နေပြည်တော် ၂၆-၄-၂ဝ၁၈
နေပြည်တော်ကောင်စီ နယ်မြေ၊ ရှမ်းပြည်နယ် (မြောက်ပိုင်း) နောင်ချိုမြို့နှင့် ရှမ်းပြည်နယ် (တောင်ပိုင်း) ညောင်ရွှေမြို့တို့၌ ယနေ့တွင် မိုးရွာသွန်းမှုနှင့် အတူလေပြင်းများ တိုက်ခတ်ခြင်း၊ မိုးသီးကြွေကျ ခြင်းများဖြစ်ပေါ်ခဲ့ပြီး လေပြင်းတိုက်ခတ် မှုကြောင့် နေအိမ်သွပ်မိုး များလန်ခြင်း၊ သစ်ပင်များ ကျိုးကျခြင်း ဖြစ်စဉ်များဖြစ်ပွားခဲ့ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာန (နေပြည်တော်)မှ သိရသည်။
နောင်ချိုမြို့တွင် ယနေ့ နံနက် ၁၁နာရီ ၁၅မိနစ်ခန့်မှ မွန်းလွဲ ၁၂နာရီ၅မိနစ်ခန့်ထိ မိုးထစ်ချုန်းရွာသွန်းပြီး အနောက်အရပ်မှ တစ်နာရီလျှင် ၂၄မိုင်နှုန်း လေတိုက်ခတ်ခဲ့ကြောင်း သိရသည်။
ရှမ်းပြည်နယ် (တောင်ပိုင်း) ညောင်ရွှေမြို့တွင်လည်း ယနေ့မွန်းလွဲ ၁ နာရီမှစတင်၍ မိုးထစ်ချုန်း ရွာသွန်းမှုနှင့်အတူ တစ်နာရီလျှင် ၁၁ မိုင်ခန့် လေတိုက်ခတ်ခဲ့ပြီး မိုးသီးများလည်း အနည်းငယ်ကြွေကျ ခဲ့ကြောင်း သိရသည်။
"မိုးရေချိန်ကတော့ သုညဒသမ ၉၄ လက်မရှိတယ်။ ညောင်ရွှေနဲ့ ရွှေညောင်မြို့ကြားက ကားလမ်းမှာတော့ သစ်ပင်တွေ ကျိုးကျပြီး လမ်းပိတ်သွားတယ် လို့သိရတယ်။ လူနေရပ်ကွက်တွေမှာလဲ အိမ်တချို့သွပ်မိုးတွေ လန်ကုန်တယ်" ဟု ညောင်ရွှေမြို့ မိုးလေဝသနှင့် ဇလဗေဒညွှန်ကြားမှု ဦးစီးဌာနမှ တာဝန်ရှိသူတစ်ဦးက ပြောပြသည်။
နေပြည်တော် ကောင်စီနယ်မြေ၌လည်း ယနေ့ မွန်းလွဲ ၂ နာရီခန့်တွင် မိုးထစ်ချုန်း နှစ်ကြိမ်ခန့်ရွာသွန်းခဲ့ပြီး တစ်နာရီလျှင် ခုနစ်မိုင်နှုန်းခန့် လေတိုက်ခတ်ခဲ့ကာ ဓာတ်တိုင်အချို့လဲကျသည့် ဖြစ်စဉ်များ ဖြစ်ပေါ်ခဲ့ကြောင်း သိရသည်။
ရှမ်းပြည်နယ် (အရှေ့ပိုင်း) မိုင်းဖြတ်မြို့နယ် အတွင်းရှိ ကျေးရွာအုပ်စု သုံးစုတွင်လည်း ဧပြီ ၂၄ရက် ည ၁ဝ နာရီမိနစ် ၃ဝ ခန့်က မိုးသက်လေပြင်း တိုက်ခတ်မှုကြောင့် လူနေအိမ် ၁ဝ လုံးကျော်ပျက်စီးမှု ဖြစ်ပွားခဲ့ သေးကြောင်း သိရသည်။
ကပ္ပလီပင်လယ်ပြင် တောင်ပိုင်းမှ ရွေ့လျားလာမည့် လေပွေလှိုင်း၏ အရှိန်ကြောင့် လာမည့်ဧပြီ ၂၆ ရက်မှ ၃ဝ ရက်အတွင်း နေပြည်တော် ကောင်စီနယ်မြေ၊ မန္တလေး၊ မကွေး၊ ပဲခူး၊ရန်ကုန်၊ ဧရာဝတီ၊ တနင်္သာရီတိုင်း ဒေသကြီးတို့နှင့် ရှမ်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်း ရွာနိုင်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက ဧပြီ၂၄ရက်က သတိပေး
နှိုးဆော်ချက် ထုတ်ပြန်ထားကြောင်း သိရသည်။
#Themyawadydaily
No comments:
Post a Comment