မြိတ် ၊ ၂၇-၁၂-၂၀၁၆
တနင်္သာရီတိုင်း ဒေသကြီး မြိတ်ကျွန်းစု ဒေသရှိ ကျွန်းစုများ၌ နေထိုင်ကြသော ဆလုံလူမျိုးစု များသည် ခေတ်ကာလ ရွေ့လျားလာ သည်နှင့်အညီ ပျောက်ကွယ်စပြု လာပြီဖြစ်ရာ သက်ဆိုင်ရာဝန်ကြီး ဌာနနှင့် တိုင်းဒေသကြီး အစိုးရအဖွဲ့များ ပူးပေါင်း၍ ဆလုံလူမျိုး တို့၏ ရိုးရာဓလေ့များကို ဖော်ဆောင်သွားမည် ဖြစ်ကြောင်း ဟိုတယ်နှင့် ခရီးသွားညွှန်ကြားမှု ဦးစီးဌာန ညွှန်ကြားရေးမှူးချုပ် ဦးတင့်သွင် ထံမှ သိရသည်။
''ခေတ်မီလာတာနဲ့ အမျှ နဂိုရှိရင်းစွဲ ဆလုံရိုးရာဓလေ့တွေ၊ ဝတ်စားဆင်ယင်မှု တွေက ဆလုံလူမျိုး တွေကြားမှာ အရင်ထက် ခေတ်မီပြီး ပြောင်းလဲစွာ ဝတ်ဆင်လာတာ တွေ့ရတယ်။ ဆလုံရိုးရာ ယဉ်ကျေးမှုတွေ၊ ဓလေ့စရိုက် တွေ ကလည်း ပျောက်ကွယ်မှန်းမသိ ပျောက်ကွယ် လာတယ်။ ဒါတွေကို ကျွန်တော်တို့ ဟိုတယ်နှင့် ခရီးသွားလာရေး ဝန်ကြီးဌာန၊ တနင်္သာရီတိုင်း ဒေသကြီး အစိုးရအဖွဲ့တွေ၊ ခရီးသွားလုပ်ငန်း နဲ့ပတ်သက်တဲ့ ကုမ္ပဏီကြီးတွေ၊ လုပ်ငန်းရှင်တွေ စုပေါင်းအင်အားနဲ့ ဆလုံလူမျိုးတွေရဲ့ ရိုးရာဓလေ့တွေ မပျောက်ပျက်အောင်၊ ဆလုံလူမျိုးစု တွေရဲ့ အရင်းအမြစ်တွေ မပျောက်ကွယ်အောင် သူတို့ကို အသိပညာပေး ဆောင်ရွက်သွားမှာပါ '' ဟု ဦးတင့်သွင်က ပြောသည်။
ထို့ကြောင့် ဆလုံလူမျိုးတို့၏ ယဉ်ကျေးမှု နှင့် ဓလေ့စရိုက်များ မပျောက်ကွယ် စေရန် ဆလုံလူမျိုးများ ရှိရာသို့ သွားရောက်ကာ ၄င်းတို့၏ လိုအပ်ချက်များကို ထိရောက်သော ဖြည့်ဆည်းမှုများ ပြုလုပ်ပေးမည် ဆိုလျှင် လူမျိုးစု ပျောက်ကွယ်မှုကို ထိန်းသိမ်းရာ ရောက် သကဲ့သို့ နိုင်ငံခြား ခရီးသွားဧည့်သည် များ၏ ဆလုံရိုးရာဒေသ လေ့လာမှု ခရီးသွားနယ်မြေသစ် များလည်း တိုးပွားလာနိုင်ကြောင်း သိရသည်။
မြ၀တီနေ့စဉ်သတင်းစာ ၊ စာ(၆)
No comments:
Post a Comment