ရန်ကုန် ၊ ၆-၂-၂၀၁၇
မြန်မာနိုင်ငံ အတွင်း ရင်းနှီးမြှုပ်နှံမှု လုပ်ငန်းများ အတွက် လာရောက်သော နိုင်ငံခြားသား များကို ခြောက်လမှ တစ်နှစ်အထိ နေထိုင်ခွင့် သက်တမ်း (Stay Permit) ကို ခွင့်ပြုပေးသွားရန် ရှိနေကြောင်း အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာနမှ တာဝန်ရှိသူ တစ်ဦး၏ ပြောကြားချက်အရ သိရသည်။
ပြည်တွင်း၌ ကုမ္ပဏီဥပဒေ ဖြစ်စေ၊ ရင်းနှီးမြှုပ်နှံမှု ဥပဒေဖြစ်စေ နိုင်ငံခြားသားများ ရင်းနှီးမြှုပ်နှံမည် ဆိုပါက ၄င်းကုမ္ပဏီ Both of Director တွင်ပါဝင်သူများ၊ ကုမ္ပဏီမှ ခန့်ထားသူများ အတွက် Stay permit လျှောက်ထား နိုင်ကြောင်း၊ ပထမ တစ်ကြိမ်တွင် သုံးလ၊ ဒုတိယတစ်ကြိမ် လျှောက်ပါက ခြောက်လဖြစ်ပြီး တတိယအကြိမ် လျှောက်ထားပါက တစ်နှစ်ခွင့်ပြု ထားကြောင်း၊ လက်ရှိတွင် ရင်းနှီးမြှုပ်နှံမှု လုပ်ငန်းများ အတွက် လာရောက် နိုင်ငံခြားသား များကို ခြောက်လမှ တစ်နှစ်အထိ နေထိုင်ခွင့် သက်တမ်းကို ခွင့်ပြုရန်စီစဉ် နေခြင်းဖြစ်ကြောင်း သိရသည်။
အဆိုပါ လျှောက်ထားမှုတွင် နိုင်ငံတကာ ရင်းနှီးမြှုပ်နှံမှုများ၊ ကျွမ်းကျင် ပညာရှင်များ၊ အလုပ်သမားများ အတွက် နေခွင့် သက်တမ်းကို ၄င်းတို့၏ ဆန္ဒအရ ခြောက်လ (သို့မဟုတ်) တစ်နှစ် တိုးခွင့်ပြုရန် သက်တမ်းရှိသည့် ကုမ္ပဏီ၊ မှတ်ပုံတင် ရှိသည့်ကုမ္ပဏီများ၊ Work Permit များနှင့်တင်ပြ လျှောက်ထား မည်ဆိုပါက ခြောက်လမှ တစ်နှစ်အထိ တိုးမြှင့်ပေးရန် အစီအစဉ် ရှိနေကြောင်း၊ ယင်းအတွက် လူကိုယ်တိုင် လာရောက် လျှောက်ထားရမည် ဖြစ်ကြောင်း သိရသည်။
ထို့အပြင် နိုင်ငံခြားသား အမြဲတမ်း နေထိုင်ခွင့် (PR) စနစ် လျှောက်ထားခွင့် ရှိသူများတွင်လည်း ပညာရှင်များ၊ စီးပွားရေးအရ ရင်းနှီးမြှုပ်နှံသူများ၊ နိုင်ငံသား ဟောင်းများ၊ နိုင်ငံသားများနှင် ဇနီး/ခင်ပွန်း၊ သားသမီး စသည့် သွေးသား တော်စပ်သူဟူ၍ အမျိုးအစား လေးမျိုးခွဲခြားကာ သတ်မှတ် ဆောင်ရွက်ပေး ကြောင်း၊ ယင်းစနစ် လျှောက်ထားခွင့် မရှိသူများသည် အပြည်ပြည်ဆိုင်ရာ ဒုက္ခသည်အဖြစ် သတ်မှတ်ခံထား ရသူများ၊ြ ပည်ပနိုင်ငံ တစ်ခုခုတွင် နိုင်ငံရေး ခိုလှုံခွင့်ဖြင့် နေထိုင်ရ သူများနှင့် ပြည်တွင်းပြည်ပ (သို့မဟုတ်) နိုင်ငံတကာ ပြစ်မှုမှတ်တမ်း စာရင်းရှိသူ များအား လျှောက်ထားခွင့် မပြုကြောင်း၊ လက်ရှိခွင့်ပြုရန် စီစဉ်ထားမှုတွင် ရင်းနှီးမြှုပ်နှံမှု ပြုလုပ်မည့် နိုင်ငံခြားသား များအား သတ်မှတ်ချက်ပေါ် မူတည်၍ ခြောက်လမှ တစ်နှစ်အထိ ခွင့်ပြုရန် ဖြစ်ကြောင်း သိရသည်။ (စိုးမိုး)
မြ၀တီနေ့စဉ်သတင်းစာ ၊ စာ(၁၂)
No comments:
Post a Comment