ရွှေမြန်မာ လေကြောင်းလိုင်းနှင့်AIR KBZ လေကြောင်းလိုင်းတို့ ပူးပေါင်း၍ မန္တလေး ဟဲဟိုးနှင့် ညောင်ဦးမြို့သို့ ပျံသန်းမည်

ရန်ကုန် ၃ဝ-၅-၂ဝ၁၈

ရွှေမြန်မာ လေကြောင်းလိုင်းနှင့် AIR KBZ လေကြောင်းတို့ အကျိုးတူ ပူးပေါင်း၍ မန္တလေး၊ ဟဲဟိုးနှင့် ညောင်ဦးမြို့တို့သို့ ဇွန် ၁ ရက်မှစ၍ ပျံသန်းမည် ဖြစ်ကြောင်း ရွှေမြန်မာ လေကြောင်းလိုင်း ခရီးသည် ဝန်ဆောင်မှုဌာန လက်ထောက် မန်နေဂျာ ဒေါ်စံပယ်ဖြူထံမှ သိရသည်။

ခရီးစဉ်များအတွက် လေကြောင်းလိုင်း နှစ်ခုအနေဖြင့် ခရီးသည် ၇ဝ ခန့်လိုက်ပါ စီးနင်းနိုင်သည့် ATR 72 လေယာဉ် အမျိုးအစားများဖြင့် အလှည့်ကျ ပျံသန်းမည် ဖြစ်ကြောင်း၊ အကျိုးတူပူးပေါင်း ပျံသန်းမှုသည် ဇွန် ၁ ရက်မှ စက်တင်ဘာလ ကုန်အထိသာ အကျုံးဝင်မည် ဖြစ်ပြီး ခရီးစဉ်များအတွက် လေယာဉ်လက်မှတ် များကို ငွေကျပ် ၄၃ဝဝဝ မှစ၍ ဝယ်ယူနိုင်မည် ဖြစ်ကြောင်း သိရသည်။

''လေကြောင်းလိုင်းနှစ်ခု အလှည့်ကျ စနစ်နဲ့ ပျံသန်းမှာပါ။ ရန်ကုန်ကို အခြေပြုတဲ့ မြို့သုံးမြို့ရဲ့ ခရီးစဉ်တွေကို ပူးပေါင်းပျံသန်းတာပါ။ အကောင်းဆုံး ဝန်ဆောင်မှုတွေ ပေးမှာပါ'' ဟု ဒေါ်စံပယ်ဖြူက ပြောသည်။

ယခုနှစ် မေလမှစ၍ မြန်မာအမျိုးသား လေကြောင်းလိုင်းနှင့် မန်းရတနာပုံ လေကြောင်းလိုင်းတို့ ပူးပေါင်း၍ ပြည်တွင်း ခရီးစဉ်များဖြစ်သည့် ရန်ကုန်၊ မန္တလေး၊ ညောင်ဦး၊ ဟဲဟိုး၊ မြစ်ကြီးနား၊ စစ်တွေ၊ထားဝယ်၊ လားရှိုး၊ တာချီလိတ်၊ မုံရွာ၊ဟုမ္မလင်း၊ ခန္တီးနှင့် ကလေးမြို့တို့သို့ ပျံသန်း လျက်ရှိကြောင်း သိရသည်။

#Themyawadydaily