နေပြည်တော်၊ အောက်တိုဘာ - ၃၁
-
မြန်မာနိုင်ငံစစ်မှုထမ်းဟောင်း အဖွဲ့သည် တပ်မတော်၏ ကာကွယ်ရေးအရန် အင်အားစုကြီး ဖြစ်သည်နှင့် အညီ စနစ်တကျဖွဲ့စည်း တည်ဆောက်ထားသည့် အဖွဲ့အစည်း တစ်ခုဖြစ်ကြောင်း၊ တပ်မတော်၌ တာဝန်ထမ်းဆောင်စဉ်ကလည်း ပေးအပ်သည့် တာဝန်များကို ကျေပွန်စွာထမ်းဆောင်ခဲ့ကြသကဲ့သို့ တပ်မတော်မှ အငြိမ်းစားယူခဲ့ကြသော်လည်း Once a soldier always a soldier "တစ်ခါ စစ်သားဖြစ်ခဲ့ဖူးပါက အမြဲတမ်းစစ်သားပဲ" ဆိုသည့် စကားအတိုင်း မိမိတို့အနေဖြင့် တပ်မတော်၏ လမ်းညွှန်မှုများကို ခံယူပြီး ပေးအပ်သည့် တာဝန်များကို နိုးကြားတက်ကြွစွာ ထမ်းဆောင် ကြရမှာဖြစ်ကြောင်း၊ အချိန်ကာလအလျောက် အသက်အရွယ်များ ကြီးရင့်လာသော်လည်း မိမိတို့၏ အမျိုးသားရေးနှင့် မျိုးချစ်စိတ်ဓာတ်များ ထာဝစဉ်ရှင်သန်လျက်ရှိရန် အထူးလိုအပ်ကြောင်းဖြင့် မြန်မာနိုင်ငံစစ်မှုထမ်းဟောင်း အဖွဲ့ နာယက၊ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယနေ့နံနက်ပိုင်းတွင် နေပြည်တော် ကောင်စီနယ်မြေ၊ ဒက္ခိဏသီရိမြို့နယ်၊ မြန်မာနိုင်ငံစစ်မှုထမ်းဟောင်းအဖွဲ့ ဗဟိုဌာနချုပ်ရှိ ညီလာခံခန်းမ၌ ကျင်းပပြုလုပ်သည့် မြန်မာနိုင်ငံ စစ်မှုထမ်းဟောင်းအဖွဲ့ အထူးညီလာခံ(၂၀၁၈) ဒုတိယနေ့ အစည်းအဝေးသို့ တက်ရောက်မိန့်ခွန်း ပြောကြားရာတွင် ထည့်သွင်းပြောကြားသည်။
-
အဆိုပါအစည်းအဝေးသို့ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်း၊ ပြည်ထောင်စုဝန်ကြီးများ ဖြစ်ကြသည့် ဒုတိယဗိုလ်ချုပ်ကြီး စိန်ဝင်း၊ ဒုတိယဗိုလ်ချုပ်ကြီး ရဲအောင်၊ ညှိနှိုင်းကွပ်ကဲရေးမှူး (ကြည်း၊ရေ၊လေ)ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေးဦးစီးချုပ် (လေ)ဗိုလ်ချုပ်ကြီး မောင်မောင်ကျော်၊ ကာကွယ်ရေးဦးစီးချုပ်ရုံးမှ တပ်မတော် အရာရှိကြီးများ၊ မြန်မာနိုင်ငံစစ်မှုထမ်း ဟောင်းအဖွဲ့ ဗဟိုအမှုဆောင် အဖွဲ့ဥက္ကဋ္ဌ ဗိုလ်ချုပ် မြ၀င်း(အငြိမ်းစား) နှင့်အဖွဲ့ဝင်များ၊ နေပြည်တော် တိုင်းစစ်ဌာနချုပ်တိုင်းမှူး၊ မြန်မာနိုင်ငံစစ်မှု ထမ်းဟောင်းအဖွဲ့အထူး ညီလာခံ(၂၀၁၈)သို့ တက်ရောက် လာကြသည့် စစ်မှုထမ်းဟောင်း ကြီးကြပ်ရေးအဖွဲ့ ဥက္ကဋ္ဌများနှင့် ညီလာခံကိုယ်စားလှယ်များ၊ ဖိတ်ကြားထားသည့် ဧည့်သည်တော်များ တက်ရောက် ကြသည်။
-
ဦးစွာ မြန်မာနိုင်ငံစစ်မှုထမ်းဟောင်း အဖွဲ့နာယက တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က မိန့်ခွန်းပြောကြားရာတွင် ယနေ့ တပ်မတော်သည် နိုင်ငံတော်၏အခိုင်အမာဆုံး သောအဖွဲ့အစည်း တစ်ခုဖြစ်သကဲ့သို့ စစ်မှုထမ်းဟောင်း အဖွဲ့သည်လည်း ကာကွယ်ရေးအရန် အင်အားစုဖြစ်သည်နှင့်အညီ အတွေ့အကြုံ ရင့်ကျက်သူများ၊ နိုင်ငံတော်နှင့်ပြည်သူလူထုအပေါ် ခိုင်မာသည့်စိတ်ရင်း စေတနာကောင်းများရှိပြီး ဖြစ်သူများဖြင့် ဖွဲ့စည်းထားသည့် အဖွဲ့အစည်း တစ်ခုဖြစ်ကြောင်း၊ ကမ္ဘာ့နိုင်ငံ အသီးသီးတွင် တိုင်းပြည်ကို ကာကွယ်စောင့်ရှောက်သည့် တပ်မတော် တစ်ရပ် ရှိသကဲ့သို့ အကြောင်းအမျိုးမျိုးဖြင့် တပ်မတော် တာဝန်များ ပြီးဆုံးကြချိန်တွင် စစ်မှုထမ်း ဟောင်းများလည်း ရှိကြမြဲဖြစ်ကြောင်း၊ ကာကွယ်ရေးအရန် အင်အားစုကို တည်ဆောက်ရာတွင် စစ်မှုရေးရာ အတတ်ပညာနှင့် စစ်ရေးအမြင်ရှိမှု၊ အမိန့်နာခံတတ်မှုများ ပြည့်ဝပြီးဖြစ်သည့် စစ်မှုထမ်း ဟောင်းများဖြင့် သန္ဓေတည်တည်ဆောက်ရမှာ ဖြစ်ကြောင်း၊ တစ်နည်းအားဖြင့် စစ်မှုထမ်းဟောင်း အဖွဲ့ဆိုသည်မှာ ကာကွယ်ရေးအတွက် အပျော်တမ်းဖွဲ့စည်းထားသည့် အဖွဲ့အစည်း မဟုတ်ဘဲ နိုင်ငံတော်ကာကွယ်ရေးအတွက် တရားဝင် ဖွဲ့စည်းထားသည့် နိုင်ငံတော်နှင့် တပ်မတော်အတွက် အားထားရသည့် အဖွဲ့အစည်းပင် ဖြစ်ကြောင်း ပြောကြားသည်။
-
ထို့နောက် စစ်မှုထမ်းဟောင်းအဖွဲ့ဆိုသည်မှာ တပ်မတော်တွင် သက်ပြည့်ဖြင့် တာဝန်များ ထမ်းဆောင်ပြီး၍သော်လည်းကောင်း၊ ကျန်းမာရေးကြောင့် သော်လည်းကောင်း အသီးသီးပါဝင် စစ်မှုထမ်းဆောင်ခဲ့ကြသည့် ပုဂ္ဂိုလ်များဖြင့်ဖွဲ့စည်းထားရှိခြင်းဖြစ်ပြီး တပ်မတော်၌ တာဝန် ထမ်းဆောင်စဉ်က အတိုင်း ပေးအပ်သည့် တာဝန်များကို စစ်သားကောင်းပီသစွာဖြင့် ပခုံးပြောင်းယူခဲ့၊ ဆက်လက်တာဝန် ထမ်းဆောင်ခဲ့ကြသူများဖြစ်ကြောင်း၊ ပခုံးပြောင်းတာဝန်များကို ဆက်လက် ထမ်းဆောင်ကြမည့်သူများကလည်း ၂၀၁၆ ခုနှစ်တွင်ကျင်းပခဲ့သည့် မြန်မာနိုင်ငံစစ်မှုထမ်းဟောင်း ညီလာခံကချမှတ်ထားသော ရှေ့လုပ်ငန်းစဉ်(၇) ရပ်နှင့် အတူပေးအပ်လာသည့် မိမိတို့၏ တာဝန်များကို ကျေပွန်စွာ ထမ်းဆောင်ကြရန် မှာကြားလိုကြောင်း၊ ချမှတ်ခဲ့သည့် ရှေ့လုပ်ငန်းစဉ်များကို အကောင် အထည်ဖော်ဆောင်ရွက်နိုင်ရန် ဗဟိုအမှုဆောင် အဖွဲ့အနေဖြင့် ဆောင်ရွက် နေဆဲဖြစ်သည့် ကာလတို လုပ်ငန်း၊ ကြားကာလလုပ်ငန်း၊ ရေရှည်လုပ်ငန်းတို့ကို စနစ်တကျလွှဲပြောင်းလက်ခံပြီးဖြစ်သဖြင့် အောင်မြင်အောင်ဆက်လက် အကောင် အထည်ဖော်ကြရန်မှာ ကြားလိုကြောင်း၊ ပေးအပ်လာသည့် တာဝန်များကို ကျေပွန်စွာ ထမ်းဆောင်နိုင်ခြင်းသည် စစ်သားကောင်း တစ်ယောက်အတွက် ဂုဏ်ဒြပ်ဖြစ်သကဲ့သို့ မိမိတို့တပ်မတော်နှင့် နိုင်ငံတော်အတွက် အကောင်းဆုံးသော သက်ရောက်မှုကို ဖြစ်စေ ကြောင်း၊ ထို့ကြောင့်မိမိတို့အပေါ် ပေးအပ်လာသည့် တာဝန်များကို ကျေပွန်အောင် ထမ်းဆောင်ကြရန်နှင့် ပခုံးပြောင်းတာဝန်များကို လွှဲပြောင်းယူကြမည့် စစ်မှုထမ်းဟောင်း အဖွဲ့ဝင်များ အနေဖြင့်လည်း ပိုမိုကျစ်လျစ်ခိုင်မာသည့် စည်းလုံးညီညွတ်မှုကို တည်ဆောက် နိုင်ရန်လိုအပ်ကြောင်း၊ သို့မှသာ ကာကွယ်ရေး အရန်အ င်အားဖြစ်သည့် စစ်မှုထမ်းဟောင်း အဖွဲ့ဆိုတာ အစဉ်တည်တံ့နေမှာပဲ ဖြစ်ကြောင်း ပြောကြားသည်။
-
ဆက်လက်ပြီး တပ်မတော်သည်ပြည်သူကပေါက်ဖွားလာသည့် တပ်မတော် ဖြစ်သည်နှင့်အညီ ပြည်သူနှင့်တစ်သားတည်းရှိနေရန်လိုအပ်ကြောင်း၊ တပ်မတော်သည် နိုင်ငံတော်ကိုကိုယ်စားပြု သကဲ့သို့ မြန်မာနိုင်ငံစစ်မှုထမ်းဟောင်းအဖွဲ့သည်လည်း ပြည်သူများနှင့် အမြဲထိတွေ့မှု ရှိနေသည့် အတွက် တပ်မတော်နှင့် ပြည်သူအကြား ပေါင်းကူး တံတားသဖွယ် ဆောင်ရွက်သွားရမှာဖြစ်ကြောင်း၊ အမျိုးသားရေး တာဝန်ဖြစ်သည့် ဒို့တာဝန် အရေးသုံးပါးကို ထိပါးစေမယ့် အပြောအဆိုအပြုအမူများကို သတိပြုကြရန်နှင့် မိမိ၏ အပြုအမူ အပြောအဆိုသည် မိမိအဖွဲ့အစည်းနှင့် တစ်ဆက်တစ်စပ်တည်း ဖြစ်သည့် တပ်မတော်ကိုပါ တိုက်ရိုက် အကျိုးသက်ရောက်မှု ရှိစေသည်ကိုလည်း နှလုံးသွင်း ထားကြရန် လိုအပ်ကြောင်း၊ မိမိတို့နိုင်ငံသည် လွတ်လပ်ပြီး အချုပ်အခြာအာဏာပိုင် သည့် နိုင်ငံတစ်ခုဖြစ် ကြောင်း၊ ယခုအခါ ပြည်သူ့ဆန္ဒနဲ့ အညီ ခေတ်မီဖွံ့ဖြိုးတိုးတက်သည့် ပါတီစုံ ဒီမိုကရေစီနိုင်ငံအဖြစ် လျှောက်လှမ်းလျက်ရှိရာတွင် တပ်မတော်အနေဖြင့် တစ်တပ်တစ်အား ပူးပေါင်းပါဝင်လျက်ရှိကြောင်း၊ ထိုသို့လျှောက်လှမ်းရာတွင် ၂၀၀၈ ခုနှစ် နိုင်ငံတော်ဖွဲ့စည်းပုံ အခြေခံဥပဒေပုဒ်မ ၄၁ ပြဋ္ဌာန်းချက်အတိုင်း နိုင်ငံခြားရေး မူဝါဒဖြစ်သည့် "နိုင်ငံတော်သည် လွတ်လပ်၍ တက်ကြွပြီး ဘက်မလိုက်သော နိုင်ငံခြားရေးဝါဒကိုကျင့်သုံးသည်။ ကမ္ဘာ့ငြိမ်းချမ်းရေးနှင့် နိုင်ငံအချင်းချင်း မိတ်ဝတ်မပျက် ပေါင်းဖက်ဆက်ဆံရေးကို ရှေးရှုသည်။ နိုင်ငံအချင်းချင်း ငြိမ်းချမ်းစွာအတူ ယှဉ်တွဲနေထိုင်ရေးမူများကို စောင့်ထိန်းသည်" ဟု အတိအလင်းပြဋ္ဌာန်းထားပြီးဖြစ်ကြောင်း၊ ထို့အပြင် နိုင်ငံတကာဆက်ဆံရေးတွင် ငြိမ်းချမ်းစွာ အတူယှဉ်တွဲ နေထိုင်ရေးမူကြီး(၅)ရပ်ကို အစဉ်လေးစား လိုက်နာလျက်ရှိကြောင်း၊ နိုင်ငံတော်ကချမှတ်ထားသည့် ပြဋ္ဌာန်းချက်များကို တပ်မတော်အနေဖြင့် တစ်သဝေမတိမ်း တိကျစွာလိုက်နာလျက်ရှိကြောင်း၊ သို့သော်ပြည်ပနိုင်ငံအချို့၊ အဖွဲ့အစည်း အချို့သည် မိမိတို့နိုင်ငံ၏ အချုပ်အခြာအာဏာကို မျက်ကွယ်ပြုပြီး ပြည်တွင်းရေးကို ၀င်ရောက် စွက်ဖက်လျက် ရှိသည်ကိုလည်း အားလုံးအသိပင်ဖြစ်ကြောင်း၊ ထိုသို့ပြည်ပနိုင်ငံအချို့၊ အဖွဲ့အစည်း အချို့က မိမိတုိ့နိုင်ငံ၏ပြည်တွင်းရေးတွင် ၀င်ရောက်စွက်ဖက်ပြီး တစ်ဖက်သတ်ပုတ်ခတ်မှုများကို အမြို့မြို့အနယ်နယ်တွင်ရှိသည့် အမျိုးသားရေးနှင့် မျိုးချစ်စိတ်ဓာတ်ထက်သန်သည့် ပြည်သူများက မိမိတို့နိုင်ငံ၏ အချုပ်အခြာအာဏာ ထိပါးမှုကိုဆန့်ကျင်ပြီး တပ်မတော်၏ဆောင်ရွက်ချက်များအပေါ် ထောက်ခံပွဲများ ပြုလုပ်နေသည်ကိုတွေ့ရကြောင်း၊ အဆိုပါဆောင်ရွက်ချက်များသည် နိုင်ငံတော်နှင့် ပြည်သူအပေါ်ထားရှိသည့် တပ်မတော်၏ စစ်မှန်သော သဘောထားများ ကိုသိရှိပြီး တပ်မတော်နှင့် ပြည်သူတစ်သားတည်းရှိသည်ဆိုသည့် ပြယုဂ်ပင်ဖြစ်ကြောင်း၊ ဒီလိုအစဉ်အလာကောင်းများကို ဆက်လက်ထိန်းသိမ်းကြရမည်ဖြစ်ကြောင်း၊ စည်းရုံးရေး ဆိုသည်မှာ အရေးပေါ်မှထလုပ်ရသည့် ဆောင်ရွက်မှုမျိုးမဟုတ်ဘဲ မပြတ်ထိတွေ့ပြီး ပြည်သူများ၏ အကျိုးပြုလုပ်ငန်းများကို စိတ်အား ထက်သန်စွာသယ်ပိုးရင်း နိုင်ငံတော်နှင့် ပြည်သူလူထုအပေါ်ထားရှိသည့် မိမိတို့၏သဘောထားများကို သိရှိအောင် လက်တွေ့ ကျကျ လုပ်ဆောင်ရမည်ဖြစ်ကြောင်းမှာကြားသည်။
-
ယင်းနောက် လူတို့အတွက်အရေးအကြီးဆုံးသည် မိမိတို့ဘ၀တိုးတက်ရေး၊ ကျန်းမာကြံ့ခိုင်စွာဖြင့် ရှင်သန်ရပ်တည်ရေးပင်ဖြစ်ကြောင်း၊ ကျန်းမာကြံ့ခိုင်ပြီး ရှင်သန်ရပ်တည်နိုင်ရန်အတွက် ကျန်းမာရေး ကောင်းမွန်မှုနှင့် လုံလောက်သောအာဟာရ စားသုံးနိုင်မှုကို ရရှိအောင်ဆောင်ရွက်ရမည်ဖြစ်ကြောင်း၊ ထို့ကြောင့်မိမိတို့အနေဖြင့် တပ်မတော်ကဆောင်ရွက်ပေးလျက်ရှိသော ကျန်းမာရေးစောင့်ရှောက်မှု များကို ခံယူသည့် အပြင်ကျန်းမာရေးနှင့်ညီညွတ်သော နေထိုင်စားသောက်မှုများကိုလိုက်နာကြစေလို ကြောင်း၊ ထို့အတူစားရေးသည်လည်းအရေးကြီးသည့်အတွက် ယနေ့အချိန်တွင် မိမိတို့ နယ်မြေ အလိုက် တစ်ဦးချင်းတစ်ပိုင်တစ်နိုင်စိုက်ပျိုးမွေးမြူရေးကို တတ်နိုင်သမျှ ပြုလုပ်ကြပြီး အဖွဲ့အစည်း အနေဖြင့်လည်း စိုက်ပျိုးမွေးမြူရေးကို တတ်နိုင်သလောက် လုပ်ဆောင်ကြရန်လိုကြောင်း၊ တပ်မတော်မှတပ်ရင်း၊ တပ်ဖွဲ့များကလည်းတစ်ဖက် တစ်လမ်းမှ ကူညီဆောင်ရွက်ပေးသွား မည်ဖြစ်သည့်အတွက် ပိုမိုပြည့်စုံအောင်ပူးပေါင်း ဆောင်ရွက်သွားကြရန်လိုကြောင်းမှာကြားသည်။
-
ထို့နောက် ယခုအခါကမ္ဘာကြီး၏ပြောင်းလဲတိုးတက်မှုများနှင့်အတူ နယ်ပယ် အသီးသီးတွင် စိန်ခေါ်မှုများကို နိုင်ငံအသီးသီး ရင်ဆိုင်နေကြရကြောင်း၊ နိုင်ငံတော်ကို စွမ်းအားပြည့် ကာကွယ်နိုင်ရန် အတွက် "ခေတ်မီတပ်မတော်" တစ်ရပ် တည်ထောင်ကြရာတွင်လည်း အားလုံးကပါဝင်ဆောင်ရွက် ရမည်ဖြစ်ကြောင်း၊ ခေတ်မီတပ်မတော် တစ်ရပ် တည်ဆောက်ရာတွင်လည်း တပ်မတော် တစ်ရပ်တည်း တည်ဆောက်၍ မရနိုင်သောကြောင့် ပြည်သူလူထု၏ အားပေးထောက်ခံမှု အထူးလိုအပ်ကြောင်း၊ မိမိတို့ အနေဖြင့် တပ်မတော်သားများပီပီ စွန့်လွှတ်စွန့်စားတာဝန်ထမ်းဆောင်မှု၊ တိုင်းပြည်နှင့် လူမျိုးအတွက် အသက်ပေး တာဝန်ထမ်းဆောင်မှု၊ အရိုးကြေကြေ အရေခမ်းခမ်းပေးအပ် သည့် တာဝန်များကို နေရာမရွေး တာဝန်ထမ်းဆောင်ခဲ့ကြသကဲ့သို့ ယခုအခါတွင်လည်း မိမိတို့နေရာ ဒေသအသီးသီး၏ ဖွံ့ဖြိုးရေးအထောက်အကူပြုလုပ်ငန်းများကို တတ်စွမ်းနိုင်သရွေ့ ဆောင်ရွက် ပေးကြရန် အလေးအနက် တိုက်တွန်းကြောင်း မှာကြားသည်။
-
၎င်းနောက် တပ်မတော်ကာကွယ်ရေးဦးစီးချုပ်သည်အခမ်းအနား တက်ရောက်လာကြသည့် စစ်မှုထမ်း ဟောင်းအဖွဲ့ဝင်များအား ရင်းရင်းနှီနှီး လိုက်လံနှုတ်ဆက်ပြီး မြန်မာနိုင်ငံစစ်မှုထမ်း ဟောင်းအဖွဲ့ ဗဟိုအလုပ်အမှုဆောင် အဖွဲ့ဝင်များနှင့်အတူ မှတ်တမ်းတင် စုပေါင်းဓာတ်ပုံရိုက်ခဲ့ကြောင်း သတင်း ရရှိသည်။
-
#မြ၀တီနေ့စဉ်သတင်းစာ
No comments:
Post a Comment