နေပြည်တော် ၊ ၂၉-၁၁-၂၀၁၆
မောင်တောမြို့နယ် ကျောက်ပန္တု ကျေးရွာမှ ရာအိမ်မှူး၏ နေအိမ်မှာ ရှို့မီးကြောင့် မီးလောင်မှု ဖြစ်ပွားခဲ့ကြောင်း နိုင်ငံတော် အတိုင်ပင်ခံရုံး သတင်း ထုတ်ပြန်ရေး ကော်မတီမှ သတင်းထုတ်ပြန် ထားသည်။
မောင်တောမြို့နယ် ကျောက်ပန္တု ကျေးရွာမှ ရာအိမ်မှူး ရော်ဖီး ၏ နေအိမ်အား နိုဝင်ဘာ ၂၅ ရက် ည ၁၂ နာရီခန့်တွင် အမည်မသိ လူတစ်စုက ဓာတ်ဆီပုလင်းအား မီးရှို့၍ မီးဖိုဆောင် ခေါင်မိုးပေါ်သို့ ပစ်တင်၍ မီးရှို့ခဲ့ရာ အိမ်ရှင်များက ဝိုင်းဝန်းပြီး မီးငြှိမ်းသတ်ခဲ့ ရကြောင်း၊ မီးလောင်မှု ဖြစ်ပွားရာ အနီးတွင် ဓာတ်ဆီပုလင်း နှစ်လုံးနှင့် မီးခြစ်နှစ်လုံး တို့ အား စစ်ဆေးတွေ့ရှိ ရကြောင်း၊ အဆိုပါ မီးရှို့သည့် တရားခံများအား ဖော်ထုတ်ဖမ်းဆီး ရမိရေး ဆောင်ရွက်လျက် ရှိကြောင်း သိရှိရသည်။
မြ၀တီနေ့စဉ်သတင်းစာ ၊ စာ(၁၂)
No comments:
Post a Comment