ညောင်ဦး ၂၄-၈-၂ဝ၁၈
မန္တလေးတိုင်းဒေသကြီး ညောင်ဦးခရိုင် ပုဂံမြို့ ကြအိုကျေးရွာအုပ်စု ဥယျာဉ်ကျေးရွာမှ ကျောင်းသား၊ ကျောင်းသူ ၃၅ဦး တင်ဆောင်လာသည့် လိုက်ထရပ်ယာဉ် တစ်စီးတိမ်းမှောက်မှု ဖြစ်ပွားခဲ့ကြောင်း သိရသည်။
အိုအေစစ် ဘော်ဒါဆောင်မှ ကျောင်းသား၊ ကျောင်းသူ ၃၅ဦး တင်ဆောင်လာသည့် 1J/---- လိုက်ထရပ်ယာဉ်သည် ယနေ့နံနက် ၈နာရီ ၄၅မိနစ်က ကြအိုကျေးရွာ အခြေခံပညာ အထက်တန်းကျောင်းသို့ မောင်းပို့စဉ်
ကြအိုကျွန်းလမ်းခွဲအနီး ချောက်စဥ့်ကူ-ပုဂံလမ်း မိုင်တိုင်အမှတ် (၁၂/၂) အနီးတွင် မျက်နှာချင်းဆိုင်မှ မောင်းနှင်လာသော ၂၇ယ/---- မော်တော်ဆိုင်ကယ်ကို ရှောင်တိမ်းစဉ် ချိတ်မိခဲ့သည်။
ထိုသို့ချိတ်မိမှုကြောင့် ဆိုင်ကယ်ပေါ်ပါ နဝမတန်းကျောင်းသား နှစ်ဦးပွန်းပဲ့ဒဏ်ရာများ ရရှိပြီး လိုက်ထရပ်ယာဉ်မှာ ကုန်းကမူကို ဆက်လက်တိုက်မိ၍ တိမ်းမှောက် သွားခဲ့သည်။
ယာဉ်တိမ်းမှောက် မှုကြောင့် မော်တော်ယာဉ်ပေါ်မှ ကျောင်းသားခြောက်ဦး၊ ကျောင်းသူ ၂၇ဦး ကားပေါ်မှ လွင့်စဉ်ကျကာ ကျောင်းသူ မရွှေစင်မြတ် (ဘ)ဦးမောင်ငွေ သေဆုံးပြီး မောင်မြင့်သူ၊ မောင်ခန့်စည်သူ တို့ကို မန္တလေးဆေးရုံကြီးသို့ လွှဲပြောင်းကုသမှု ခံယူလျက်ရှိကာ ကျန်ကျောင်းသား၊ ကျောင်းသူ ၃၄ဦးကို ညောင်ဦးခရိုင် ပြည်သူ့ဆေးရုံကြီးတွင် ဆေးကုသမှုခံလျက်ရှိကြောင်း သိရသည်။
ဖြစ်စဉ်နှင့်ပတ်သက်၍ ယာဉ်မောင်း သန်းလှိုင်ကို ညောင်ဦးမြို့မရဲစခန်းက ယာဉ်(ပ)၇/၂ဝ၁၈၊ ရာဇသတ်ကြီးဥပဒေပုဒ်မ-၃ဝ၄(က)/၃၃၈/၃၃ဖြင့် အမှုဖွင့် ဆောင်ရွက်ထားကြောင်း သတင်းရရှိသည်။
#Themyawadydaily
No comments:
Post a Comment