မန္တလေး ၂၇-၄-၂ဝ၁၈
မန္တလေးမြို့ရှိ အမှိုက်ကျင်းနှစ်ခု လုံးတွင် မီးဘေးအန္တရာယ် ကြိုတင်ကာကွယ်ရေး စီမံချက်ဖြင့် လုပ်ဆောင်နေကြောင်း မန္တလေးမြို့တော်စည်ပင် သာယာရေး ကော်မတီ၊ သန့်ရှင်းရေးဌာနမှ တာဝန်ရှိသူတစ်ဦးက ပြောပြသည်။
မကြာသေးမီ ရက်ပိုင်းအတွင်းက ရန်ကုန်မြို့ရှိ အမှိုက်ကျင်းတစ်ခု မီးလောင်မှုများ ဖြစ်ပေါ်ခဲ့ပြီး လက်ရှိအချိန်ထိ မီးငြှိမ်းသတ်ရေး လုပ်ငန်းများကို လုပ်ဆောင်နေရကြောင်း အလားတူဖြစ်စဉ်မျိုး မန္တလေးမြို့ရှိ တောင်အင်း မြောက်အင်း အမှိုက်ကျင်းနှင့် ကြာနီကန် အမှိုက်ကျင်းတို့ နှစ်ခုစလုံးတွင် မီးလောင်မှုများ မဖြစ်ပေါ်စေရေး ကြိုတင်ကာကွယ်ရေး စီမံချက်ဖြင့် လုပ်ဆောင်လျက် ရှိကြောင်း သိရသည်။
မန္တလေးမြို့ရှိ အမှိုက်ကျင်းနှစ်ခု လုံးတွင် မီးလောင်မှုများ မဖြစ်ပေါ် စေရေးအတွက် အဆိုပါ အမှိုက်ကျင်းအတွင်း အစားအသောက်များအား ချက်ပြုတ်စားသောက်မှုများ မရှိစေရေး၊ ရပ်ကွက်နေပြည်သူ လူထုအနေဖြင့် သောက်လက် စဆေးလိပ်တိုများအား မီးမငြှိမ်းသတ်ဘဲ အမှိုက်ကျင်းများအတွင်းသို့ ပစ်ချမှုများ မရှိစေရေးအတွက် ဧပြီ ၂၆ ရက်မှစ၍ အသိပညာပေးမှုများ စတင်လုပ်ဆောင် လျက်ရှိကြောင်း သိရသည်။
"အမှိုက်ကားတွေ အနေနဲ့လဲ အမှိုက်ကျင်းတွေကို လာပစ်တဲ့အခါ စနစ်တကျ ပစ်ဖို့လိုတယ်။ ပြီးတော့အမှိုက် ကျင်းတွေမှာလဲ မီးဘေးအန္တရာယ် မဖြစ်ပေါ်အောင် တာဝန်ခံတွေကို လုံခြုံရေးအနေနဲ့ နေရာချ ထားပေးတယ်။ ပေါ့ဆမီးကြောင့် အမှိုက်ကျင်းတွေထဲမှာ မီးလောင်မှု မဖြစ်ဖို့ အားလုံး စနစ်တကျနဲ့ ပူးပေါင်းလုပ်ဆောင် ဖို့တော့ လိုပါတယ်"ဟု ၎င်းက ဆက်လက် ပြောပြသည်။
မန္တလေးမြို့တွင် ဆေးရုံသုံးစွန့်ပစ် အမှိုက်များအပြင် အိမ်သုံး အမှိုက်နှင့် လမ်းဘေးအမှိုက် စသည့်အမှိုက် မျိုးစုံကို အမှိုက်ကားများဖြင့် တောင်အင်းမြောက်အင်း အမှိုက်ကျင်းသို့ တစ်ရက်လျှင် တန်ချိန် ၄ဝဝ ခန့်ပို့ဆောင် ပေးနေရကာ ကြာနီကန် အမှိုက်ကျင်းသို့ တစ်ရက်လျှင် တန်ချိန် ၄၅ဝ ခန့်ထိ ပို့ဆောင် ပေးနေရကြောင်း သိရသည်။
#Themyawadydaily
No comments:
Post a Comment