မိုးကုတ် ၂၈-၈-၂ဝ၁၈
မန္တလေးတိုင်းဒေသကြီး ပြင်ဦးလွင်ခရိုင် မိုးကုတ်မြို့နယ်၌ ခရစ်ယာန်ဘာသာနှင့် နတ်ကိုးကွယ်သူ ၇၂ ဦးဗုဒ္ဓဘာသာသို့ ကူးပြောင်းခဲ့သည့် အခမ်းအနားကို သြဂုတ် ၂၆ ရက်က ပထမဆုံးအကြိမ်အဖြစ် မိုးကုတ်မြို့ရှိ ညောင်သုံးပင် ပရိယတ္တိသာမဏေကျော် စာသင်ကျောင်းတိုက်တွင် ပြုလုပ်ခဲ့ကြောင်း မိုးကုတ်မြို့နယ် လက်ထောက်သာသနာ ပြုအဖွဲ့မှ သိရသည်။
"ကျွန်တော်တို့ မိုးကုတ်မြို့က လီဆူတိုင်းရင်းသားတွေ အများဆုံး နေထိုင်တဲ့ မြို့တစ်မြို့ပါ။ ဒီနေ့လုပ်တာက မိုးကုတ်မြို့မှာရှိတဲ့ အခြားဘာသာဝင် တွေအချို့က ဗုဒ္ဓဘာသာရဲ့အနှစ်သာရကို ယုံကြည်သက်ဝင်ပြီး တဖြည်းဖြည်း ကူးပြောင်းလာ ကြတာပါ။ သူတို့ကိုဘယ်သူ တွေကမှ ဖြားယောင်းပြီး ဝင်ခိုင်းတာမျိုး မဟုတ်ပါဘူး။ အဲဒီအတွက် ကျွန်တော်တို့ရဲ့ မိုးကုတ်မြို့မှာ တစ်နှစ်စာအတွက် စုပေါင်းပြီး အခုလိုဘာသာ ကူးပြောင်းပွဲကို မိုးကုတ်မြို့ရဲ့ညောင်သုံးပင် ကျောင်းတိုက်မှာ လုပ်ပေးခဲ့တာပါ"ဟု မိုးကုတ်မြို့နယ် လက်ထောက် သာသနာပြု အဖွဲ့အတွင်းရေးမှူး ဦးစုဗူးက ပြောပြသည်။
အဆိုပါကူးပြောင်း သူများမှာ လီဆူလူမျိုး၊ ကရင်လူမျိုးနှင့် ဓနုလူမျိုးတို့ပါဝင်ကာ အမျိုးသား ၃၇ ဦးနှင့် အမျိုးသမီး ၃၅ဦးတို့ဖြစ်ကြောင်း သိရသည်။
"ဒီဘက်နယ်က လီဆူလူမျိုးတွေက မြန်မာစကား သိပ်မပြောတတ်ပါဘူး။ ဒီနယ်ဘက်တွေမှာက အိမ်ထောင်ပြုတဲ့ အခါမှာဆို အမျိုးသားက ခရစ်ယာန်၊အမျိုးသမီးက နတ်ကိုးကွယ်တယ်ဆိုတော့ ဘာသာကလဲ ခြားနေတယ်။အခုကျ သူတို့ အားလုံးဗုဒ္ဓဘာသာကို ကူးပြောင်းလာတာပါ"ဟု ထင်းရှူးတောင် ကျေးရွာသာသနာပြုအဖွဲ့မှ ဆရာမဒေါ်လဲ့လဲ့ဝင်းက ပြောပြသည်။
ဘာသာကူးပြောင်း လာသူများ တရားဝင်ကူးပြောင်း လာခဲ့သည့်အပေါ် ဆရာတော်၊သံဃာတော်များ အနေဖြင့် သာဓုအနုမောဒနာများ ခေါ်ဆိုခဲ့ကြကြောင်း၊ ယခင်အချိန်များက ယခုကဲ့သို့ လူအများအပြားကို ဘာသာကူးပြောင်း ပွဲမပြုလုပ်ပေးခဲ့ သော်လည်း ဗုဒ္ဓဘာသာသို့ ကူးပြောင်းလာသူများကို ဘုရားဆင်းတုတော်များပေး၍ ဗုဒ္ဓဘာသာဝင်အဖြစ် အသိအမှတ်ပြုပေးမှုများ ရှိခဲ့ကြောင်း သိရသည်။
#Themyawadydaily
No comments:
Post a Comment