မိုးရေချိန် တစ်လက်မခွဲကျော် ရွာသွန်းခဲ့မှုကြောင့် မန္တလေးတစ်မြို့လုံးနီးပါး ရေကြီးရေလျှံမှုဖြစ်ပေါ်

၄၁လမ်း၊ ၈၆လမ်းတွင် ရွှေတချောင်းေ မြာင်းရေကျော်နေမှုကို တွေ့ရစဉ်။

မန္တလေး ၅-၉-၂ဝ၁၈

ယနေ့တွင် မိုးရေချိန် တစ်လက်မခွဲကျော် ရွာသွန်းခဲ့မှုကြောင့် မန္တလေးတစ်မြို့လုံးနီးပါး ရေကြီးရေလျှံမှုများ ဖြစ်ပေါ်ခဲ့ကြောင်း သိရသည်။

ယနေ့နံနက်ပိုင်းက မန္တလေးမြို့တွင် မိုးရေချိန် ၁ ဒသမ ၆၁ လက်မထိ ရွာသွန်းခဲ့သဖြင့် မန္တလေးမြို့နယ် ခြောက်ခုတွင် ရေကြီးရေလျှံမှုများ ဖြစ်ပေါ်ခဲ့ကာ ရပ်ကွက်နေအိမ်များ အတွင်းရေဝင်ရောက်ခြင်း၊ မြို့တွင်းလမ်းမများ တွင်လည်း လမ်းရေကျော်မှုများနှင့် အဓိကမြို့တွင်း မြောင်းမကြီး ရွှေတချောင်းမြောင်း တစ်လျှောက်နေရာ အချို့တွင်လည်း မြောင်းရေလျှံမှုများ ဖြစ်ပေါ်ခဲ့သည်။

"ဒီကနေ့မနက်ပိုင်း မိုးလေဝသ အခြေအနေအရ မြန်မာနိုင်ငံ အလယ်ပိုင်း ဒေသမှာရော အောက်ပိုင်း ဒေသမှာရော လေစုဆုံမှုတွေ အားကောင်းနေတာ တွေ့ရတယ်။ မန္တလေးတိုင်းဒေသကြီးမှာလဲ နေရာကွက်ပြီး မိုးကြီးခဲ့တယ်။ မန္တလေးမြို့က မိုးရေချိန် တစ်လက်မနဲ့ တစ်လက်မခွဲဆိုရင် လမ်းပေါ်တွေမှာ ရေလျှံလေ့ရှိပါတယ်"ဟု မိုးလေဝသနှင့် ဇလဗေဒညွှန်ကြားမှု ဦးစီးဌာန (အထက်မြန်မာပြည်) မန္တလေးဌာနခွဲညွှန်ကြားရေးမှူး ဦးကျော်လွင်ဦးက ပြောပြသည်။

ယနေ့နံနက်ပိုင်းက မန္တလေးတိုင်းဒေသကြီးတွင် နေရာကွက်ကျား မိုးကြီးခဲ့သဖြင့် မန္တလေးမြို့၌ ၁ဒသမ ၆၁လက်မ၊ ပုသိမ်ကြီးမြို့တွင် ၃ ဒသမ ၉၅လက်မ၊ မလှိုင်မြို့၌ ၂ဒသမ ၅ဝလက်မ၊ မိတ္ထီလာမြို့တွင် ၁ဒသမ ၄၉ လက်မ၊ မြစ်သားမြို့၌ ၁ဒသမ ၂၃လက်မနှင့် မတ္တရာမြို့၌ ၁ဒသမ ၂၂လက်မတို့ဖြင့် မိုးရေချိန်အများဆုံး ရှိခဲ့ကြောင်း သိရသည်။

မန္တလေးမြို့တွင် ရေဝပ်ရေလျှံမှု အများဆုံး ဖြစ်ပွားသည့် အဓိကလမ်းမကြီးများမှာ လမ်း၃ဝနှင့် ၆၂လမ်းတို့ဖြစ်ပြီး ငွေတချောင်း မြောင်းရေလျှံပါက လမ်း၃ဝ၊ ၆၂လမ်းနှင့် ၃၅လမ်းတို့ရေမြုပ်၍ ရွှေတချောင်းမြောင်း ရေလျှံလျှင် မဟာအောင်မြေနှင့် အောင်မြေသာစံ မြို့နယ်တို့ရှိ အနိမ့်ပိုင်း ရပ်ကွက်များသို့ ရေဝင်ရောက်ခြင်း ဖြစ်ပေါ်ကြောင်း သိရသည်။

လက်ရှိမိုးသည်းထန်စွာ ရွာသွန်းမှုကြောင့် မန္တလေးမြို့ရှိ အဓိကမြောင်းမကြီး လေးခုဖြစ်သည့် ရွှေတချောင်းမြောင်း၊ ငွေတချောင်းမြောင်း၊ နဒီမြောင်းနှင့် သင်္ဂဇာမြောင်းတို့ ရေပြည့်လျှံခဲ့ပြီး အဓိကလမ်းမကြီးများ ဖြစ်သည့်လမ်း ၃ဝ၊ ၃၅လမ်း၊ ၆၂လမ်းတို့တွင်ရေလျှံမှု များဖြစ်ပေါ်ခဲ့ကာ ရွှေတချောင်းမြောင်း ရေလျှံမှုကြောင့် မြောင်းတစ်ဖက်တစ်ချက် ရှိရပ်ကွက်နေအိမ် တချို့နှင့် ၈၅လမ်းပေါ်တွင်လည်း ရေကြီးရေလျှံမှုများ ဖြစ်ပေါ်ခဲ့သည်။

"မိုးကလဲ တအားများတယ်။ ချောင်းတွေ၊ မြောင်းတွေ အကုန်ပြည့်လျှံ အောင်ရွာသွားတယ်။ အခု မြောင်းတွေ၊ တံတားတွေလုပ်နေတဲ့ အချိန်ဆိုတော့ သင်္ဂဇာမြောင်း ကတုပ်တွေ ပိတ်ပြီးလုပ်ရတော့ လုပ်နေတုန်း မိုးကရွာသွားတယ်။ လုပ်ပြီးသားတုပ်တွေကို ယန္တရားတွေ သုံးပြီးပြန်ဖျက်ပြီး ဖွင့်လိုက်ရတယ်။ တစ်မြို့လုံး ရေစီးအားကတော့ ကောင်းတယ်။ မြောင်းတွေ ထဲမှာအရင်ကဆို အမှိုက်တွေက ပြည့်နေတာ အခုမြောင်းထဲ အမှိုက်ပစ်တာတွေ ကတော့အရင် လောက်မများတော့ဘူး"ဟု မန္တလေးမြို့တော် စည်ပင်သာယာရေး ကော်မတီ သန့်ရှင်းရေးဌာန ဌာနခွဲမှူး ဦးစိုးတင့်အောင်က ပြောပြသည်။

ရေဝပ်ရေလျှံမှုများ မဖြစ်စေရန် မန္တလေးမြို့အတွင်းရှိ မြောင်းများတွင် ရေစီးရေလာ ကောင်းမွန်ရန်လည်း လိုအပ်နေပြီး ထိုသို့ကောင်းမွန် စေရန်မှာလည်း မြောင်းအတွင်းရှိ အမှိုက်များမှာ အဓိကဖြစ်နေကာ မြောင်းများ ပိတ်ဆို့မှု မရှိစေရန် မြောင်းအတွင်းရှိ အမှိုက်များကင်းစင်ရန် ဆယ်ယူရေးကလည်း အရေးပါ လျက်ရှိကြောင်း သိရသည်။

"အခုမိုးဥတုမှာတော့ ရွှေတချောင်းမြောင်း ခုလိုရေလျှံတာ ဒါပထမဆုံးပဲ။ မနှစ်ကသုံးခါ လောက်ရေလျှံခဲ့တယ်။ ခုမနက်မိုးက ရေအတော်လေးပါတော့ ခဏလေးနဲ့လမ်းပေါ် ရေလျှံကုန်တယ်။ ရေမြောင်းတွေသေချာ လုပ်နေတော့ ရေအကျလဲမြန်တယ်။ ရွှေတချောင်း မြောင်းဘေးကအိမ်တွေလဲ ရေဝင်ကြတယ်။ မြို့ထဲမှာလဲ နေရာအနှံ့လမ်းတွေ ပေါ်ရေလျှံနေတယ်"ဟု မန္တလေး ချမ်းအေးသာစံမြို့နယ် သံလျက်မှော်တောင်ရပ်ကွက် နေထိုင်သူတစ်ဦးက ပြောပြသည်။

မန္တလေးမြို့တွင် တစ်ရက်အတွင်း မိုးရေချိန် တစ်လက်မနှင့် တစ်လက်မခွဲရရှိ ရုံဖြင့်မြို့တွင်း ရေမြောင်းများ၊ လမ်းမများတွင် ရေမြုပ်ရေလျှံမှုများ ဖြစ်ပေါ်နိုင်ပြီး မန္တလေးမြို့၏ အမြင့်ဆုံးရွာသွန်း ခဲ့သည့်မိုးရေချိန်မှာ ၂ဝဝ၇ ခုနှစ် ဇွန် ၁၄ရက်က မိုးရေချိန် ၁ဝ ဒသမ ၂ဝ လက်မဖြစ်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာန၏ အချက်အလက်များ အရသိရသည်။

# မြဝတီနေ့စဉ်သတင်းစာ