ချစ်ကြည်ရေးလမ်းကြောင်း ပြန်ခင်းနေကြသည့် ဗီယက်နမ် နှင့် တရုတ်နိုင်ငံ

( ရှိန်းထက် )

၂ဝ၁၄ ခုနှစ်မှ စတင်ကာ တောင်တရုတ် ပင်လယ်ပြင် အရေးကို အကြောင်းပြုပြီး အာဆီယံ လေးနိုင်ငံ၊ တရုတ်(တိုင်ပေ) နှင့် တရုတ်နိုင်ငံ တို့၏ ဆက်ဆံရေးမှာ အဆိုးရွားဆုံး ဟု ဆိုနိုင်သည့် အဆင့်များသို့ ရောက်ရှိခဲ့သည်။ ထိုအထဲမှ တရုတ်နှင့် ဆက်ဆံရေး အတင်းမာဆုံး နိုင်ငံကို ပြပါဆိုလျှင် ဗီယက်နမ်နိုင်ငံ ကို ပြရမည် ဖြစ်သည်။

တရုတ်တို့က နိုင်ငံ့လုံခြုံရေး ကိုပင် ခြိမ်းခြောက်သည့် လုပ်ရပ်များ ပြုလုပ်လာ သောကြောင့် ဗီယက်နမ်တို့ စစ်ရေး အသုံးစရိတ်ကို မြှင့်တင်ပြီး စစ်လက်နက် ပစ္စည်းများကို အလုံးအရင်း တပ်ဆင်ခဲ့ ကြသည်။ လက်နက် ဝယ်ယူရန် အမှာစာများ ကိုလည်း ဗီယက်နမ်တို့က တစ်နိုင်ငံပြီး တစ်နိုင်ငံသို့ ပို့ခဲ့သည်။ ထို့ကြောင့် ကမ္ဘာ့ စစ်အသုံးစရိတ် အများဆုံး သုံးစွဲသည့် နိုင်ငံစာရင်း တွင်ပင် ဗီယက်နမ်နိုင်ငံ က တစ်ဆင့်ပြီး တစ်ဆင့် မြင့်သည်ထက် မြင့်လာခဲ့သည်။

၂ဝ၁၄ ခုနှစ်တွင် ဗီယက်နမ် ကမ်းရိုးတန်း၌ တရုတ်ရေနံတူးစင် လာချထားပြီး နောက် ဗီယက်နမ်တွင် တရုတ် ဆန့်ကျင်ရေး လှုပ်ရှားမှုများ ပေါ်ပေါက် လာသည်။ ထိုဂယက်က နိုင်ငံအတွင်းရှိ တရုတ် အထည်ချုပ် စက်ရုံများ အထိပင် ရိုက်ခတ်လာပြီး ဗီယက်နမ်တွင် တရုတ်စက်ရုံ မန်နေဂျာ သေဆုံးရသည် အထိ တရုတ် ဆန့်ကျင်ရေး ပေါ်ပေါက်ခဲ့သည်။

ထို့နောက် တောင်တရုတ် ပင်လယ်ပြင် အရေး ပေါ်လာပြန် သောအခါ တရုတ်နှင့် ဗီယက်နမ် ပြဿနာက မီးလောင်ရာ လေပင့် ဖြစ်သွားပြီး အဆိုးဆုံး ကတော့ ဗီယက်နမ် ကမ်းရိုးတန်း နှင့် မိုင် ၁၂ဝ အကွာ၌ ငါးဖမ်းနေသည့် ဗီယက်နမ် ငါးဖမ်းသမား များကို တရုတ်တို့က ဖမ်းဆီးသည့် ကိစ္စဖြစ်သည်။

၂ဝ၁၄ ခုနှစ်မှ စတင်၍ ၂ဝ၁၆ ခုနှစ်အထိ သုံးနှစ်ဆက်တိုက် ဆိုသကဲ့သို့ ပြဿနာတွေက တသီတတန်းကြီး ပေါ်လာကာ တရုတ်နှင့် ဗီယက်နမ် နှစ်နိုင်ငံ ဆက်ဆံရေးကို သွေးအေးသွား စေသည်။ သို့သော် ပထဝီဝင် နိုင်ငံရေးအရ တရုတ် နှင့် ဗီယက်နမ် သည် ဆက်ဆံရေး ပြတ်တောက် သွား၍လည်း မဖြစ်ပြန်ချေ။ အိမ်နီးချင်း နိုင်ငံများ ဖြစ်သည့်အတွက် ရန်သူတော် ကြီးများ ဖြစ်နေလျှင် အချိန်ပြည့် စစ်ရေး ပြင်ဆင်မှုများ ကြောင့် စီးပွားရေး ဘက်တွင် ထိခိုက်မည် ဖြစ်သည်။ အဓိက ထိခိုက် မည့်သူက ဗီယက်နမ်နိုင်ငံ ဖြစ်သည်။ ဗီယက်နမ် စီးပွားရေးမှာ တရုတ်နှင့် ဆက်ဆံမှု မရှိလျှင် ဦးစိုက်ကျဆင်း လာမည်ဖြစ်ပြီး နှစ်နိုင်ငံကြား ကုန်သွယ်မှု တန်ဖိုးက အမေရိကန် ဒေါ်လာ ၁ဝဝ ဘီလီယံနီးပါး အထိ ရှိနေသောကြောင့် ဖြစ်သည်။ တရုတ်ကလည်း သူ့စီးပွားရေး ကျဆင်း နေသည့် အချိန်တွင် ပို့ကုန် ၆ဝ ဘီလီယံကျော်ခန့် တန်ကြေးရှိသည့် ဗီယက်နမ် ဈေးကွက်ကို လက်လွှတ်ခံ လိမ့်မည်မဟုတ်ပေ။ သူ့စီးပွားရေး အတွက် ပို့ကုန်အခန်း ကဏ္ဍက အဓိကကျ နေသောကြောင့် ဖြစ်သည်။

ဇန်နဝါရီ ၁၂ ရက်က ဗီယက်နမ် ကွန်မြူနစ်ပါတီ ၏ ဥက္ကဋ္ဌ ငုရင်ဖူထျောင် သည် တရုတ်နိုင်ငံသို့ သံတမန် ဆက်ဆံရေး တိုးမြှင့်ရန် သွားရောက်ခဲ့သည်။ နှစ်သစ်၏ ပထမဆုံး နိုင်ငံခြားရေး သံတမန်အဖြစ် တရုတ်တို့က

ဖက်လဲတကင်း ကြိုဆိုကြပြီး အာဆီယံ၏ အကြီးမားဆုံး ကုန်သွယ်ဖက် နိုင်ငံကို လက်မလွှတ် ချင်သည့် တရုတ်တို့၏ ပျားရည်ဆမ်း ထားသည့် ကြိုဆိုမှု ဖြစ်သည်။ ထိုနည်းတူစွာ ဗီယက်နမ် ကလည်း တရုတ်နှင့် စစ်ရေးအရ တင်းမာပြီး ထိပ်တိုက် တွေ့ဆုံရန် အလိုမရှိပေ။ သို့သော်လည်း တောင်တရုတ် ပင်လယ်ပြင် အရေးကို တရုတ်တို့က နောက်မဆုတ်ဘဲ ရှေ့ဆက်တိုး လာသောအခါ ဗီယက်နမ်တို့က သူ့နိုင်ငံ၏ လုံခြုံရေးအတွက် မဖြစ်မနေ စစ်ရေးပြင်ဆင် ရတော့သည်။

ယခုတော့ ဗီယက်နမ် ကွန်မြူနစ်ပါတီ ဥက္ကဋ္ဌ က သံတမန်ရေး အရ တောင်တရုတ် ပင်လယ်ပြင် အရေးကို အဖြေရှာနိုင်ရန် ကြိုးစားနေသည်။ ပေကျင်းသို့ လေးရက်ကြာ ချစ်ကြည်ရေး ခရီးတွင် တောင်တရုတ် ပင်လယ်ပြင် အရေးနှင့် အပြန်အလှန် စီးပွားရေး အတွက် အဓိက ပစ်မှတ်ထားပြီး အမေရိကန် သမ္မတ ဒေါ်နယ်ထရမ့် က ပစိဖိတ်ဖြတ်ကျော် စီးပွားရေး စီမံကိန်း TPP မှ အမေရိကန်ကို ဆွဲထုတ်လိုက်ခြင်း ကြောင့် ဗီယက်နမ် အတွက် တရုတ်နှင့် ပြန်လည် ဆက်ဆံရေးကို တူးဖော်ရန် စဉ်းစားမိခြင်း ဖြစ်သည်။

မြွေမသေ တုတ်မကျိုး ဆက်ဆံရေးကို ထားရှိရန် ဗီယက်နမ်တို့ အစပျိုးခြင်း ဖြစ်ပြီး တရုတ်နှင့်သာ အပြိုင် လိုက်တင်းမာလွန်း နေလျှင်တော့ ဗီယက်နမ်အတွက် ကောင်းကျိုးက ရှိလိမ့်မည် မဟုတ်ပေ။ ဗီယက်နမ် ဝန်ကြီးချုပ် ဟောင်း ငုရင်တန်ဒေါင် လက်ထက် ၂ဝဝ၉ ခုနှစ်မှစတင်ကာ အနောက်အုပ်စု ဘက်ကို ဗီယက်နမ်အစိုးရ အလေးသာခဲ့ပြီး တရုတ်တို့ကို ထိပ်တိုက် ဆန့်ကျင်မှုများကို ပြုလုပ်ခဲ့သည်။ တရုတ်တို့က ဗီယက်နမ်ကို ရန်သူနိုင်ငံ ဖြစ်ရေးထက် စစ်ရေးအရ မဟာမိတ်ဖွဲ့ကာ ဖိအားပေး နိုင်သည့် အတိုင်းအတာ တစ်ခုအထိ ရောက်အောင် သွားရန် လမ်းကြောင်း များကို ယခုအစပျိုး လာနေသည်။ အမေရိကန်၊ ဗီယက်နမ် နှင့် တရုတ်တို့ သုံးပွင့်ဆိုင် တွေ့ဆုံပွဲတွင် ဗီယက်နမ်၏ ရွေးချယ်မှုက အရေးကြီးသည်။ သေချာသည့် တစ်ချက်ကတော့ တရုတ်ကို ဗီယက်နမ်တို့ သူ့မဟာမိတ် အဖြစ် ရွေးချယ်လိမ့်မည် မဟုတ်ပေ။ ပြည်ပနိုင်ငံ အစိုးရကို ဖိအားပေးတတ် သည့် တရုတ်အတွက် ဗီယက်နမ်တို့ တွင် ရှေ့သင်ခန်းစာ ကောင်းများစွာ ရှိသည်။ တရုတ်ကို မဟာမိတ်အဖြစ် ရွေးချယ်လိုက် ပါက မဟာမိတ် မဖြစ်ဘဲ ကိုလိုနီ ဖြစ်သွားမည်ကို ဗီယက်နမ်တို့ စိုးရိမ် သောကြောင့် ဖြစ်သည်။

ယခုပူပူနွေးနွေး တက်ပြီးခါစ သမ္မတသစ်နှင့် အမေရိကန် နိုင်ငံရေး မတည်ငြိမ် သေးသည့် အချိန်တွင် ဗီယက်နမ်သည် အမေရိကန် ဘက်ကိုလည်း ရာနှုန်းပြည့် မယုံရဲသေး သည့် အနေအထား ဖြစ်သည်။ သို့သော် တရုတ်ကို ပြိုင်မည့် ထရမ့် ကြောင့် ဗီယက်နမ်ကဲ့သို့ တရုတ်နှင့် အတိုင်းအတာ အထိ ရင်ပေါင်တန်းပြီး ပြိုင်သည့် နိုင်ငံမျိုးကို ထရမ့် လက်ပိုက်ကြည့် နေလိမ့်မည် မဟုတ်ပေ။

ထရမ့်၏ တရုတ်ကို ပစ်မှတ်ထားသည့် အာရှရေးရာ နိုင်ငံခြားရေးမူဝါဒ ထဲတွင် ဗီယက်နမ်တို့ စောစီးစွာပင် ပါဝင်ကောင်း ပါဝင်နေမည် ဖြစ်သည်။ အကယ်၍ မပါပါက ဗီယက်နမ်၏ ကျောရိုးဒေါက်တိုင် ဖြစ်လာနိုင်သည့် နိုင်ငံများက ရုရှားနှင့် အိန္ဒိယဖြစ်သည်။ အိန္ဒိယက အာဆီယံနိုင်ငံ များ၏ လုံခြုံရေး မဏ္ဍိုင်တစ်ခု အဖြစ် ရပ်တည်နိုင်ရန် ကြိုးစားနေသည့် အချိန်ဖြစ်ပြီး ရုရှားက စစ်ရေးအရ နယ်မြေသစ်များ စွာကို ရှာဖွေနေသည့် ကာလဖြစ်သည်။ ယခုရုရှား အပါအဝင် နယ်သာလန် ၊ အစ္စရေးတို့နှင့် ဘီလီယံချီ တန်ကြေးရှိသည့် စစ်လက်နက် သဘောတူညီမှု များကို ရယူထားပြီး ဖြစ်ကာ အိန္ဒိယဆီမှ ရေငုပ်သင်္ဘောများ၊ ကင်းလှည့် လေယာဉ်များ၊ ဒုံးကျည်များ နှင့် ဖရီးဂိတ် စစ်သင်္ဘောများကို ဝယ်ယူရန် သဘောတူညီ ထားသူဖြစ်သည်။ စစ်ရေးအရ တရုတ်ကို ယှဉ်ပြိုင်မည့် ဗီယက်နမ်တို့၏ ဘီလီယံနှင့်ချီသည့် မဟာဗျူဟာ စစ်ရေး စီမံကိန်းကြီးလည်း ဖြစ်သည်။

ပြီးခဲ့သည့် သုံးနှစ်ဆက်တိုက် ဆက်ဆံရေးများ သွေးအေးနေပြီး ယခု ဗီယက်နမ် ဘက်က ပြန်လည်ပြီး ထိုအေးခဲမှုကို အဆုံးသတ်ရန် ကြိုးစားလာနေပြီ ဖြစ်သည်။ သူ့အတွက် တရုတ်နှင့် စီးပွားရေးအရ အကျိုးအမြတ် နည်းလျှင် နိုင်ငံ၏ စစ်ရေး တိုးချဲ့မှုကို ထိခိုက်မည် ဖြစ်သည်။ ထို့ကြောင့် တစ်နှစ်လျှင် ကုန်သွယ်ရေး ပမာဏ တိုးတက်မှုနှုန်း ၃ ရာခိုင်နှုန်းကျော် ရှိနေသည့် အညွှန်းကိန်းကို ထပ်မြှင့်ရန် ဗီယက်နမ်တို့ ကြိုးစားနေပြီး အမေရိကန်၊ ရုရှားနှင့် အိန္ဒိယ တို့၏ စိတ်ဝင်စားမှု အောက်တွင် ပါးနပ်စွာ နေသွားမည် ဆိုပါက ဗီယက်နမ် အတွက် အကျိုးအမြတ် ထွက်လာနိုင်မည် ဖြစ်ပါကြောင်း တင်ပြလိုက်ရ ပါသည်။

မြ၀တီနေ့စဉ်သတင်းစာ ၊ စာ(၂၄)