ရန်ကုန် ၊ ၂၃-၃-၂၀၁၇
ပြည်တွင်းဈေးကွက် အတွင်း စိုက်ပျိုး ရောင်းချသော ကောက်ရိုးမှို များကို စည်သွတ်ဘူးပုံစံဖြင့် ထုတ်လုပ်ပြီး ပြည်ပသို့တင်ပို့ရန် ကမ်းလှမ်းမှုများ ရှိကြောင်း သိရသည်။
လက်ရှိတွင် မှိုကို ပြည်တွင်း၌သာ စားသုံးရန်စိုက်ပျိုးခြင်း ပုံစံဖြစ်သော်လည်း ကောက်ရိုးမှိုကို စည်သွတ်ဘူးပုံစံဖြင့် ထုတ်လုပ်၍ တင်ပို့ရန် တရုတ် (တိုင်ပေ) ကုမ္ပဏီက တစ်ဆင့် အမေရိကန်နိုင်ငံမှ ကမ်းလှမ်းမှုများ ရှိကြောင်း မြန်မာနိုင်ငံ မှိုမွေးမြူစိုက်ပျိုး ထုတ်လုပ် တင်ပို့ရောင်းချ သူများ အစုအဖွဲ့ ဥက္ကဋ္ဌ ဦးနေဝင်း ထံမှ သိရသည်။
ယခင်က ပြည်တွင်းစားသုံးသူ များအနေဖြင့် သဘာဝအတိုင်း ပေါက်သော ကောက်ရိုးမှို၊ သစ်တောအတွင်း ရရှိသည့် ဖက်ဆွတ်မှို နှင့် တောင်ပို့မှိုများ ကိုသာ စားသုံးခဲ့ သော်လည်း ယခု နောက်ပိုင်းတွင် ကောက်ရိုးမှို၊ ငွေနှင်းမှို၊ ငွေပိုးမှိုနှင့် ကြွက်နားရွက်မှို များကို စိုက်ပျိုးထုတ်လုပ် စားသုံးလာ ကြသည်။
လက်ရှိဈေးကွက် အတွင်းတွင် ကောက်ရိုးမှို တစ်ပိဿာလျှင် ငွေကျပ် ၇ဝဝဝ မှ ၁ဝဝဝဝ ဝန်းကျင်ရှိပြီး ငွေပိုးမှို၊ ငွေနှင်းမှိုနှင့် ကြွက်နားရွက်မှို များသည် တစ်ပိဿာလျှင် ငွေကျပ် ၅ဝဝဝ ဝန်းကျင်ရှိသည်။
မှိုစိုက်ပျိုးကြသော တောင်သူများနှင့် မှိုစတင်စိုက်ပျိုးလိုသူ များအနေဖြင့် မှိုစိုက် နည်းပညာကို သိရှိလိုပါက မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချ သူများအသင်း မှတစ်ဆင့် မှိုအစုအဖွဲ့သို့ ဆက်သွယ် စုံစမ်းနိုင်ကြောင်း သိရသည်။
မြ၀တီနေ့စဉ်သတင်းစာ ၊ စာ(၁၁)
No comments:
Post a Comment