မိတ္ထီလာ ၃-၈-၂ဝ၁၈
မိတ္ထီလာမြို့နယ် ဝန်ဇင်းရပ်ကွက်တွင် သြဂုတ် ၁ရက် ည ၆ နာရီမိနစ် ၃ဝ ခန့်က မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် လူနေအိမ်ခြေ၅၁လုံး ပျက်စီးဆုံးရှုံးမှုအချို့ဖြစ်ပွားခဲ့ပြီး အမျိုးသမီးတစ်ဦး ဒဏ်ရာရရှိခဲ့ကြောင်း အဆိုပါ ရပ်ကွက်အုပ်ချုပ် ရေးမှူး ဦးကျော်ငြိမ်းထံမှ သိရသည်။
ဝန်ဇင်းရပ်ကွက် လေပြင်းတိုက်ခတ်မှုကြောင့် ပျက်စီးဆုံးရှုံးမှု ဖြစ်ပေါ်သည့် သွပ်မိုးလန် လူနေအိမ်များ၊ အိမ်ပေါ်သစ်ပင် လဲကျသည့် လူနေအိမ်များ၊ လမ်းပေါ်လဲကျသည့် သစ်ပင်များ ရှင်းလင်းဆောင်ရွက်ခြင်းကို ခရိုင်မြို့နယ်အဆင့်ဌာန ဆိုင်ရာတာဝန်ရှိသူများ၊ ခရိုင်မီးသတ်တပ်ဖွဲ့ဝင်များ၊ ရဲတပ်ဖွဲ့ဝင်များ၊ ခရိုင်ကြက်ခြေနီ သူနာပြု တပ်ဖွဲ့ဝင်များ၊ မြို့ပေါ်ရပ်ကွက် ၁၃ခုမှ ရပ်ကွက်အုပ်ချုပ်ရေးမှူးများနှင့် အဖွဲ့ဝင်များ၊ ဒေသခံပရဟိတလူငယ်များ စုပေါင်ဝိုင်းဝန်း ကူညီကြပြီး ပျက်စီးဆုံးရှုံးခဲ့သည့် လူနေအိမ်များမှ အိမ်ထောင်စုများကို ပံ့ပိုးမှုများပေးနိုင်ရေး အတွက်သက်ဆိုင်ရာ တာဝန်ရှိသူများက စီစဉ်ဆောင်ရွက် လျက်ရှိကြောင်း သိရသည်။
"မိုးသည်းထန်စွာ ရွာသွန်းပြီး လေပြင်းစတင် တိုက်ခတ်တာကည ၆နာရီ မိနစ် ၃ဝလောက်က ဖြစ်ပါတယ်။ သစ်ပင်တွေလဲပြီး လူနေအိမ်တွေ၊ သွပ်မိုးတွေ လန်ကုန်တယ်။ မိုးကလဲသည်းသည်း မည်းမည်းရွာနေတော့ ချက်ချင်းထွက်ကြည့်လို့မရဘဲ ည ၈ နာရီလောက် မိုးနည်းနည်းစဲသွားမှ သွားရောက် ကြည့်ရှုခဲ့ပါတယ်။ ညတွင်းချင်း ပျက်စီးဆုံးရှုံးတဲ့ လူနေအိမ်စာရင်း ကောက်ယူတော့ ၃၂ အိမ်ပဲသိရတယ်။ မနက်ကျမှ ထပ်မံကွင်းဆင်း စစ်ဆေးစာရင်း ကောက်ယူတော့ နေအိမ် ၅၁လုံးလောက် ပျက်စီးဆုံးရှုံးမှုရှိခဲ့တယ်။ အဲဒီအထဲကမှ သွပ်မိုးထရံကာ နှစ်ထပ်အိမ်နှစ်လုံးကတော့ လုံးဝပြိုကျပျက်စီး သွားတယ်။ အမျိုးသမီးတစ်ဦးကတော့ အနည်းငယ်ထိခိုက်မိလို့ ခါးနာသွားတာမို့ ဆေးရုံကိုတင် ကုသထားရပေမယ့် စိုးရိမ်စရာမရှိပါဘူး"ဟု ဝန်ဇင်းရပ်ကွက်အုပ်ချုပ်ရေးမှူး ဦးကျော်ငြိမ်းက ပြောပြ၍ သိရသည်။
#Themyawadydaily
No comments:
Post a Comment