နေပြည်တော် ၊ ၁၈-၈-၂၀၁၆
မလေးရှားနိုင်ငံရှိ ထိန်းသိမ်းရေး စခန်း ၁၁ ခုတွင် အကြောင်း အမျိုးမျိုးကြောင့် ရောက်ရှိ ထိန်းသိမ်းခံ နေကြရသည့် မြန်မာနိုင်ငံသား များအနက် နေရပ်ပြန်ရန် အခက်အခဲ ရှိနေသူအနက်မှ ၄၀၀ ကျော်အား တပ်မတော် (ကြည်း ၊ ရေ ၊ လေ) မိသားစုများ၏ စိတ်စေတနာအရ မြန်မာ့တပ်မတော် ၏ အစီအစဉ်ဖြင့် မလေးရှားနိုင်ငံ ၊ ကွာလာလမ်ပူမြို့ မှ အမိမြန်မာနိုင်ငံ ရန်ကုန်မြို့သို့ အခမဲ့ ပြန်လည်ခေါ်ဆောင် ပေးရန် စီစဉ် ထားရှိသည်။
ယင်း အစီအစဉ်အရ ပထမသုတ် အနေဖြင့် ယမန်နေ့ညနေပိုင်း တွင် ၁၃၈ ဦးကို စတင်ခေါ်ဆောင် ခဲ့ပြီး ရန်ကုန် အပြည်ပြည်ဆိုင်ရာ လေဆိပ်သို့ ည ၈ နာရီ ၅၀ မိနစ်တွင် ပြန်လည် ရောက်ရှိရာ ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ် မျိုးဇော်သိန်း နှင့် တာဝန်ရှိသူများ ၊ နိုင်ငံခြားရေး ၀န်ကြီးဌာန ၊ ပြည်ထဲရေး ၀န်ကြီးဌာန ၊ ပို့ဆောင်ရေး နှင့် ဆက်သွယ်ရေး ၀န်ကြီးဌာန ၊ အလုပ်သမား ၊ လူဝင်မှုကြီးကြပ်ရေး နှင့် ပြည်သူ့အင်အား ဦးစီးဌာန ၊ လူမှုဝန်ထမ်း ၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန မှ တာဝန်ရှိသူများ ကမ္ဘောဇ အနာဂတ်အလင်းတန်း မြန်မာ ဖောင်ဒေးရှင်းမှ တာဝန်ရှိ သူများ ၊ IOM ရုံးမှ တာဝန်ရှိသူများ ပြန်လည် ရောက်ရှိလာကြ သူများ၏ မိသားစုဝင်များက နွေးထွေးစွာ ကြိုဆိုခဲ့ကြသည်။
အဆိုပါ ၁၃၈ ဦးမှာ ရန်ကုန်တိုင်း ဒေသကြီး မှ ၁၂ ဦး ၊ မန္တလေးတိုင်း ဒေသကြီးမှ တစ်ဦး ၊ စစ်ကိုင်းတိုင်း ဒေသကြီးမှ ၂ ဦး ၊ ပဲခူးတိုင်း ဒေသကြီးမှ ၉ ဦး ၊ မကွေးတိုင်း ဒေသကြီးမှ ၄ ဦး ၊ ဧရာဝတီတိုင်း ဒေသကြီးမှ ၃ ဦး ၊ တနင်္သာရီတိုင်း ဒေသကြီးမှ ၁၃ ဦး ၊ ကယားပြည်နယ် မှ တစ်ဦး ၊ ကရင်ပြည်နယ် မှ ၂ ဦး ၊ မွန်ပြည်နယ် မှ ၅၅ ဦး ၊ ရခိုင်ပြည်နယ် မှ ၂၁ ဦး ၊ ရှမ်းပြည်နယ် မှ ၃ ဦး နှင့် ချင်းပြည်နယ် မှ ၁၂ ဦးတို့ ဖြစ်ကြောင်း သိရသည်။
ပြည်သူလူထု၏ အသက်အိုးအိမ် စည်းစိမ်ကို ကာကွယ် စောင့်ရှောက်ရန် ၊ ပြည်သူလူထု အကျိုးစီးပွားကို ဖော်ဆောင်ပေးရန် မှာ တပ်မတော်၏ အမျိုးသားရေး တာဝန် ထမ်းဆောင်မှု ဖြစ်သည်နှင့်အညီ ပြည်ပနိုင်ငံများတွင် ဒုက္ခမျိုးစုံဖြင့် ရင်ဆိုင် ကြုံတွေ့နေသည့် မြန်မာနိုင်ငံသား များအား အမိနိုင်ငံသို့ ပြန်လည်ခေါ်ယူ နိုင်ရေးအတွက် တစ်တပ်တစ်အား ကူညီဆောင်ရွက် ခဲ့ခြင်းဖြစ်ပြီး ကျန်ရှိနေသည့် မြန်မာဒုက္ခသည် အလုပ်သမားများကို ဒုတိယအသုတ် နှင့် တတိယအသုတ် နှစ်သုတ်ခွဲ၍ ဆက်လက် ထပ်မံ ခေါ်ဆောင်ပေး သွားမည် ဖြစ်ကြောင်း သိရှိရသည်။ (၁၀၀)
မြ၀တီနေ့စဉ် ၊ စာ(၃၂)
No comments:
Post a Comment