ရန်ကုန် ၊ ၂၉-၅-၂ဝ၁၅
မြန်မာနိုင်ငံမှ ထွက်ရှိသော ဂျူးမြစ်များသည် စားသောက်ကုန် အဖြစ် သာမက ဆေးဖက်ဝင်သော အပင်တစ်မျိုး ဖြစ်ကြောင်း အပြည်ပြည် ဆိုင်ရာမှ ဆေးဘက်ဆိုင်ရာ ပညာရှင် များနှင့် တိုင်းရင်းဆေးဝါး ကျွမ်းကျင် သူများက အသိအမှတ်ပြု ထားသည့် အတွက် တောင်ကိုရီးယား နိုင်ငံမှ မြန်မာ့ဂျူးမြစ် များကို ဝယ်ယူကာ တိုင်းရင်းဆေးဝါး နှင့် အရေပြား ထိန်းသိမ်းခြင်း ဆိုင်ရာ အလှကုန် ပစ္စည်းများ ဖော်စပ် ထုတ်လုပ်ရာတွင် အသုံးပြုရန် ဝယ်ယူလျက် ရှိကြောင်း စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန ကုန်သွယ်မှု မြှင့်တင်ရေး ဌာနမှ တာဝန်ရှိသူ တစ်ဦးက ပြောသည်။
မြန်မာနိုင်ငံ၏ ရေမြေ အနေအထား၊ ရာသီဥတုနှင့် စိုထိုင်း အခြေအနေ စသည်တို့ကြောင့် ပြည်တွင်း၌ စိုက်ပျိုး ဖြစ်ထွန်းလျက် ရှိသော ဂျူးမြစ်များသည် ဟင်းလျာအဖြစ် ချက်ပြုတ် စားသောက် နိုင်သကဲ့သို့ ကျန်းမာရေး ကိုလည်း အထောက် အကူပြု သောကြောင့် ၄င်းတို့ကို အသုံးပြုကာ အလှကုန် ပစ္စည်းများနှင့် တိုင်းရင်း ဆေးဝါးများ စီးပွားဖြစ် ထုတ်လုပ်ရန် တောင်ကိုရီးယား နိုင်ငံမှ စီးပွားရေး လုပ်ငန်းရှင်များနှင့် ကျွမ်းကျင် ပညာရှင် များသည် ယခုအခါ မြန်မာ့ဂျူးမြစ် များကို ဓာတ်ခွဲ စမ်းသပ်ခြင်း များနှင့် အရည်အသွေး စစ်ဆေးခြင်းများ လုပ်ဆောင်လျက် ရှိကြောင်း သိရသည်။
မြန်မာနိုင်ငံ၌ ဂျူးမြစ်များကို မန္တလေးတိုင်း ဒေသကြီး ပြင်ဦးလွင် နှင့် ရှမ်းပြည်နယ် (တောင်ပိုင်း) တောင်ကြီး၊ ဟိုပုံး၊ ပင်လောင်း၊ ပင်းတယ၊ အောင်ပန်းနှင့် နောင်တရား စသည့်ဒေသ တို့၌ အများဆုံး စိုက်ပျိုးကြသည်။
ထိုဒေသများမှ ထွက်ရှိသော ဂျူးမြစ်များသည် အောက်ဆီဂျင် ဓာတ်တိုးမှုကို ချေဖျက်နိုင်ခြင်း၊ ဝမ်းချုပ်ခြင်းနှင့် ပင်ပန်းနွမ်းနယ် ခြင်းတို့ကို လျော့ပါးစေ နိုင်ခြင်း စသည့် အစွမ်းသတ္တိများ ရှိသည့်အပြင် အရိုးပါးရောဂါ၊ အဆုတ်ရောဂါ၊ သွေးတိုးရောဂါ၊ ဆီးချိုရောဂါ နှင့် အစာအိမ် အူလမ်းကြောင်း ဆိုင်ရာ ရောဂါတို့ကို ပျောက်ကင်း စေနိုင်ကြောင်း၊ အာဟာရဓာတ် အနေဖြင့် ပရိုတိန်းဓာတ်၊ အဆီဓာတ်နှင့် အမျှင်ဓာတ်တို့ ပါရှိသည့် အတွက် ဂျူးမြစ်ကို စားသုံးခြင်းဖြင့် အသားအရေ စိုပြည် လှပအောင် ထိန်းသိမ်း နိုင်စွမ်း ရှိကြောင်း သိရသည်။
ဆောင်းဦး
#Themyawadydaily
No comments:
Post a Comment