နေပြည်တော် ၂၇-၉-၂ဝ၁၈
ရှမ်းပြည်နယ်(မြောက်ပိုင်း)၊ ကွတ်ခိုင်မြို့နယ်အတွင်း လုံခြုံရေး ဆောင်ရွက်နေသော တပ်ဖွဲ့ဝင်များသည် ယနေ့နံနက် ၉ နာရီခန့် တွင် ကောင်းခါးကျေးရွာ၏မြောက်ဘက် မီတာ ၅ဝဝဝ အကွာနေရာသို့ အရောက်၌ မူးယစ်ဆေးဝါး ချက်လုပ်ရာတွင် အသုံးပြုသည့် ပစ္စည်းများဖြစ်သော သံပီပါ ၁၈ဝ လုံးအတွင်း မှ အီသိုင်းအီသာအရည် ၅၄ဝဝ ဂါလန်၊ ပီနံအိတ် ၂ဝ အိတ်အတွင်းမှ ကော့စတစ် ဆိုဒါ ၂၅ ကီလိုဂရမ်ခန့်နှင့် ကော်ပုံးများ အတွင်းမှ အက်စီတုံးအက်စစ် ၃ဝဝ ဂါလန် (စုစုပေါင်းခန့်မှန်း တန်ဖိုးငွေကျပ် သိန်းပေါင်း၂၇ဝဝ ကျော်)တို့ကို လည်းကောင်း၊ အဆိုပါနေရာ၏ မြောက်ဘက် မီတာ ၁ဝဝဝ ခန့် အကွာရှိ သံပီပါ ၂ဝ လုံးအတွင်းမှ အီသာ၆ဝဝ ဂါလန်ခန့်(ခန့်မှန်းတန်ဖိုးငွေ ကျပ်သိန်း၃ဝဝ ခန့်) တို့ကိုလည်းကောင်း ပိုင်ရှင်မဲ့ တွေ့ရှိ သိမ်းဆည်းရမိခဲ့သည်။
အဆိုပါမူးယစ်ဆေးဝါး ချက်လုပ်ရာတွင် အသုံးပြုသည့် ဆက်စပ်ပစ္စည်းများအား ကွတ်ခိုင်မြို့ရှိ မူးယစ်တပ်စုသို့ စနစ်တကျ အပ်နှံသွားမည်ဖြစ်ကြောင်း သတင်းရရှိသည်။
# မြဝတီနေ့စဉ်သတင်းစာ
No comments:
Post a Comment