို့နယ်၌သာလက်ဖက်ခြောက် အများဆုံး အောင်မြင် ဖြစ်ထွန်းခဲ့ကြောင်း သိရသည်။ 

-

ထယ်လ်ဏ

-

#မြ၀တီနေ့စဉ်သတင်းစာ