ရန်ကုန် ၄-၉-၂ဝ၁၈
မြန်မာနိုင်ငံ၏ ပထမဆုံး ဆင်ပြတိုက်ကို ရန်ကုန်တိရစ္ဆာန် ဥယျာဉ်၌ ဖွင့်လှစ်ပြသ ပေးသွားမည် ဖြစ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ သစ်တောဦးစီးဌာန၏ သတင်းများအရ သိရသည်။
ယခုအခါ ဆင်များမှာ မျိုးသုဉ်းပျောက်ကွယ် သွားနိုင်သည့် အခြေအနေတွင် ရှိနေသဖြင့် ဆင်များမျိုးသုဉ်း ပျောက်ကွယ်မှု မဖြစ်စေရေးအတွက် သက်ဆိုင်ရာ အစိုးရဌာနများနှင့် အရပ်ဘက် အဖွဲ့အစည်းများကကြိုးပမ်းဆောင်ရွက် လျက်ရှိသည်။ ထို့ပြင် ဆင်များနှင့်ပတ်သက်၍ အများပြည်သူ ဗဟုသုတ ဖြစ်စေရေးအတွက် ဆင်စခန်းများဖွင့်လှစ် ဆောင်ရွက်နေသကဲ့သို့ အခြားသော ပညာပေးလုပ်ငန်းများ ကိုလည်း ဆောင်ရွက်လျက်ရှိသည်။
လက်ရှိမြန်မာနိုင်ငံတွင် သစ်တောဦးစီးဌာနနှင့် ပုဂ္ဂလိကပိုင် ဆင်အကောင်ရေ လေးထောင်ကျော် ရှိနေပြီး တောရိုင်းဆင် အကောင်ရေ နှစ်ထောင်ကျော်ရှိနေသည်။ မြန်မာနိုင်ငံ၏ ပထမဆုံးသော ဆင်ပြတိုက်ကို ၂ဝ၁၉ခုနှစ် နှစ်ဆန်းပိုင်းတွင် ဖွင့်လှစ်ပြသနိုင်ရေး စီစဉ်ဆောင်ရွက် နေကြောင်း သိရသည်။
ဆင်ပြတိုက်ကို ပြခန်း (၄) ခန်းဖြင့် ဖွင့်လှစ်ပြသသွားမည် ဖြစ်သည်။ ပြခန်း(၁)တွင် ရှေးမြန်မာ နန်းတွင်းနှင့် ဆင်အသုံးဝင်ပုံ မှတ်တမ်းဓာတ်ပုံ ပုံစံငယ်များ၊ ပြခန်း(၂) တွင်ဆင်များနှင့်ပတ်သက်၍ လက်ရှိဖြစ်ပေါ်နေသည့် အခြေအနေများ၊ ပြခန်း(၃)တွင် နောင်ဖြစ်လာနိုင်မည့် အလားအလာ ပုံစံတူများနှင့် ပြခန်း(၄)တွင် ပညာပေးအစီအစဉ် ပြခန်းဟူ၍ ပြသသွားမည် ဖြစ်သည်။
အဆိုပါပြခန်းများတွင် ဆင်ကျောက်ဖြစ် ရုပ်ကြွင်းမျိုးစိတ်များ၊ ဆင်အရိုးစုနှင့် ဆင်စွယ်များ၊ ဆင်စာအုပ်နှင့် မှတ်တမ်းများ၊ ဆင်ချပ်ဝတ်တန်ဆာ၊ ခလောက်၊ ဆူးလိမ်၊တွဲကြိုး စသည့်ဆင်အသုံးဆောင် ပစ္စည်းများ၊ ဆင်သားရေများ၊ ဆင်ထိန်းသိမ်း စောင့်ရှောက်သည့် ရုပ်သေမှတ်တမ်းများ၊ ဆင်နှင့်သဘာဝ ပတ်ဝန်းကျင် အပြန်အလှန်အကျိုးပြုမှု ပန်းချီကားများ၊ ရှေးမြန်မာနန်းတွင်း ဆင်အသုံးပြုပုံများဖြင့် ခင်းကျင်းပြသသွားမည်ကြောင်း သိရသည်။
# မြဝတီနေ့စဉ်သတင်းစာ
No comments:
Post a Comment