ကိုးကန့် သောင်းကျန်းသူ အဖွဲ့များနှင့် လေကြောင်းပစ်ကူယူ တိုက်ပွဲများ ပြင်းထန်စွာဖြစ်ပွား၊ မူးယစ်ဆေးဝါး မြောက်မြားစွာ သိမ်းဆည်းရမိ

လောက်ကိုင်ဒေသ တိုက်ပွဲများတွင် သိမ်းဆည်းရမိ အိုက်စ် နှင့် စိတ်ကြွရူးသွပ် ဆေးများကို တွေ့ရစဉ်

နေပြည်တော် ၊ ၈-၃-၂၀၁၅

တပ်မတော် စစ်ကြောင်းများက လောက်ကိုင်ဒေသ အတွင်း နယ်မြေ ရှင်းလင်း ဆောင်ရွက်လျက်ရှိရာ မတ် ၆ရက် မွန်းလွဲပိုင်းတွင် ကုန်းကြမ်း မှ လော်ကွာကျိုင်းသို့ နယ်မြေရှင်းလင်း စဉ် လော်ကွာ ကျိုင်းကျေးရွာ အနီး၌ ကိုးကန့်၊ ပလောင်၊ ရခိုင်သောင်းကျန်းသူ ပူးပေါင်းအဖွဲ့များနှင့် ထိတွေ့ တိုက်ပွဲဖြစ်ပွားခဲ့ပြီး တပ်မတော် စစ်ကြောင်းများမှ ခြေလျင်အကူ လက်နက်ကြီး များဖြင့် ပစ်ကူယူ တိုက်ခိုက်ခဲ့သဖြင့် သောင်းကျန်းသူများ ဆုတ်ခွာ သွားခဲ့သည်။

ထို့အပြင် ညနေပိုင်းတွင် တပ်မတော် စစ်ကြောင်းက လောက်ကိုင် ဒေသရှိ နယ်နိမိတ်မှတ်တိုင် အမှတ် (၁၁၈) အနီး ကိုးကန့် သောင်းကျန်းသူ အဖွဲ့များ ယာယီခြေကုပ် ယူထားသည့် စစ်ဗျူဟာအရ အရေးကြီးသော ပွိုင့်- ၂၀၁၄ တောင် ကုန်းအား တိုက်ခိုက်သိမ်းပိုက် ခဲ့သည်။

ထို့အတူ ချင်းရွှေဟော်မှ လောက်ကိုင်မြို့သို့ သက်သာထောက်ပံ့ ပစ္စည်းများ ပို့ဆောင်သည့် ယာဉ်တန်းအား ညနေ ပိုင်းတွင် မာလီရှူးဝါး ကျေးရွာအနီး၌ ကိုးကန့် သောင်းကျန်းသူ အဖွဲ့များက နှောင့်ယှက် ပစ်ခတ် ခဲ့ရာ တပ်မတော် စစ်ကြောင်းများက လက်နက်ကြီး ပစ်ကူယူ၍ ပြန်လည် တိုက်ခိုက်ခဲ့ သဖြင့် သောင်းကျန်းသူ အဖွဲ့များ ပြန်လည် ဆုတ်ခွာ သွားခဲ့သည်။

၎င်းအပြင် လောက်ကိုင်- ချင်းရွှေဟော် ကားလမ်းအား လုံခြုံ စိတ်ချစွာ သွားလာနိုင်ရန် အတွက် ယမန်နေ့ မွန်းလွဲပိုင်းမှ စတင်၍ ကိုးကန့် သောင်းကျန်း သူအဖွဲ့များ ခြေကုပ်ယူထားသည့် လုံထန်ကျေးရွာ အနီး ကားလမ်း အရှေ့ဘက် ခြမ်းရှိ ပွိုင့်- ၁၇၅၃ တောင်ကုန်း အပါအဝင် စစ်ဗျူဟာအရ အရေးကြီးသော တောင်ကုန်းများအား တပ်မတော် စစ်ကြောင်းများမှ တိုက်ခိုက်ရေး ရဟတ်ယာဉ်၊ လေယာဉ်များဖြင့် လေကြောင်းပစ်ကူ ၆ ကြိမ်ရယူ၍ ဝိုင်းပတ် ပိတ်ဆို့တိုက်ခိုက် လျက်ရှိပြီး တိုက်ပွဲများ ပြင်းထန် စွာဖြစ်ပွားလျက် ရှိသည်။

အထက်ပါ ဆုတ်ခွာသွားသော သောင်းကျန်းသူများ နောက်သို့ တပ်မတော် စစ်ကြောင်းများက လိုက်လံ ရှင်းလင်းခဲ့ရာ ကိုးကန့် သောင်းကျန်းသူ များထံမှ အမ်(၁၆) ၁ လက်၊ အမ်(၂၂) ၁ လက်၊ ကျည်အိမ် ၂ ခု၊ ကျည် ၉၂ တောင့်၊ TNT ယမ်းပျော့ ၂ တောင့်၊ MNDAA လက်မောင်း တံဆိပ်ပါ အင်္ကျီ ၁၁ ထည်၊ စစ်စိမ်းရောင် ဘောင်းဘီရှည် ၆ ထည်၊ ကျောပိုးအိတ် ၅ လုံးနှင့် ပြောက်ကျား အိပ်ရာလိပ် ၁၃ ခုတို့အား သိမ်းဆည်း ရမိ၍ တပ်မတော်မှ အရာရှိ၊ စစ်သည် ၄ ဦး အသက်ပေးလှူ ခဲ့ကာ ၁၁ ဦး ထိခိုက် ဒဏ်ရာ ရရှိခဲ့သည်။ ဒဏ်ရာရ အရာရှိ၊ စစ်သည် များအား တပ်မတော် ဆေးရုံများသို့ ပို့ဆောင်၍ ဆေးကုသမှု ခံယူစေလျက် ရှိသည်။

ဆက်လက်၍ ယမန်နေ့ မွန်းလွဲပိုင်းတွင် တပ်မတော် စစ်ကြောင်း များက သတင်းဖော်ထုတ် ရရှိသော ကိုးကန့် သောင်းကျန်း သူအဖွဲ့များနှင့် ဆက်စပ် မှုရှိသည့် မသင်္ကာဖွယ် နေရာများအား ဝင်ရောက် ရှင်းလင်းရာ အမ်(၂၂) ၃ လက်၊ ပစ္စတို ၂ လက်၊ ကျည်အိမ် ၂ ခု၊ ကျည်မျိုးစုံ ၂၀၂၀ တောင့်၊ အာရ်ပီဂျီပို့ ကျည် ၆ တောင့်၊ ဖုန်း Jammer ၂၁ ခု၊ ကျည်ကာအင်္ကျီ ၂၀ ၊ ကျည်ကာပြား ၆၀ ၊ လက်ပစ်ဗုံး ထည့်အိတ် ၃၅ စုံ၊ ဆန်စလွယ်အိတ် ၁၀၇ ခု၊ ကိုးကန့်အလံ ၃ ထည်၊ MNDAA လက်မောင်း တံဆိပ်ပါ ပြောက်ကျားအင်္ကျီ ၁ ထည်၊ ကိုးကန့် ရဲယူနီဖောင်း ၁၅ စုံ၊ ကိုးကန့်ဦးထုပ် ၅ လုံး၊ MNDAA ဦးထုပ်တံဆိပ် ၄ ခု၊ လက်မောင်း တံဆိပ် ၁၂၀ ခု၊ ရင်ဘတ် တံဆိပ် ၁၃၀ ခု၊ အဆင့်တံဆိပ် ၁၆ ခု၊ တောစီးဖိနပ် အရံ ၈၀ တို့အပြင် ကာလတန်ဖိုး ကျပ် ၄၁၄ သိန်းခန့်ရှိ OK တံဆိပ်ပါ WY စိတ်ကြွ ရူးသွပ်ဆေးပြား ၂၇၆၀၀၀ ပြားနှင့် ကာလတန်ဖိုး ကျပ်သိန်း ၂၄၈၄၀၀ ခန့်ရှိ အိုက်စ် ၁ ကီလိုဂရမ်ပါ ၁၂၄၂ ထုပ် သိမ်းဆည်း ရမိခဲ့ကြောင်း သိရှိရသည်။

#Themyawadydaily

#မြ၀တီနေ့စဉ်