ပြည် ၂၉-၁၂-၂ဝ၁၇
ပဲခူးတိုင်းဒေသကြီး ပြည်မြို့ဆင်စုရပ်ကွက် မြောင်းကြီးတန်းလမ်းတွင် ယနေ့နံနက် ၈ နာရီခန့်က မီးအားမြှင့်စက်မှ အပူလွန်ကဲပြီး မီးလောင်မှု ဖြစ်ပွားခဲ့ကြောင်း သိရသည်။
မြောင်းကြီးတန်း လမ်းဘေးနေ ကိုအောင်ဇင်မိုး၏ ပေ (၃ဝ×၂ဝ) သွပ်မိုး၊ ပျဉ်ကာနေအိမ်အတွင်းရှိ မီးအားမြှင့်စက်မှအပူလွန်ကဲပြီး မီးစတင်လောင်ကျွမ်းခဲ့ရာ ကိုအောင်ဇင်မိုး၏ နေအိမ်မှတစ်ဆင့် ကိုပူတူ (ဆောင်းဘောက် ပြုပြင်ရေး) ၏ ပေ (၃ဝ×၂ဝ) ရှိ နေအိမ်တစ်ခြမ်းသို့ မီးကူးစက်လောင်ကျွမ်းခဲ့ရာ နေအိမ်များနှင့်အတွင်းပစ္စည်း စုစုပေါင်းငွေကျပ် ၁ဝဝဝဝဝဝ ခန့်ဆုံးရှုံးခဲ့ကြောင်း သိရသည်။
အဆိုပါမီးလောင်ရာသို့ ပြည်မြို့ပေါ်ရှိ သန္ဓေမီးသတ်ကား ခုနစ်စီး၊ အရန်မီးသတ်ယာဉ်၁၅စီး စုစုပေါင်း ၂၂စီး၊ ခရိုင်မီးသတ်ဦးစီးမှူး အပါအဝင် မီးသတ်တပ်ဖွဲ့ဝင် ၃၅ ဦး၊ အရန်မီးသတ်တပ်ဖွဲ့ဝင်ဦးရေ ၉ဝ တို့က ဝိုင်းဝန်း မီးငြှိမ်းသတ်ခဲ့ရာ နံနက် ၈ နာရီ ၁ဝ မိနစ်တွင် မီးငြှိမ်းသတ်နိုင်ခဲ့ကြောင်း သိရသည်။
ဖြစ်စဉ်နှင့်ပတ်သက်၍ အိမ်ပိုင်ရှင်ဖြစ်သူ အောင်ဇင်မိုးကို ပြည်မြို့မရဲစခန်းက (ပ)၂ဝ၁၅/၂ဝ၁၇၊ ရာဇသတ်ကြီးပုဒ်မ-၂၈၅ဖြင့် အမှုဖွင့် စစ်ဆေးဆောင်ရွက်လျက်ရှိကြောင်း သတင်းရရှိသည်။
#Yadanarpondaily
No comments:
Post a Comment