ရန်ကုန် ၃ဝ-၈-၂ဝ၁၈
ပဏာမ ကစားသမားဦးရေ ၃ဝ ဖြင့် လေ့ကျင့်မှုများ ပြုလုပ်လျက်ရှိသည့် မြန်မာယူ - ၁၉အမျိုးသမီး အသင်းသည် အပြီးသတ်ကစား သမားစာရင်းကို လာမည့် အောက်တိုဘာလတွင် ထုတ်ပြန်မည်ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ် အထွေထွေအတွင်းရေးမှူး ဦးကိုကိုသိန်းထံမှ သိရသည်။
မြန်မာ ယူ-၁၉ အမျိုးသမီး အသင်းသည် အာရှယူ- ၁၉အမျိုးသမီး ချန်ပီယံရှစ်ပြိုင်ပွဲ ပထမအဆင့် ခြေစစ်ပွဲအတွက် ပြီးခဲ့သည့်ဇွန်လမှ စတင်၍ လေ့ကျင့်မှုများ ပြုလုပ်လျက်ရှိပြီး ပြည်တွင်းကလပ် အသင်းများနှင့် ခြေစမ်းပွဲများ ယှဉ်ပြိုင် ကစားလျက်ရှိသည်။
အာရှယူ -၁၉ ခြေစစ်ပွဲပထမ အဆင့်တွင် မြန်မာအသင်းသည် အုပ်စုအတွင်း၌ အီရန်၊ ပါလက်စတိုင်း၊ လာအိုအသင်းတို့နှင့် အတူတစ်အုပ်စုတည်း ကျရောက်လျက်ရှိသည်။
အာရှယူ - ၁၉ အမျိုးသမီး ခြေစစ်ပွဲ ပထမအဆင့်ခြေစစ်ပွဲကို လာမည့်အောက်တိုဘာ ၂၄ရက်မှ ၂၈ရက်ထိ ရန်ကုန်မြို့ သုဝဏ္ဏကွင်း၌ ကျင်းပမည်ဖြစ်ကြောင်း သိရသည်။
#မြဝတီနေ့စဉ်သတင်းစာ
No comments:
Post a Comment