မိုင်းစထိမှန်ဒဏ်ရာ ရရှိခဲ့သည့် ဦးဇင်မောင်စိုး ကို တွေ့ရစဉ်
နေပြည်တော် ၊ ၃၀-၁၁-၂၀၁၆
ကချင်ပြည်နယ်၊ ရွှေကူမြို့နယ်၊ နန့်လန်ချောင်း အနီး၌ နိုဝင်ဘာ ၂၈ ရက် မွန်းလွဲ ၁ နာရီခန့်တွင် KIA အကြမ်းဖက် သောင်းကျန်းသူ အဖွဲ့မှ ထောင်ထားသည့် မိုင်းနင်းမိ ပေါက်ကွဲသဖြင့် ဒေသခံပြည်သူ နှစ်ဦး မိုင်းစထိမှန် ဒဏ်ရာများ ရရှိခဲ့ကြောင်း သိရသည်။
ဖြစ်စဉ်မှာ စစ်ကိုင်းတိုင်း ဒေသကြီး၊ ကသာမြို့နယ်၊ မှတ်တိုင်ကျေးရွာ နေ ဦးမောင်မျိုးနှင့် ဟိုပင်မြို့နေ ဦးဇင်မောင်စိုး တို့နှစ်ဦးသည် ရှောင်းပါးကျေးရွာ ၏ အရှေ့မြောက် ဘက်သို့ ကြိမ်ခုတ်ရန် သွားရောက်စဉ် ကချင်ပြည်နယ်၊ ရွှေကူမြို့နယ်၊ နန့်လန်ချောင်း အနီးသို့ အရောက် KIA အကြမ်းဖက် သောင်းကျန်းသူ အဖွဲ့မှ ထောင်ထားသည့် မိုင်းအား ဦးမောင်မျိုး က နင်းမိပေါက်ကွဲ ခဲ့ခြင်းဖြစ်သည်။
မိုင်းပေါက်ကွဲ မှုကြောင့် ဦးမောင်မျိုး သည် မိုင်းထိသည့် ဒဏ်ရာကြောင့် သေဆုံးခဲ့ပြီး ဦးဇင်မောင်စိုး သည် ဝဲ/ယာ မျက်လုံးဖူးရောင် ညိုမဲဒဏ်ရာ၊ ရင်ဘတ်နှင့် လည်ပင်း တို့တွင် မိုင်းစထိမှန် ဒဏ်ရာများ ရရှိခဲ့သဖြင့် ကသာမြို့၊ ပြည်သူ့ဆေးရုံ၌ တက်ရောက် ဆေးကုသမှု ခံယူလျက် ရှိကြောင်း သိရှိရသည်။
မြ၀တီနေ့စဉ်သတင်းစာ ၊ စာ(၁၅)
No comments:
Post a Comment