တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် အိန္ဒိယတပ်မတော်ကြည်းတပ် ဦးစီးချုပ်အား လက်ခံတွေ့ဆုံ

နေပြည်တော် ၃၀-၅-၂၀၁၇

နိုင်ငံတော်ကာကွယ်ရေး တာဝန်များထမ်းဆောင်ရင်း တပ်မတော်အနေဖြင့် တစ်ဖက်၌လည်း နိုင်ငံရေး ပြုပြင်ပြောင်းလဲမှု လုပ်ငန်းများတွင် ခိုင်ခိုင်မာမာရပ်တည် လုပ်ဆောင်နေကြောင်း၊ သို့ဖြစ်၍နိုင်ငံ၏ ပြုပြင်ပြောင်းလဲမှုဖြစ်စဉ် များတည်ငြိမ်ခိုင်မာမှု ရှိရေးနှင့်နိုင်ငံ့ကာကွယ်ရေး စွမ်းပကားရှိသည့် Standard Army ဖြစ်ရေးအတွက် ရည်မှန်းလုပ်ဆောင် နေကြောင်းဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အိန္ဒိယ တပ်မတော်ကြည်းတပ် ဦးစီးချုပ် General Bipin Rawat အား ယနေ့နံနက် ၁၀ နာရီ ၄၀ မိနစ်တွင် နေပြည်တော်ရှိ ဇေယျာသီရိဗိမာန် ဧည့်ခန်းမဆောင်၌ လက်ခံတွေ့ဆုံစဉ် ထည့်သွင်းပြောကြားသည်။

တွေ့ဆုံပွဲသို့ တပ်မတော်ကာကွယ်ရေး ဦးစီးချုပ်နှင့်အတူ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီးစိုးဝင်း၊ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီးမြထွန်းဦးနှင့် ကာကွယ်ရေးဦးစီးချုပ်ရုံး (ကြည်း)မှ တပ်မတော်အရာရှိကြီးများ တက်ရောက်ကြပြီး အိန္ဒိယတပ်မတော်ကြည်းတပ် ဦးစီးချုပ်နှင့်အတူ အိန္ဒိယတပ်မတော် ကြည်းတပ်မှ တပ်မတော်အရာရှိကြီးများ၊ မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီး H.E.Mr. Vikram Misri၊ ကြည်းတပ်စစ်သံမှူး Colonel Naveen Mahajan နှင့် တာဝန်ရှိသူများ တက်ရောက်ကြသည်။

ထိုသို့တွေ့ဆုံရာတွင် တပ်မတော်ကာကွယ်ရေး ဦးစီးချုပ်က မြန်မာနှင့်အိန္ဒိယတို့သည် နောက်ခံသမိုင်း တူညီကြပြီး ချစ်ကြည်ရင်းနှီးသည့် အိမ်နီးချင်းကောင်းနိုင်ငံများ ဖြစ်ကြောင်း၊ နှစ်နိုင်ငံခေါင်းဆောင်များ သည်လည်း ချစ်ကြည် ရင်းနှီးမှုပိုမိုခိုင်မာ စေရေးအတွက် စဉ်ဆက်မပြတ် လုပ်ဆောင်ခဲ့ကြောင်း၊ လက်ရှိကျင့်သုံးနေသည့် Look East ၊ At East Policy များသည် အိန္ဒိယနိုင်ငံ၏ မိတ်ဆွေနိုင်ငံများနှင့် ပူးပေါင်းဆောင်ရွက်မှု အခွင့်အလမ်းများကို ပိုမို မြှင့်တင်ပေးနိုင်ကြောင်း၊ အိန္ဒိယနိုင်ငံ၏အကျိုးစီးပွားနှင့်အတူ ပူးပေါင်းဆောင်ရွက်ကြသည့် နိုင်ငံများအတွက်လည်း အကျိုးရှိပါကြောင်း၊ မြန်မာ့တပ်မတော်အား အိန္ဒိယတပ်မတော်၏ ကူညီမှုများအတွက်လည်းကျေးဇူးတင် ရှိကြောင်းနှင့် ဆက်လက်ပူးပေါင်းဆောင်ရွက် သွားမည်ဖြစ်ကြောင်း ဆွေးနွေးပြောကြားသည်။

ယင်းနောက် အိန္ဒိယတပ်မတော်ကြည်းတပ် ဦးစီးချုပ်က အိန္ဒိယနိုင်ငံအနေဖြင့် အိမ်နီးချင်းနိုင်ငံများကို အလေးထားပါကြောင်း၊ At East Policy အရ မိမိနိုင်ငံ၏ အရှေ့ဘက်တွင် ကပ်လျက်ရှိသည့် မြန်မာနိုင်ငံကို ဦးစားပေး လာရောက်ခြင်း ဖြစ်ကြောင်း၊ အိန္ဒိယနိုင်ငံနှင့် အိမ်နီးချင်းနိုင်ငံများအကြား တည်ငြိမ်အေးချမ်းမှုရှိရေး ဆောင်ရွက်နေကြောင်း၊ မြန်မာနိုင်ငံတွင် ပြည်တွင်းငြိမ်းချမ်းရေးအတွက် လုပ်ဆောင်နေသည်များကိုလည်း သိရှိပါကြောင်း၊ နှစ်နိုင်ငံနယ်စပ်ဒေသ တည်ငြိမ်အေးချမ်းရေးနှင့် ဖွံ့ဖြိုး တိုးတက်ရေးကိစ္စရပ်များတွင် ပူးပေါင်းဆောင်ရွက်မှုမြှင့်တင်သွားမည်ဖြစ်ကြောင်း ပြန်လည်ဆွေးနွေး ပြောကြားသည်။

ဆက်လက်ပြီး မြန်မာနိုင်ငံ၏ ငြိမ်းချမ်းရေးလုပ်ငန်းစဉ် ဖော်ဆောင်မှုနှင့် တပ်မတော်၏နိုင်ငံ တည်ငြိမ်အေးချမ်းရေး အတွက်ရပ်တည်လုပ်ဆောင်မှု အခြေအနေများ၊ နှစ်နိုင်ငံတပ်မတော်နှစ်ရပ်အကြား ဆက်ဆံမှုမြှင့်တင်ရေး အတွက်အပြန်အလှန် ချစ်ကြည်ရေးခရီးစဉ်များ၊ လေ့ကျင့်ရေးသင်တန်းများ၊ တပ်မတော်အားကစားနှင့် ဆေးဘက်ဆိုင်ရာများတွင် ပူးပေါင်းဆောင်ရွက်မှု မြှင့်တင်ရေးကိစ္စရပ်များ၊နှစ်နိုင်ငံ နယ်စပ်ဒေသလုံခြုံရေးတည်ငြိမ်အေးချမ်း ရေးနှင့်ဖွံ့ဖြိုးတိုးတက်ရေး အတွက်ပူးပေါင်း ဆောင်ရွက်မှုတိုးမြှင့် လုပ်ဆောင်ရေး ကိစ္စရပ်များအား ရင်းနှီးပွင့်လင်းစွာ ဆွေးနွေးခဲ့ကြသည်။

တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်နှင့် အိန္ဒိယတပ်မတော် ကြည်းတပ်ဦးစီးချုပ်တို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ကြပြီး စုပေါင်းဓာတ်ပုံရိုက်ခဲ့ကြကြာင်း သတင်းရရှိသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် အိန္ဒိယတပ်မတော်ကြည်းတပ် ဦးစီးချုပ် General Bipin Rawat အား လက်ခံတွေ့ဆုံစဉ်။

#Themyawadydaily